الموضوع: ** رينو / داشيا - لوجان الان في مصر ! ب 70 الف عفريت يركبهم ! **

المشاركة الأصلية كتبت بواسطة CryptonX

اه مع احترامي الكامل .. دي سيارة لا تقارن حتي بالاونو ..
كأنك بتقارن سيارة يابانية بسيارة صينية و صينية سئية كمان مش صينية عادية .

اونو ايه اللي بتقارنها بيها يا كريم
دي فئة هاتشباك صغيرة
واللوجان دي سيارة سيدان عائلية يعني ما ينفعش تقارن دي بدي
ثانيا الاونو دي تكنولجي عدي عليها اكتر من 15 سنة وما زالت بتنتج بنفس الشكل والمواصفات
لكن دي شكل جديد موتور مش حديث فعلا بس على الاقل احسن من العربيات الايراني والصيني المصري اللي بقت ب 70 الف
دي عربية اروبي ومطابقة للمواصفات الاروبية ومعمولة عشان تبقي صيانتها رخيصة نوعا
يعني موتور تكنلوجيا بسيطة مش معقدة
التابلوة بتاعها حسب ما قريت عبارة عن قطعة واحدة لتكلفة التصنيع والصيانة
لو جاية من المغرب ممن اقول تقفيل مش حلو لكن جاية من رومانيا ماعتقدش جانبك الصواب
لان تمن العربية حوالي 45 الف من غير جمارك وهامش الربح والنقل وتحمل الصيانة لمدة 3 سنوات قادمة وتوفير استوك قطع غيار كبير
بقوللك العربية دي ان شاء الله هاتبيع كتير قوي
خاصة انك بتقول هايبات في التوكيل
وواضح انك ماتعملتش ولا تعرف حاجة عن محمد نصير ولا اسلوبة في معاملة المستهلك
بس احب اقوللك مبدأة
انه بيبيع سيارة واحدة ويضمن ان يبيع المشتري الاول 3 سيارات اخري بالحديث عن سيارتة بما سيلاقاه من خدمة ما بعد البيع الجيدة والاداء الجيد للسيارة
يا ريت تكلم حد من مالكي الميجان او مالكي كيا وانا شخصيا اتعاملت معاه لمدة سنة تقريبا على مدار 5 زيارات للتوكيل مفيش ولا مرة استاءت من اي شيء بل ما زلت اقول ان توكيل كيا افضل من توكيل تويوتا الذي اتعامل معاه حاليا رغم اني ما بعبش على تويوتا اي حاجة

فا هرجع اقوول لو انت بتقارن العربية دي بفيرنا بتوكيلها وافيو بتوكيلها وتكنلوجيتها القديمة برضه ولانوس بتكنلوجيتها القديمة ووقف انتاجها قريبا يبقي اضمنلك نجاح ساحق للوجان ان شاء الله