أعتذار للعضو shitos86

**tafa17** · 03-07-2011 12:14 AM

السلام عليكم
انا بعتذر للعضو shitos86 علي خطأ غير مقصود في قسم البيع والشراء للدراجات النارية
من باب (ولا تبخسو الناس أشيائهم)
وده رابط المشاركة

http://www.nilemotors.net/Nile/225502-400.html

**Melego323** · 03-07-2011 12:20 AM

و الراجل هيقبل اعتذارك ان شاء الله
بس قول 10 مرات يانى يانى يانى ..مش هعمل كده تانى

**tafa17** · 03-07-2011 12:31 AM

المشاركة الأصلية كتبت بواسطة melego323

و الراجل هيقبل اعتذارك ان شاء الله
بس قول 10 مرات يانى يانى يانى ..مش هعمل كده تانى

ياسيدي ان علي استعداد اني اقولها 100 مرة بس هو يقبل اعتذاري

**GMC** · 03-07-2011 12:56 AM

احيك يا تافا على اخلاقك النبيلة

**karembob** · 03-07-2011 12:57 AM

جدع يا تافا والله مش عيب ان حد يعترف بخطاء ويعتزر عليي تحياتي ليك
صحيح اي حكاية cbr @masrawy.com اصلي الاميل دا الله يعمر بيته الي بيخش علي الناس في الاعلانات ويطلع في البايك القطط الفتسانة دا بقي اشهر من ننسي عجرم

**GMC** · 03-07-2011 01:09 AM

ههههههههههههههه نانسي عجرم
انا فاكر انك قلت انه دخل عمل معاك الواجب وطلع
بس ياترى هو مين

والمشكله يا كريم اني افتكر انه كان عامل العضويه مخصوص وتسجيل العضويه في نفس اليوم الي انت عملت فيه اعلان للموتوسيكل بتاعك هههههههههههههههه
وببص على اعلاناته او بدور على ردوده في باقي اعلانات الموتوسيكل ملقتش ولا اي حاجه واضح انه واحد بيحبك جدا يا بوب ودخل مصراوي مخصوصا عشان يبوظ البيعه فتش على صحابك هههههههه

**karembob** · 03-07-2011 01:15 AM

كلامك صحيح واضح انه بيحبني اوي والله بس انا اصحابي رجاله ميعملوش كدة بثق فيهم اوي
بقلك ازي اجيب عضويته دا انا معرفش غير الاميل الي جالي علي الياهو فهمني ازي اعرف عضوية بتعتيه انا لسة عندي الاميل علي الياهو

**tafa17** · 03-07-2011 01:24 AM

المشاركة الأصلية كتبت بواسطة gmc

احيك يا تافا على اخلاقك النبيلة

والله دي اقل حاجة اعملها ده حقه عليا وان شاء الله احاول اكلمه علي الموبايل برده وشكر لردك وانك لفت نظري ، انا مستغرب والله انا كتبت كده ازاي ، ده انا بقالي حوالي اسبوع ونصف بلف علي موتوسيكلات لأتنين حبايبي هنا في المنتدي
والاسعار كلها تتراوح مابين 16000 و 16500 يبقي لما حد يكتب 14500 اقول عليه لازم يخفض والله يا اخي انا اتجننت لما قريت ردك ورجعت راجعت المشاركة بتاعتي وانزهلت من اللي انا كاتبه ، بس والله غالبا انا افتكرته بيطلب 17000 واكيد ما اقريتش هو كاتب كام ؟؟
علي العموم كويس انك لفت نظري
ودي سمة الاعضاء المحترمين في هذا القسم
والله اعلم بالسرائر ويعلم ما كان قصدي
واستغفر الله ان كنت ضايقته او كنت سبب في تأخير بيع موتوسيكله

المشاركة الأصلية كتبت بواسطة karembob

جدع يا تافا والله مش عيب ان حد يعترف بخطاء ويعتزر عليي تحياتي ليك
صحيح اي حكاية cbr @masrawy.com اصلي الاميل دا الله يعمر بيته الي بيخش علي الناس في الاعلانات ويطلع في البايك القطط الفتسانة دا بقي اشهر من ننسي عجرم

والله يا كيمو ما اعرف ده حتي الاي ميل بتاعي اللي علي مصراوي لو دخلت عليه هاتلاقي كل الاعلانات خاصة بأصحابي ، كل اللي عايز يبيع حاجة يجيري عليا في الشغل واعمله اعلان
ده حتي مش هاتلاقي ولا رقم تليفون ليا في اي اعلان منهم
هو ده اللي كتب علي الموتوسيكل بتاعك كلام لما جيت تبيعه ؟
علي العموم انا مافهمش خالص غير في الاستيد يا دوب علي قدي
وتسلم لمشاركتك

**nktis** · 03-07-2011 01:32 AM

اهنيك علي اخلاقك العاليه ا. مصطفي...........بارك الله فيك واكثر من امثالك....

**GMC** · 03-07-2011 01:34 AM

المشاركة الأصلية كتبت بواسطة karembob

كلامك صحيح واضح انه بيحبني اوي والله بس انا اصحابي رجاله ميعملوش كدة بثق فيهم اوي
بقلك ازي اجيب عضويته دا انا معرفش غير الاميل الي جالي علي الياهو فهمني ازي اعرف عضوية بتعتيه انا لسة عندي الاميل علي الياهو

ههههههههههه انا بهزر معاك ومفيش على فكره في مصراوي خدمة انك تشوف هو مسجل امتى الا لو كان هو عامل اعلان ومش قصدي طبعا حد من صحابك يحسن تتخانق معاهم واكون انا السبب
دلوقتي بقينا نشك في بعض ههههههههههههه احنا نجيب الناس الي بدور على هوندا استيد في المنتدى ونحصر الدايره ههههههههه ياراجل على راي الريس كبر مخك
وعلى فكره لو تابعت اكتر المواضيع في مصراوي ف
ي الريس المعروض حتلاقي ناس بتدخل مخصوص عشان ترمي كلمتين وتطلع مش عارف ليه وكمان منتشرين في العربيات وقسم الموبايلات المشكله ان الشخص ده بيبقى فاهم انه حدق بيعمل كده عشان تمن الحاجه تنزل ويحسسك باليأس عشان يشتري هو بسعر رخيص زي الي بنشوفهم في سوق الجمعه بالظببببببببببببببببببببب ببببببط يعدي عليك اتنين تلاته يبوظوا البيعه ويطلعوا القطط الفاطسه ويجيلك واحد يبوظ وفي وسط ماهو بيبوظ البيعه يجيلك واحد يشتري ويقولك يارجال ده الي كان قبلي قالك فيها كذا وكذا ها تخلص بكام ربك عالم بالحال وعشان كده قال في كتابه الكريم

ولا تبخسوا الناس اشيائهم