ايه رايكم فى الستاير دية ياريت لو حد جربها فى اللوجان يقولى

السلام عليكم

الشمس صعبه جدا اليومين دول وكنت عملت موضوع فى قسم الكماليات عن نوع الستائر هنا

http://www.nilemotors.net/Nile/230191-a.html

استقريت على النوع اللى بيتسحب ويتفرد وبعدين دورت عندى فى دمنهور لاقيت الاتنين بتوع الازاز الابواب ب 35 جنيه فى علبه مع بعض
وواحد فردانى كبير للزجاج الخلفى ب 35 جنيه برده وهو شبه الصوره دية

[img2]http://www.tarooti.net/upfiles/UWZ38002.jpg[/img2]

حد جربهم فى اللوجان وشايف انهم عمليين ولا تعبانين وهل سعرهم كويس ولا غالى

الميزه فيهم انه سهل لمهم وشيلهم غير الستاير الكبس اللى حجمها لما تشيلها كبير وبيدايق
وهل الرؤيه للستاره الخلفيه بتبقى واضحه بالنهار لان بالليل ممكن اشيلهم لكن لو مركبها بالنهار حاشوف منها ولا لا

متابع

ذوقك دايما عالى يا أستاذ مصطفى ، وأسباب اختيارك للستاير معقوله ، بس افتكر سعرهم ممكن يقل عن كده ، وكمان ياريت تختار ألوان تناسب لون عربيتك ، بالنسبه للستاره الخلفيه بتكون واضحه بالنهار زى لو كنت مفيم زجاج خلفى ، ولو ما فيش شمس ممكن تلمها ، يعنى ما عندكش مشكله بالليل أو بالنهار ، تحياتى ياباشا .

شكرا على ذوقك حبيبى
هى كلها الوانها اسود فقط مفيش الوان تانيه
انا نفسى اجيبها بس اختى بتسوق العربيه والحاجات دية بتلبخها خصوصا انها متعلمه السواقه جديد علشان كده فكرت فى حاجه تتشال وتتحط بسهوله بس كنت عاوز حد جربها يقولى كويسه ولا من شيله والتانيه الاقيها فى الباى باى

جميله جدا يا استاذ مصطفى وسعره حلو كمان بس اماتتقفل الشباك عادى ولا المشبك ده يعمل حاجه فى مجة الازاز

مش عارف بصراحه يا hysagm
انا علشان كده بسال لو حد ركبها قبل كده
بس شكلى مش حاركب ستاير لانى ورتها لاختى قالتلى مش حاشوف منها حاجه :oops1:
وبفكر اجيبها برده وزى ماتيجى مش فارقه يعنى على 35 جنيه لانى حاجيب الازاز الخلفى بس شكلى برده مش حاشوف منها حاجه::crying2:

اقتباس:

---

المشاركة الأصلية كتبت بواسطة moustafa_saad

مش عارف بصراحه يا hysagm
انا علشان كده بسال لو حد ركبها قبل كده
بس شكلى مش حاركب ستاير لانى ورتها لاختى قالتلى مش حاشوف منها حاجه :oops1:
وبفكر اجيبها برده وزى ماتيجى مش فارقه يعنى على 35 جنيه لانى حاجيب الازاز الخلفى بس شكلى برده مش حاشوف منها حاجه::crying2:

---

انا مركب ستارة خلفية بتتلم وبتتركب زى الصورة الموجودة وهى جميلة بتحمى الكنبة اللى وررا من الشمس وبتخلى التكييف افضل ، لكن لازم تتثبت كويس علشان ما بتنخلع من كتر الرجة او الفرد واللم ،
وهتشوف من خلالها عادى مش ضلمة اوى لانها عبارة عن شبكة ، وفيه منها اللون الأسود والرمادى وفيه منها مقاسين انا جبت الصغيرة ب 35 ج من التوفيقية وهى مناسبة يعنى سايبه من العرض 5 سم من كل جنب لكن الكبيرة بتركب بالعافية (ده كلام السروجى اللى ركبهالى )
لكن الخوف منها انك تتاخد مخالفة و ده اختلفت فيه الناس .. يعنى ناس قالت مخالفة وناس قالت لاء .. لكن انا عن نفسى بفردها لما بحتاجها مهما يكون

انا عندى الكبس الابواب والزجاج الخلفى
والرؤيه معدومه بالليل وبالنهار
لان الستاير الكبس بتبقى 3 طبقات شبك فوق بعض

ممكن الستاير في الإزاز إللي ورا عادي وطبيعي
بس قدام هايدايق في المرايات وفيه ناس بتعتمل فتحه مكان المرايه وتتعامل عادي
ومبروك ع الستاير يا ابو درويش

جميلة بس عايز نصيحة جيب ستاير الكابس سهلة فى التركيب والشيل وشيل طبقة الستان الى فيها بالمقص وهتبقى حلو بالنهار وبليل وسعر الطقم كبيروه 55 جنية جرب وهتدعيلى

انا جبت الستاير الرول وركبتها
الزجاج الخلفى 30
البابين 22