أعتذار لكل الأسكندرانيه

**M.Mostafa80** · 24-03-2009 12:10 AM

حقكم على راسى من فوق يا جماعه دا كان مجرد رأى بسبب واحد متهور وبكرر حقكم عليا

**ASKAFRAWY** · 24-03-2009 12:36 AM

ياباشا ولا يهمك بس هو الكلام كان مستفز لانك اجمعت ان كل الاسكندرانية...............بلاش نعيد الكلمه 2
على العموم محصلش حاجة هى بس الكلمه مكنتش ظريفة لانك موصفتش الشخص الضايقك انت اجمعت ان كل الاسكندرانية.........

**powerofhelll** · 24-03-2009 03:12 AM

اولا الراجل ده مكنش سكران و السبب في الحادث واحد بيعدي الطريق و بعدين مين في اسكندريه او القاهره او الجيزه او اي محافظه تانيه ملتزم بالسرعه المقرره علي طريق
الطريق علي البحر فيه ملفات زباله الي مش بيمشي عليه كتير مش عارفها كويس
وموضوع الصيف ان البحر بيبقي واقف انا متعود بروح المشوار في 15 دقيقه بياخد ساعه طبيعي هكون عايز انجز علشان انا مش في اجازه و مش جاي اتفسح فبكون مستعجل
و بعدين في اي بلد في ناس مش بتعرف تسوق اساسا و مطلعين رخص كوسه
ده غير الي بياجر عربيه من غير رخصه و بيجرب في الناس
انا معاك ان الي عمل الحركه دي فيك معندوش دم بس مش ممكن يكون ليه عزره
و مش بقول كده علشان انه مش غلطان بس الموضوع في البني ادم نفسه مش المحافظه ولا البلد
وبعدين احنا عيزين نخلص من موضوع العنصريه ده انا مش شايف ان في فرق بين الاسكندراني و القهراوي و البورسعيدي و المسلم و المسيحي و الهندي و اليطالي
كل مكان في الحلو و الوحش و متنسوش ان في الاخر كلنا ولاد ادم و حوا ولا حد عنده راي تاني
وعموما ولا يهمك حصل خير ممكن كل ده حصل علشان نعرف بعضنا اكتر و نعرف ان لينا اخوه في القاهره و ان ليك اخوه في اسكندريه و تشرف اسكندريه طبعا علشان دي بلدك مش بلد حد تاني

و عندي القهوه دي يارجاله

**maka** · 24-03-2009 03:20 AM

المشاركة الأصلية كتبت بواسطة draonx

بس انا لما كنت فى القاهرة والله والله المكان الى كنت فيه مكنش فى عربية مش مخبوطة ده حتى المرسيدس s500 كانت واخدة خبطة فى الرفرف و عربية جاجوار s type كانت مخبوطة فى الشنطة و ده يدل على ان السواقة فى القاهرة تييييييييييييت
والاسكندرية اجمل وقت فيها هو الشتاء فعلا بتحس بجمالها انا الصيف بتكون زحمة و كل من هب و دب بيكون موجود فيها
و على العموم حمد لله على سلامتك انت و الاسرة

هى العملية مش القاهرة والاسكندرية العملية عملية ان كل

واحد من الناس بيسوق بقانون نفسه(فيه اللى يحب يزنق وفيه

اللى يحب يمشى براحته وممكن يكون فى الشمال!!! وفيه

اللى بيمشى ملتزم ومع ذلك تلقى الناس متضيقه انه ماشى

ملتزم ) فبالتالى بيحصل عمليات التجريح والتخبيط وتقريبا

احنا البلد الوحيد عالميا اللى معظم عربيتها مخبوطة ومجرحة

وفى الاخر ربنا يديم المودة والحب

بين اعضاء المنتدى