السلام عليكم
حد يعرف حاجه عن نادي E-zee Sports Club اللي في القطاميه و ايه نظام الاشتراك فيه؟
عرض للطباعة
السلام عليكم
حد يعرف حاجه عن نادي E-zee Sports Club اللي في القطاميه و ايه نظام الاشتراك فيه؟
شوف دة ممكن يفيدك
e-zee sports
متشكر يا باشا بس انا كنت بسأل عن الاشتراك بكام و ايه المميزات و لو حد ليه تجربه معاهم يحكيها توفيرا للوقت ان الواحد يروح و خاصه ان التليفون و الويب سايت بتاعهم مش هيبقي فيه تفاصيل
باشا انا اتصلت بالتليفون بواحد اسمة محمود وده رقمة 0116066657 وقالي ان الاشتراك مفتوح حاليا وسعرة 45000 وفيه تخفيض اصبح 35000 وممكن تقسط 10 الاف مقدم والباقي على سنتين 1050 او على ثلاث سنوات 725 .
انا شفتها و انا ماشي بالعربيه امبارح بس حسيت انها لسه متبنتش اصلا
النادي موجود من حوالي سنة و نصف و يوجد فيه 4 ملاعب كرة خماسية بس جودتها عاليه جدا و الإضاءة فيها ممتازة، و كمان حمام سباحة جميل جدا و الميه بتتسخن فممكن استخدامه طول السنة، و عندهم ألعاب أطفال و بلاي ستيشن و طاولة و مونوبولي و حاجات كده. عندهم كمان كافيه حلوه قوي علشان المنظر منها بيكشف القاهره كلها، و مطعم إيطالي على حمام السباحة. أنا بأروح مره كل أسبوع تقريبا و بأحب المكان جدا.
مرة السنة اللي فاتت لقيتهم عاملين ماتش كورة بين قدامى الأهلي و الزمالك و كانوا جايبين خالد بيبو و طارق يحيي و محمد عمارة و وليد صلاح الدين و لاعيبة كتير.
مرة كمان قابلت هناك طاهر أبو زيد و مرة تانية نادي السيد. بس أحلى حاجة بقى في رمضان اللي فات كان موجود أبوتريكة و وائل جمعة و حسام غالي و محمد فضل و سلموا على الناس كلهم و اتصوروا معانا
حلو ده انا بادور على نادى
فين فى القطامية
ناس قرايبنا سألوا من حوالي 3 اسابيع
قالولنا ان الاشتراك 38000
ممكن تدفع 8000
والباقي على 5 او 10 او 15 سنة
بس لسة المنشآت على ادها
على قدها بكرة تكبر
انا كنت هاشترك فى صيد القطامية كان خرابه ب 25000 ناس قالتلى لأ و ليه
دلوقتى مينفعشى افكر فيه
انا هاروح اسأل او اتصل بيهم
الحقيقة أنا بأروح بانتظام و النادي معمول بشياكة جدا و أنا شايف مثلا ملاعب الكورة مستوى دولي، حمام السباحة فاخر جدا 5 نجوم بأشجار و نخل جميل و أرضية رخام و كراسي و شيزلونجات فاخرة. الأكل ممتاز و عندهم 3 مستويات أسعار. بصراحة نادي ممتاز و أنا عن نفسي مشترك و مبسوط جدا
فعلا انا سمعت ان مستواه كويس
والمفروض يبقى الواحد عنده بعد نظر
كل نادي جديد بيفتح بيبقى على اده وربنا بيفتح عليه
انا اشتركت في نادي 6 اكتوبر مع اسرتي لما كان ب 300 جنيه كان مبنى اجتماعي وحمام سباحة بس
دلوقتى مساحة شاسعة وملاعب وحمامات سباحة و انشطة رهيبة
والاشتراك 60000 للمؤهلات العليا و 70000 للمؤهلات المتوسطة
بس طبعا بعيد عليا جدا
اذا كان ايزي سبورت دة مستواه كويس ومساحته ممكن تكبر الواحد يعيد نظر لانه قريب مني جدا
السلام عليكم ورحمة الله وبركاته
اليوم بعد العمل , ذهبت لنادي ايزي سبورت وكان معي زوجتي وأولادي ,
وهو قريب جدا للمعادي
وتركت زوجتي بالسيارة , وذهبت للبوابة للإستفسار عن العضوية
ولكن أخبروني بعدم دخول المنتقبات وأن هذه أوامر الإدارة
عدم دخول المنتقبات!!!!!!!!!!! احنا فى فرنسا ولا ايه
انا كنت بلعب كورة هناك الخميس اللى فات على الخماسى و فعلا الملاعب جميلة بس هوا قدامه شوية عقبال أما يكمل
و بالنسبة لموضوع المنتقبات ده أنا مش لاقيله تفسير !!!
جزاك الله خيرا أخي الفاضل
ممكن بعد إذن حضرتك , طالما حضرتك من الأعضاء , تستفسر لي عن موضوع دخول المنتقبات
علشان أنا عايز أشترك ,
أنا كنت ها اشترك في بتروسبورت وكنت رايح أمس استكمل اجراءات الإشتراك ولما قرأت
موضوع إيزي سبورتس فكرت أغير رأيي , علشان هو أقرب لي من بتروسبورت
في انتظار رد حضرتك
السلام عليكم ورحمة الله وبركاته أ / شريف
عضوية بتروسبورت ب 60000 ج , وخصم 20 % للنقدي ( يبقي ب 48000 ج )
وهناك أكثر من طريقة للسداد ,
وللعاملين بقطاع البترول العضوية ب 50000 ج , وخصم 20 % للنقدي ( يبقى ب 40000 ج )
وأيضا هناك أكثر من طريقة للسداد , مع إمكانية الحصول على قرض من هيئة البترول للعاملين
بالبترول
لو حضرتك عايز رقم مسؤل التسويق أو المبيعات بشركة بتروسبورت تحت أمر حضرتك وتحت أمر
الزملاء الأفاضل
هل ايزي جو في مكان بار او ديسكو ولا ايه نظامة انا كنت مشترك في نادي الشمس و كان تحفة و كان في كل شي تتمانة بس ابويا باعوة ف انا عايز حاجة تكون نضيفة زي نادي الشمس هل ايزي جو لية مستقبل يكون كدة ولا اية
لو ممكن الوصف بتاع المكان بالظبط
هاروح اتفرج واشوف لربما ويمكن؟؟؟
جزاك الله خيرا أخي الفاضل
حضرتك فعلا أنا من العاملين بالبترول , وربنا ييسر انهاء إجراءات الإشتراك بالهيئة المصرية
للبترول
حضرتك وأنت جاي على الدائري في اتجاه المعادي وكارفور على شمالك , بعد ما تعدي كارفور ها
تلاقي بنزينة وطنية على يمينك , كمل على طول هاتلاقي بتاع كاوتش على اليمين , ادخل بجواره
ها تدخل لافتة مكتوب عليها نادي ايزي سبورت واتجاه النادي , امشي فبي الإتجاه دقيقتين ويكون
النادي على يسارك
حضرتك وأنت جاي على الدائري في اتجاه المعادي وكارفور على شمالك , بعد ما تعدي كارفور ها[/quote]
تلاقي بنزينة وطنية على يمينك , كمل على طول هاتلاقي بتاع كاوتش على اليمين , ادخل بجواره
ها تدخل لافتة مكتوب عليها نادي ايزي سبورت واتجاه النادي , امشي فبي الإتجاه دقيقتين ويكون
النادي على يسارك
انتم بتهزروا ولا بتتكلموا جد
دا اللى قصد حضرتك عليه فى الهضبه الوسطى فوق على الشمال وانت طالع المقطم بـ 35000 جنيه ليه
دا كان حتة ارض فاضيه مزروعه نجيل بتتاجر للشباب للعب الكوره بالساعه - سبحان الله بقى نادى وليه اشتراك و35000 كمان
لا حول ولا قوة الا بالله
بمعنى اصح ساحه شعبيه متطوره شويه
بقى نادى وحمام سباحه وسخن وبارد - واضح انى كنت نايم لفتره طويله الفتره اللى فاتت
دا كان بيتاجر الساعه فى الملعب من حوالى سنه بـ 150 جنيه صح
بجد والله اللى يعيش ياما يشوف
طيب انا اعلن بقى عن افتتاح نادى جديد قريبا بمنطقة القطاميه
الاشتراك 20 الف جنيه تدفع 5 والباقى على 5 سنين بدون فوايد
وفى خلال اقل من سنه اوعدكم انه هيبقى اجمد من نادى فى المنطقه - الموضوع كدا مربح قوى جدا
لو الساحه بقيت نادى - يبقى انا ممكن اعمل واحد احسن خمسين مره
معلش كلامى مش مترتب ومش متظبط وممكن يكون مش مفهوم فوى - بس بجد انا مصدوم من الموقف
واسف لو كلامى دايق اى حد او اى عضو فى النادى
ودمتم زى الفل
النادي ده مش في القطامية
ده في الهضبة الوسطى بالمقطم
انا باعدي عليه من سنوات وكان مجرد ملاعب كرة خماسية للايجار تبع شركة العبد
وفجأة ...... تن تن تااااان
بقى نادي واشتراك كمان
عموما انا مش بانصح بالنوادي الخاصة لأنها لا تخضع لأي قوانين او رقابة
يعني ممكن يعملو اللي هما عاوزينه والاعضاء يخبطو راسهم في الحيط .... زي ما حصل في نادي سيتي كلوب في العبور
ده بعكس النوادي التابعة للشباب والرياضة واجهزة الدولة ...زي الزمالك والاهلي و6 اكتوبر وما شابهها بيبقى لهم لوائح والعملية منظمة ومش بالاهواء
وربنا يوفق الجميع
انتم بتهزروا ولا بتتكلموا جد
دا اللى قصد حضرتك عليه فى الهضبه الوسطى فوق على الشمال وانت طالع المقطم بـ 35000 جنيه ليه
دا كان حتة ارض فاضيه مزروعه نجيل بتتاجر للشباب للعب الكوره بالساعه - سبحان الله بقى نادى وليه اشتراك و35000 كمان
لا حول ولا قوة الا بالله
بمعنى اصح ساحه شعبيه متطوره شويه
بقى نادى وحمام سباحه وسخن وبارد - واضح انى كنت نايم لفتره طويله الفتره اللى فاتت
دا كان بيتاجر الساعه فى الملعب من حوالى سنه بـ 150 جنيه صح
بجد والله اللى يعيش ياما يشوف
طيب انا اعلن بقى عن افتتاح نادى جديد قريبا بمنطقة القطاميه
الاشتراك 20 الف جنيه تدفع 5 والباقى على 5 سنين بدون فوايد
وفى خلال اقل من سنه اوعدكم انه هيبقى اجمد من نادى فى المنطقه - الموضوع كدا مربح قوى جدا
لو الساحه بقيت نادى - يبقى انا ممكن اعمل واحد احسن خمسين مره
معلش كلامى مش مترتب ومش متظبط وممكن يكون مش مفهوم فوى - بس بجد انا مصدوم من الموقف
واسف لو كلامى دايق اى حد او اى عضو فى النادى
ودمتم زى الفل[/quote]
لأ الحقيقة هو مش ساحة شعبية ولا حاجة. هما فعلا بدأوا بملعب كورة نجيل صناعي لكن الحقيقة النجيل ممتاز و الإضاءة هايلة. و بعدين واضح إن شركة العبد دي إمكانياتها جامدة لأنهم عملوا ملاعب زيادة و خيمة جميلة و حملم سباحة فاخر، و قالوا لي إنهم ناويين يعملوا جيم و بياخدوا فرع تاني في التجمع.
لأ الحقيقة هو مش ساحة شعبية ولا حاجة. هما فعلا بدأوا بملعب كورة نجيل صناعي لكن الحقيقة النجيل ممتاز و الإضاءة هايلة. و بعدين واضح إن شركة العبد دي إمكانياتها جامدة لأنهم عملوا ملاعب زيادة و خيمة جميلة و حملم سباحة فاخر، و قالوا لي إنهم ناويين يعملوا جيم و بياخدوا فرع تاني في التجمع.[/quote]
و على فكرة مدير النادي و هو لواء على المعاش أكد لي إن اللي يشترك في النادي الحالي يقدؤ يدخل كل نوادي إيزي بنفس الاشتراك بدون أي رسوم زيادة
طب ياريت يا شيخنا ... تقولنا وصلت لحد فين مع ادارة النادى بخصوص موضوع المنتقبات
( انا مش عارف بصراحة امتى ربنا يتوب علينا من العنصرية دى... للاسف نادى الشرطة والجيش كدا لحد دلوقتى ... نقاب ولحية )
السلام عليكم ورحمة الله وبركاته
أخي الفاضل مهندس / عبد الحميد , كيف حالك , أسأل الله أن تكون بخير
الأخ محمود من النادي ( محمول 0116066657 ) , وعدني أنه يتحدث مع الإدارة في أمر
السماح للمنتقبات بالدخول , وعندما قلت له متى أتصل بك لأعرف الرد ,أخذ رقم المحول بتاعي
وقال لي سأتصل أنا بك
والله يا أخي الواحد يتركها على الله , ولو فيه خير ربنا ييسره ولو غير ذلك ربنا يصرفه
ويقدر لنا الخير حيث شاء , ويرضّنا به