محتار اوبترا اوتوماتيك ولا ميجان 2 (لانهم فى نفس الفئه السعريه مستعمل )

**bero0o0o0** · 04-07-2011 08:11 AM

هي الميجان افضل في الشكل و الثبات و الموتور والصالون و الراحة في السفر(لو هاتمشي مسافات طويلة)
الاوبترا افضل في التكييف و اهم حاجة صيانتها اسهل بكتيييييييييير و ارخص
انا لو مستعد آخد بالي من العربية و ادفع فيها كل ماتحتاج حاجة و اخدها لواحد متخصص على طول
هاجيب الميجان وش

**hossam_elwani** · 04-07-2011 03:59 PM

المشاركة الأصلية كتبت بواسطة mohammadrashee

السلام عليكم
بص انا سوقت الاتنين في سفر
لو عملنا مقارنه هنظلم الأوبترا جامد جدا لأن العربيتين يعتبروا فئتين وليس واحده في نظري
الميجان
ممتعه في قيادتها رشيقه على الطريق لو مشغل التكييف متعرفش سرعتك غير من العداد تجميعها ممتاز يعني من الآخر ركوبه تحفه
الأوبترا
عربيه كويسه ثابته على الطريق يمكن اكتر من النوبيرا الصالون مش بفخامة الميجان طبعا تسارعها مش بطال بس برضه مش زي الميجان موتور كويس
يبقي ايه الفيصل
الفيصل هو انت عندك استعداد لو حصل فيها حاجه ممكن تدفع كام؟؟؟
ديه نقطه مهمه جدا جدا
في رأيي لو لقيت ميجان نظيفه يبقى مش هتحتاج صيانات كتير وتستحمل شويه في وقت الصيانه

تحليل ممتاز وفعلا الميجان لو حصل فيها حاجه معنديش استعداد ادفع صيانات الاعطال الغريبه الى بتحصل فيها

**mohammadrashee** · 04-07-2011 10:23 PM

المشاركة الأصلية كتبت بواسطة mohamed1979

هو ده الكلام الخلاصه فى الموضوع

الله يخليك يا رافع روحي المعنويه
شكرا لذوقك

**mohammadrashee** · 04-07-2011 10:26 PM

المشاركة الأصلية كتبت بواسطة hossam_elwani

تحليل ممتاز وفعلا الميجان لو حصل فيها حاجه معنديش استعداد ادفع صيانات الاعطال الغريبه الى بتحصل فيها

انت كده بتبالغ ده انا على قد حالي
بس خلي بالك الصيانه بتكلف في المره الواحده اه بس مبتتعملش كتير وبتعمر جامد والركوبه تختلف ممكن تقول انك هتقرص على نفسلك شهر في السنه بس هتعيش مبسوط 11 شهر