** رينو / داشيا - لوجان الان في مصر ! ب 70 الف عفريت يركبهم ! **

بقالنا من 2005 بنسمع عن الرينو لوجان .. و حتنزل و حتكسر الدنيا و سعرها حيبقى متهاود جدا .. و و و .

نزلت اللوجان - بتبدا من 69.000 و المزيد من الجشع المصاحب ليها ...

في المغرب السيارة " داشيا لوجان " بتدا بما يعادل 55 الف جنيه مصري .

و سؤال غبي يطرح نفسه .. اذا كان اللوجان في 70 و الكليو ب 73 ... اجيب اللوجان ليه ؟
حتقولوا الكليو معروفة بمشاكلها ..

حقلك علي الاقل " معروفة " .

و الذ حاجة ان اللوجان شكلها عبارة عن كليو ... قديمة !


http://roymacmullin.files.wordpress..../09/logan.jpeg

http://indimoto.com/blog/media/blogs...n-interior.jpg

http://www.redlineblog.com/autos/wp-...logan-extr.jpg

و كمان موتورها 1600 8 فالف - 90 حصان فقط .. بينما في موتور 1600 16ف بيولد 109 حصان .


وسلمولي على فرنسا ....

انا العربيه مش عجباني وللأسف مابقتش عجباني اكتر لما نزلت بسعرها ده اللي انا شايفه برضه كتير ومتفق مع كل واحد معترض على السعر بس عاوز اوضح حاجه بسيطه كنت اعرفها من سنين...الرينو لوجان موديل بقيله حوالي 3 سنين التوكيل هنا في مصر بيحاول ينزله من المغرب وكانت المعلومات المتوفره وقتها ان في اتفاقيه بين مصر والمغرب المفروض هاتخلينا ننزل العربيه دي بسعر محترم على قدها وكان المتوقع ان اعلى فئه ليها توصل 50.000 فول اوبشن وتبدأ بي 40.000 وكنت انا شخصيا منتظر نزول العربيه دي بالسعر ده لكن من سنه بالظبط بدأ الكلام يتغير لأسباب الله اعلم بيها لكن مالهاش علاقه لا برينو ولا بالتوكيل لئن اتفاقيه المغرب دي الله اعلم ماتمتش بين مصر والمغرب ولا ايه اللي خلاها تقف ........تحولت الرينو لوجان لخط انتاج في رومانيا واللي هي موجوده دلوقتي واعتقد احنا مصر يعني مفيش اتفاقات جمركيه بيننا وبين رومانيا فا ده طبعاً رفع سعرها للمبلغ اللي واصل دلوقتي واللي فعلاً زي حضرتك ما بتقول فرق بينها وبين الكليو 4000 وده طبعاً مش هايخليها تتباع ابداً .

يعني في رأيي الشخصي يعيب العربيه دي سياسه تسويقيه غريبه وبصراحه مش فاهم ليه نازله دلوقتي بالسعر ده هي فعلا كانت هاتعمل شغل لو في سعرها الأول لكن دلوقتي انا شايف سعرها الي بيبدأ بي 69000 ده كتير اوي وليه البلد دي كل ما حاجه تنفع تتعمل عدله تقف انا برضه مش فاهم ! وطالما مانفعش الاتفاقيه ووقفت بيننا وبين المغرب والبديل اللي راحت ليه العربيه هيعللي تمنها اكتر من 30.000 يعني تمنها اغلى 75% من سعرها الحقيقي بسبب الجمارك والكلام ده منزلها ليه طيب دلوقتي وأي فئه هي مصنفه فيها برضه مش فاهم يعني مش اعلى من الكليو هانقول اقل طيب اقل وبسعر الكليو طب ليييييييييه ؟

الله اعلم انا مش عارف وانا شخصيا منتظر الأيام اللي جايه دي اشوف ايه هايحصل من فريق التسويق لرينو مصر الله اعلم .

أنا اتوقع كل ده عشان الكليو الجديده تنزل بحاجه وت 90 الف و حتعدى الميه.. فيبئوا هما ملوا الفلراغ ده!!!

بجد موضوع الجشع ده زاد أوى!!!

انا شايفها غالية و المفروض تنزل 55-60 الف علشان تنافس بشدة الفيرنا و الانوس

خصوصا انها لا فرنسي و لا تركي حتى ..

دي روماني و برازيلي و هندي و مغربي .. معرفش جابو دي من انهي داهية .

أسعار العربيات في المحروسة لا يخضع إلا لمنطق الجشع و الاستغلال....عربية 1600 cc و أوروبى الأصل حتي لو إتقفلت تحت بير السلم و الوكيل خدها ببلاش حايبص علي العربيات اللي شبها(شاهين فيرنا) و يبيع فى نفس الرانج وما دام الناس بتشترى حيكمل و يمكن يزود السعر كمان :mad:

لاء هو لعب على نفس الشريحة السعرية واذا كنتو بتقولو ان العربية غالية ب 70 ماهي الجراند بونتو بتنزل 8 صبابا على كاة واحد برضة وبتطلع 77 حصان
لكن دي 1600 في لمسات اروبية مش فيرنا ولا الانوس المصري
تقفيل رومانيا هايكون برضه احسن من تقفيل مصر لجودة ومهارة الايدي العاملة الاروبية ومعظم الشركات بتتجة لرومانيا زي كيا مثلا
العربية حجمها اكبر بكتير من كليو وموتورها اكبر وتشيل اسرة محترمة وكمان نزل منها ال 7 راكب ب 86 الف جنية محدش يقدر ينزل عربية 7 راكب ب التمن ده ابدا اول عربية موجودة الفولكس الكادي البرازيلي اللي شبة الميكروباص التوناية والافانزا ومش عاجباني خالص برضه لكن عربية 7 راكب تحت ال 90 الف حاجة محترمة
اخ واهم نقطة وسبتها للاخر هيا التوكيل
اللي ماتعاملش مع محمد نصير فعلا ماشافش توكيل محترم في مصر الراجل ده ماشي في سياية خدمة العملاء بطريقة رائعة جدا جدا
العربية غالية شوية بس عشان الجمارك وكمان عشان يحقق هامش ربح معقول يقدر يغطي بيه خدمة تللعملاء صح
والعربية انا شايف انها هاتنتشر فعلا لانها الوحيدة 1600 بالتمن ده تقريبا
والناس قرفت من الفيرنا ومشاكلها والانوس اللي بقالها 10 سنين بنفس الشكل وعايزين يحسوا انهم ركبوا عربية جديدة بقي وخاصة مع اللمسة الاروبية

الاتفاقية العربية بينا وبين المغرب بتنص على انتقال البضائع

بين البلاد المشتركة بدون جمارك .... فلو دي جاية من المغرب

يبقى سعرها وصل كدة ازاي؟؟


طيب ما النوبيرا برقبتها!!

للأسف مش جايه من المغرب زي ما انا كتبت وده اللي خلاها تفقد كتير اوي من ميزتها السعريه في رأيي الشخصيي اللي موجوده في مصر دلوقتي جايه من رومانيا وعلى فكره العربيه انا اعتراضي عليها بس هو سعرها هنا في مصر غير كده العربيه مكتوب عنها اساطير بره مصر ومن 2005 مبيعاتها عاليه جداً لئنها اعتماديه عاليه وتكنولوجيا الى حد كبير قليله وده خلاها عربيه بسيطه في تصنيعها وبالتالي رخيصه وكمان سهولة صيانتها ودي ميزه مهمه بره والناس اقبالهم عليها كوبس جداً لكن جينا لغاية مصر والدنيا اتقلبت كالعاده :(

اقتباس:

---

المشاركة الأصلية كتبت بواسطة karim_monir

لاء هو لعب على نفس الشريحة السعرية واذا كنتو بتقولو ان العربية غالية ب 70 ماهي الجراند بونتو بتنزل 8 صبابا على كاة واحد برضة وبتطلع 77 حصان
لكن دي 1600 في لمسات اروبية مش فيرنا ولا الانوس المصري
تقفيل رومانيا هايكون برضه احسن من تقفيل مصر لجودة ومهارة الايدي العاملة الاروبية ومعظم الشركات بتتجة لرومانيا زي كيا مثلا
العربية حجمها اكبر بكتير من كليو وموتورها اكبر وتشيل اسرة محترمة وكمان نزل منها ال 7 راكب ب 86 الف جنية محدش يقدر ينزل عربية 7 راكب ب التمن ده ابدا اول عربية موجودة الفولكس الكادي البرازيلي اللي شبة الميكروباص التوناية والافانزا ومش عاجباني خالص برضه لكن عربية 7 راكب تحت ال 90 الف حاجة محترمة
اخ واهم نقطة وسبتها للاخر هيا التوكيل
اللي ماتعاملش مع محمد نصير فعلا ماشافش توكيل محترم في مصر الراجل ده ماشي في سياية خدمة العملاء بطريقة رائعة جدا جدا
العربية غالية شوية بس عشان الجمارك وكمان عشان يحقق هامش ربح معقول يقدر يغطي بيه خدمة تللعملاء صح
والعربية انا شايف انها هاتنتشر فعلا لانها الوحيدة 1600 بالتمن ده تقريبا
والناس قرفت من الفيرنا ومشاكلها والانوس اللي بقالها 10 سنين بنفس الشكل وعايزين يحسوا انهم ركبوا عربية جديدة بقي وخاصة مع اللمسة الاروبية

---

كلام مظبوط يا كريم و انا بأيدك فيه تماما و انا شايف غن سعرها مناسب جدا
و على فكرة العربية دى مع مهندسين رينو بقالها سنتين على الاقل قبل ما تنزل يعنى دى ميزة .
المفروض إنهم عرفوا كل حاجة فيها

اقتباس:

---

المشاركة الأصلية كتبت بواسطة Nader

الاتفاقية العربية بينا وبين المغرب بتنص على انتقال البضائع

بين البلاد المشتركة بدون جمارك .... فلو دي جاية من المغرب

يبقى سعرها وصل كدة ازاي؟؟


طيب ما النوبيرا برقبتها!!

---

للأسف انا كنت سالت فى التوكيل و قالوا إن السيارات بره الإتفاقية دى يا نادر :(
العربية دى جاية من رومانيا