الحلقة الاربعين من مسلسل نكسة سبعة وستين

حرب الستة ايام ( 5 يونيو - 10 يونيو ) فقط ستة ايام هي سبب كل معناه المنطقة والعالم كله الي يومنا هذا

اجتماع لقائد الجيش الجنوبي " اريل شارون " مع ضباطة قبل الهجوم بايام
http://a.abcnews.com/images/Internat...070605_ssh.jpg

احتلال الضفة الغربية واحكام السيطرة علي مركزها (مدينة جنين)
http://a.abcnews.com/images/Internat...070605_ssv.jpg

احتلال هضبة الجولان السورية
http://a.abcnews.com/images/Internat...070605_ssh.jpg

قصف القدس وما حولها تمهيدا لضمها عسكريا للكيان الصهيوني
http://a.abcnews.com/images/Internat...070605_ssh.jpg

السيطرة علي المسجد الاقصي واعتقال كل من تسول له نفسة الدفاع عنة
http://a.abcnews.com/images/Internat...070605_ssh.jpg

الاسرى المصريين بين يدي الخنازير
http://a.abcnews.com/images/Internat...070605_ssh.jpg

اسحاق رابين وديفيد بن جوريون في جولة نصر داخل حرم المسجد الاقصي
http://a.abcnews.com/images/Internat...070605_ssh.jpg

جولة نصر اخرى عند حائط المبكي
http://a.abcnews.com/images/Internat...070605_ssv.jpg

فرحة الخنازير علي ارض سيناء
http://a.abcnews.com/images/Internat...070605_ssh.jpg

صورة تذكارية لثلاثة جنود عند الحائط المبكي تخليدا لذكرى الانتصار
http://a.abcnews.com/images/Internat...070605_ssv.jpg

نفس الجنود الثلاثة في 2007
http://a.abcnews.com/images/Internat...070605_ssv.jpg

احتفالات اليهود عند الحائط المبكي في ذكري انتصارات حرب الايام الستة (4 يونيو 2007)
http://a.abcnews.com/images/Internat...070605_ssh.jpg

مظاهرات الشجب والتنديد في رام الله - الضفة الغربية (5 يونيو 2007)
http://a.abcnews.com/images/Internat...070605_ssh.jpg

اربعون عامة هو طول مدة عرض مسلسل اهانة العرب والمسلمين علي يد خنازير رجسة الخراب (كما سميت اسرائيل في احد نبوات التوراة)
تري متي ينتهي ...................
http://a.abcnews.com/images/Internat...070605_ssv.jpg

موضوع مميز جداً يا أستاذ وائل
بس هاقول إيه
فكرتنا بمرارة الواقع الأليم اللي احنا عايشينه وفي نفس الوقت بنرى ولاة الأمور يرفلون في النعيم ويغضون الطرف عن تبعات هذه الكارثة!!!

موضوع هايل يا استاذ وائل-ومجهود كبير تشكر علية --ولو انى اعتقد انها كانت حرب ال 6 ساعات- وهى المدة التى قصف فيها اسطول مصرى الجوى وهو ما زال على الارض وضربت المطارات فأصبحت قواتنا البرية بدون غطاء جوى ----وحشتنا يا استاذ وائل فينك وفين ايامك --

موضوع هايل

شكرآ على موجهودك

مشكلتنا بدات من عام 1946 بما يسمي بوعد بلفور و هذا الوعد هو ان يضمن بلفور لليهود وطن يلم شملهم في الشرق الاوسط من هنا بدات المعاناه و من هنا بدأ النضال لحد انهارده الحمد لله بعد هزيمتهم في 6 اكتوبر و انتصارنا احنا ردينا كرامتنا و وضعنا مش زي وضع فلسطين علي اي حال و مشكله الفلسطنين انهم مش عارفين يشرحوا او يعرضو وجهه نظرهم للعالم بس ان مع العسر يسر و ربنا مش بيرضي باللم و اكيد لكل ظالم نهايه

منك لله يا عم وائل هيه ناقصه .


بس انا ليه تعليق على مداخلة الاستاذ / حازم : مكنش فيه مشكله اصلا بين مصر واسرائيل المشكله كانت عربيه اسرائيليه او قل اسلاميه اسرائيليه . فمينفعش اقول احنا ردينا كرامتنا. لا كرامتنا تترد لما تتحرر فلسطين .وكرامتنا تترد لما نحرر المسجد الاقصى وكرامتنا تترد لما نحرر العراق وكرامتنا تترد لما نحرر الصومال وكرامتنا تترد لما نحرر افغانستان. مينفعش كل واحد يقول يلا نفسى وخلاص لا طول مفيه ارض عربيه او اسلاميه محتله يبقه الكل كرامته ضايعه. والمسلمين اخوه فى توادهم وتراحمهم اذا اشتكى منه عضو تداعى له الباقى بالسهر والحمى . كل مشاكلنا جات بسبب ان كل واحد قال يلا نفسى وده الى ضيع القضيه والشعب والبلد كلها . يفعل الله ما يشاء
اعتقد ان وعد بلفور 1917 على ما اظن والله اعلم

شكرا لحضرتك

السلطان ابو النجا الاول

فعلا وعد بلفور 1917----وتذكر اخى العربى المصرى موقف جميع الدول العربية بعد ان استردينا كرااااااااااااااااا متنا ووقعنا معاهدة الفشل والندامة

اقتباس:

---

المشاركة الأصلية كتبت بواسطة abu-mostafa

----وتذكر اخى العربى المصرى موقف جميع الدول العربية بعد ان استردينا كرااااااااااااااااا متنا ووقعنا معاهدة الفشل والندامة

---

بمعنى ايه يا ابو مصطفى ! ايه الى انته تقصده



السلطان ابو النجا الاول

والله يا حازم لو رايك ده هو نفس راي جيلك من الشباب فكده يبقي مفيش فايدة فده جيل

"معلش يا حازم سامحني بس انا بتكلم بعشم الاخ الاكبر وياريت تسمعني ومتزعلش ........

يا حازم احنا منتصرناش في اكتوبر احنا ربنا حمانا بكلمة الله اكبر لاكن حرب اكتوبر لم تكن الا خطوة جريئة مداها 12 كيلو متر لتحريك الوضع السياسي وانتهت بثغره اقل ما توصف به عسكريا انها انتكاسة اخري انتهت بتسوية سياسية نالت مصر بموجبها تحرير سيناء (ما عدا غزة وميناء ايلات) وفقدت فيها كرامة العرب وثقة اخوانها في كل المنطقة (مايسمي باتفاقية كامب ديفيد) وهو مكسب اكبر بكثير لليهود من سيناء

الطامة الكبري هي ان المنظومة الصهيونيه باعلامها وعملائها استطاعوا ان يمحوا من عقول الاجيال الحاليه كلمات مثل " محنة الامة " و " وفك اسر المسجد الاقصي " ووضعوا في عقولهم بدلا منها " مشكلة فلسطين "
وبالتالي فهي مجرد مشكلة وهي خاصة بفلسطين فقط والمعني بها الفلسطينون وهم السبب في وجودها لانهم هم من باعوا الارض مقابل المال وهم من هربوا وتركوا الارض خوفا من ترويع العصابات اليهودية المتشددة وهم من تاجروا في الاسمنت والمسلح لبناء الجدار العازل وهما اللي ادوا ضهرهم للعدو الحقيقي ونزلوا في بعض ضرب وقتل يبقي هما اللي جابوه لنفسهم بخيانتهم وجهلهم وكمان مهموش عارفين يعرضوا قضيتهم ووجة نظرهم (واخد بالك من الهاء ديه راجعة علي الفلسطينين بس) خلاص بقي نعملهم ايه تاني اديني عمالين نبعتلهم شلت وبططاين وبنستضيفهم في شرم عشان يصيفوا كل كام اسبوع بحجة مفاوضات لم الشمل

لا يا حازم ده تارنا كلنا من العار اللي وصم به 3 جيوش عربية منها مصر ولن ينمحي الا بتحرير الامة الاسلامية كلها
من كل تواجد عسكري
او سيطرة اقتصادية
او هيمنة سياسية
او ارهاب فكري انجلوصهيوني

تعليقا علي كلمة ربنا ميرضاش بالظلم ولكل ظالم نهاية
اذا كنا احنا امة الاسلام بكل ما اتانا به الله من سلامة العقيدة ومتانة البنيان (ان تراص) رضينا بالظلم واستسغنا طعم الذل فكيف بربك يرفع عنا الظلم الله

ما اقصدة ذكرتة انت فى ردك وكمل علية ابو نورا---والاستاذ ابو نورا اختصرها هنا (((( ده تارنا كلنا من العار اللي وصم به 3 جيوش عربية منها مصر ولن ينمحي الا بتحرير الامة الاسلامية كلها
من كل تواجد عسكري
او سيطرة اقتصادية
او هيمنة سياسية
او ارهاب فكري انجلوصهيوني )))))

يا ابو نورا انا فاهم اللي بتقوله كويس و مش دا فكري و انا مش جيلي بعيد اوي عن جيلك ولا حاجه بس اللي اقصده اننا اجتهدنا و عبرنا بفضل ربنا طبعا في الاول و الاخر و كان علينا حصار و امريكا رافضه تزودنا بسلاح في الوقت اللي كل معدات الجيش الاسرائيلي كانت بتيجي من امريكا و فوق دا دعم امريكا لاسرائيل.
و بعدين العرب عمرهم ما اتفقوا علي شئ و دلوقتي لو قلت يا حرب و الناس تطوع شوف كام واحد مصري حيطلع و مش حيهمه حاجه انا عن نفسي لو قالو في حرب انا اول واحد حسيب اي حاجه في الدنيا و اروح احارب حتي لو مش حرجع تاني .
و بعدين اختلف معاك احنا فعلا بفضل ربنا انتصرنا في اكتوبرو كسرنا اسطوره الجيش الذي لا يقهر و نسفنا خط بارليف بفضل الله عز و جل و الخط دا اللي قال عليه الخبراء العسكريين في العالم انه اقوي تحصن موجود مع استحاله عبوره و عدينا القناه اللي كانو مركبين فيها انابيب المابالم اللي اتقل انها لو اتفتحت تشوي السمك اللي موجود في مياه القناه!!!!! و بعد دا كله احنا اللي اجبرناهم علي معاهده السلام مش هما اللي اجبرونا علشان احنا كنا الاقوي و الرئيس السادات كان بيعمل لمصلحه الجميع .
ممكن تكون في حاجات غايبه عني بس انا بقول رايي و مش معني كده اني فرحان بالوضع اللي احنا فيه من تشتييت لعروبتنا و اهانه لكرامتنا بس نعتبر احسن الوحشن.
انا عاشرت فلسطنيين لفتره و علي فكره كلهم عندهم حاله برود شديده مش هاممهم حاجه من اللي بتحصل في بلدهم و اغلبيتهم كمان بيهاجرو و مش بيرجعو و دي من عينه شفتها و عاشرتها و كانو حوالي 7 اشخاص في مراحل عمريه مختلفه

كده تمام يا حازم باشا .

بس انا برده لو سمحتلى مش معاك فى موضوع ان فيه فلسطينين كتير مش فارقه معاهم وبايعين القضيه وبناء عليه خلاص نقول يتحرقه بجاز . لا فى كل شعب وفى كل امه فى وقت الاحتلال والازمه من لايستطيع تحمل المقاومه وتبعاتها فاما ان يهرب او يخون واعتقد ان مصر نفسها مرت بنفس المرحله. ولكن فى المقابل هناك الاسود الذين وضعوا ارواحهم واموالهم وكل ما يملكون من حطام الدنيا فى سبيل تحرير اوطانهم من ايدى المحتلين هناك حماس والجهاد وفتح الانتفاضه هناك كتائب القسام وغيرهم الكثير من الذين صمدوا ولا يزالون وندعوا الله الله بالثبات والنصر . وهؤلاء هم من نطلب بالوقوف وراءهم ونصرتهم بالمال والعتاد.
اما مساله لو قامت الحرب واستدعوا نشوف هيطلع منهم كام ومنا كام فاعتقد ان ده طبيعى لانك الكبير والكبير فى كل شىء فى امكاناتك فى شعبك فى تعليمك فى جيشك فى ثقافتك فى ادراكك . والى يطلب من الكبير لازم يكون فى حجمه وبعين متنساش نحن خير اجناد الارض كما قال رسول الله ( ص) وهو اختصنا بهذه الصفه بالذات لسبب لا يعلمها الا الله.
تحياتى لحضرتك

السلطان ابو النجا الاول

يا خالد باشا انا معاك انا قصدي مش العدد لا النسبه يعني مثلا لو هما عددهم 1000 واحده حيطلع كام و احنا لو عددنا 1000 واحد حيطلع كان بالتاكيد نسبتنا اعلي .و اللي شفتهم دول مش عاوز اقولك انهم ما يعرفوش حاجه عن قضيتهم و لا متاثرين بيها خالص دا حتي اللي عايشين في غزه معمهم برضه مالوش دعوه و يقولك ادينا عايشين و خلاص.انا مش بقول ان الكل وحشين بس مش كلهم حلوين برضه.و عموما انا مش مختلف معاك اطلاقا .
ايام الحرب من بعد 67 لحد 73 اللي كان بيخ الجيش ما كنش بيخرج لحد ما الحرب خلصت و مش كتير اللي هرب من الجيش علشان كان الكل بيحب بلده.
و من اسباب انتصارنا بعد فضل ربنا في الاول و الاخر الكبت اللي كان عند الجنود و انهم استموتو علشان يخلصو من الجيش يعني يا قاتل و اححر بلدي و احرر نفسي من الجيش يا مقتول و استريح من الجيش برضه .

اولا يا ريت يا خالد متكونش خدت كلامي بحساسية لان كلامي ده مش موجة ليك شخصيا لاكن موجة لكل الجيل اللي تاثر -ومازال- بالتشويش الاعلامي الخبيث علي الحقائق

اقتباس:

---

ممكن تكون في حاجات غايبه عني

---

خلينا اوضحلك شوية حقائق (باختصار)

في اثناء حرب الاستنذاف اتبلورت جوه عقول خبراء الحرب المصريين خطتين الاولي "جرانيت 2" وديه كانت خطة هجوم حقيقية تقتضي تطوير هجوم كامل علي الضفة الشرقية للقناة حتي المضايق في سينا ومن ثم تامين سيناء استراتجيا تماما وتامين مركز لتطوير اي هجوم اخر في العمق بالاضافة طبعا للمحور السوري اللي كان مفروض انة يستغل تقدم المصريين لتحقيق السيطرة الكاملة علي الجولان ومن ثم تعريض الشمال الاسرائيلي كله لنيران المدفعية السورية المنصبة عليهم من الهضبة والخطة ديه للاسف كانت محتاجة استعداد عسكري غير متاح وقتها وده بسبب
1- ضعف القوات الجوية و عدم قدرتها علي حماية قوات البرية أثناء تقدمها شرق القناة في اتجاه منطقة المضايق .
2- عدم توافروحدات دفاع جوي صاروخي ( سام 6 ) تستطيع مرافقة القوات البرية أثناءتقدمها نحو الشرق لصد الهجمات الجوية المعادية التي تهاجم القوات البريةعلي الارتفاعات المتوسطة و العالية .
3- عدم توافر العربات ذات الجنزير لدي القوات البرية بأعداد كافية تسمح لقواتنا بعدم التقيد بالطرق المرصوفة أثناء تحركها شرقاً .

وبالتالي تم اختذال الخطة لتصبح فقط هجوم لمدى 10 -12 كم " ما يسمي بخطة المأذن العالية " وتم تداول الخطة الاساسية بين الشريك الروسي للضغط عليه بتذودنا بالسلاح الازم لتنفيذها ومع الجانب السوري لتشجيعة للدخول معنا معمعة الحرب

قبل ما اكمل خد عندك جزء من نص الحوار بين المزيع " احمد منصور " بتاع قناة الجزيرة مع الفريق سعد الدين الشازلي صاحب الخطة

اقتباس:

---

فبأقول له الخطط اللي عندنا كيت وكيت وكيت ولازال لم يحصل أي تغيير في القوى النسبية ومازالت الحرب المحدودة اللي هي 10 –12 كيلو هي الوحيدة الباقية التي ممكن تنفيذها. أما أي خطة أخرى فأيه.. فهيكلية وورقية واقتنع بهذا، واستمر هذا الوضع بقى إلى حوالي مارس تقريباً مارس أو إبريل على ما أذكر يعني..

أحمد منصور[مقاطعاً]:

73.

سعد الدين الشاذلي [مستأنفاً]:

73، وقال لي عاوزين نعمل خطة الوصول إلى الإيه..

أحمد منصور:

المضايق.

سعد الدين الشاذلي [مستأنفاً]:

إلى المضايق. هنا البداية بقى.. الوصول إلى المضايق.

أحمد منصور:

نعم، اللي هي كانت الخطة المعلنة اللي أطلعتم الروس عليها.

سعد الدين الشاذلي:

(41) عايز أقول إن (41) دي خلال سنة 72 تغيرت إلى (جرانيت) تغير الاسم ولكن نفس الفكرة اللي هي الوصول إلى الأيه..

أحمد منصور:

إلى المضايق.

سعد الدين الشاذلي:

إلى المضايق. فقال لي عايزين نعمل خطة إيه.. للوصول إلى المضايق. ما ينفعش عشان كيت وكيت وكيت الأسباب اللي أيه..

أحمد منصور:

اللي أنت ذكرتها.

سعد الدين الشاذلي:

اللي بنقولها باستمرار واللي الناس لازم تكون حفظتها دلوقتي ضعف القوات الجوية، وعدم وجود إيه.

أحمد منصور:

غطاء جوي.. وعدم وجود قوات..

سعد الدين الشاذلي [مستأنفاً]:

غطاء جوي، ودفاع جوي متحرك والتفوق الجوي، والعلاقات بين الطيران والدبابات والأجناب بتاعتنا، والوصول إلي.. يعني الحاجات اللي هي متكررة وثبتت في الحروب السابقة مع إسرائيل.. نهايته، فسكت، وبعدين برضو عاد مرة أخرى وقال لي لأ دي عايزينها علشان نعرضها على السوريين حتى يقتنعوا بأيه.. إنهم يخشوا معانا الحرب. فأنا حتى قلت أنا أفضل أن أدخل الحرب مستقل بدون مساعدة من الجبهة السورية، فضلاً عن إن إيه أقوم بإيه بعملية هجومية للوصول إلى المضايق. لإن دي هتعرض قواتنا إلى أيه.. إلى التدمير من الأجناب ومن الخلف و..و.. إلى آخره، زي ما حصل كل سنة، لإن إيه.. ضعف القوات الجوية والدفاع الجوي، كررناها.

أحمد منصور:

نعم.. نعم.

سعد الدين الشاذلي:

فقال لي لأ دا هنعملها ونعرضها على السوريين إنما مش هتتنفذ. بناء على هذا اتعملت الخطة واتعرضت على أساس إنها للعرض على السوريين. هنا بقى السؤال، على الكلام قولة أيه.. هل فعلاً السادات كان يريد أن يدخل الحرب سنة 72؟ أنا بأقول لأ.. وما تخدش تصريحات السادات باستمرار على أساس إنها على أساس مفهوم.. لإنه أوقات يقول لك يمين يخش شمال، ويقول لك شمال ويخش يمين. هو ده الأسلوب بتاعه. أنت لما تشوف ما قاله في اللقاءات بتاعة القادة عن الروس. أوقات يطلعهم السماء يقول لك الروس.. هو إحنا نقدر نعمل حاجة من غير الروس دول هم اللي إدونا وسلحونا جيشين وكذا وكذا وكذا. وثابت الكلام ده في أيه.. في وثائق رسمية.. ويجي مثلاً بعد الحرب يقول لك الروس ما كانوش بيدونا حاجة إطلاقاً. وإحنا اللي عملنا كل الكباري وإحنا اللي عملنا كذا كذا كذا، فإذن ما نخدش كل ما يقوله السادات كأنه قضية مسلمة بل نحطه في..
[spoil][spoil]
أحمد منصور[مقاطعاً]:

لأنه بيلعب سياسة سعادة الفريق..

سعد الدين الشاذلي:

بيلعب سياسة.. بس بيلعب سياسة..

أحمد منصور[مقاطعاً]:

يعني أنت رجل عسكري محترف عندك واحد و واحد يساوي اتنين كما يقال.. هو بيلعب سياسة اللي فيها الواحد يساوي 100، ويساوي 200 أحياناً، ويساوي 10 يعني فهو الرئيس السادات كرئيس بيلعب سياسة.

سعد الدين الشاذلي [مستأنفاً]:

يلعب سياسة مع العدو، إنما ما يخدعش.. ما يخدعش القادة بتوعه، ما يخدعش الشعب بتاعه

---

يعني الانتصار المزعوم في حرب 6 اكتوبر هو عبارة عن تحرك استراتيجي للضفة الشرقية من القناة بمدي اقصاه 12 ك متر لا اكثر تحت حماية المدفعية والغطاء الجوي وشبكة الصواريخ الروسية التصميم والتنفيذ (مايسمي خطة المأذن العالية )
اللي بناها لنينا الروس ضمن البرنامج الصاروخي المصري (الموقوف حاليا) مستغلين عامل المباغتة وتشتيت الانتباة بخداع الاطراف العربية الاخري بمشاركتنا الهجوم لا لشيء الا لتخفيف الضغط علي القوات العابرة للقناة وكل محاولة مصرية للتقدم في المعركة بعد ال12 كم (ازعانا لضغط من روسيا لا لنصرة الجيش السوري) بأت بالفشل الزريع وانتهت بالثغرة التي طوقت الجيش الثالث وسمحت للجيش الاسرائيلي ببلوغ السويس وتقهقر وانهزام الحشد السوري لاسيما بعد اعلان وقف اطلاق النار

بذمتك ديه خطة حرب المفروض انها لنصرة دين الله وتحرير الاقصي !!؟


في حاجة تانية في كلامك مش عارف افهمها خالص انت بتقول احنا اجبرناهم علي السلام !!؟ مش فاهم ليه هو احنا داخلين الحرب عشان السلام ولا عشان ننتصر !!؟

اما موضوع احنا الاقوي فاعتقد ان الكلام ده اكبر دليل علي المبالغة الاعلاميه لحرب اكتوبر للتضليل علي الخيبة الكبيرة اللي بقينا فيها

انا عارف ان المداخله الى فاتت خاصه بالاستاذ/ حازم . بس برده اسمحلى اختلف معاك .

كلام الفريق سعد الدين الشاذلى على عينى وعلى راسى ( بالمناسبه المقدم فاروق مدير مكتبه هو بطل قصه التجسس الخاصه بهبه سليم او عبله فى فيلم الصعود الى الهاويه وقدم الفريق استقالته بسببها قبل الحرب ولكن اصر السادات على عودته فاشترط الرجل ان يعدمه بنفسه وبالفعل هو من اطلق عليه الرصاص ).ولكن مش مسلم بيه كله جمله وتفصيل وتم الرد عليه من خلال الفريق الجمسى رحمه الله .
ولكن يا ابو نورا تؤذينى كثيرا تعابير ( تمثيليه اكتوبر - الانتصار المزعوم - الخطه الامريكيه) وكلها تصب فى انه لا كانت حرب ولا حاجه دى كانت تمثيليه امريكيه عشان معاهده السلام . كيف هذا بالله عليك كل هذا الكم من الشهداء عندنا والقتلى الاسرائليين . 100 طائره اسقطت فى اول ثلاثه ايام وووووووووووو . كل هذا كان تمثيليه . نعم كان يمكننا ان نطور الخطه الى الامام ونصل الى المضايق بل الى تل ابيب نفسها ولكن كان هذا فى حاله واحده وهى عدم التدخل الامريكى المباشر واعتقد انه بات من المعلوم ان الطائرات الامريكيه كانت تاتى من القواعد الامريكيه مباشره الى سيناء هنا حدث عدم الاتزان وبدات تميل الكفه مره اخرى الى الجانب الاسرائيلى وحدثت الثغره . قد نتفق او نختلف فى حق الرئيس السادات رحمه الله ولكن ان نقول ان الحرب كانت تمثيليه فلا والف لا يا ابو نورا.

تحياتى لحضرتك


السلطان ابو النجا الاول

منهم لله إللى كانوا السبب .
( بل كثير ولكن كغثاء السيل ") صدق رسول الله .
كل واحد فينا يبدأ بإصلاح نفسه لكى تصلح الأمه .
أول حاجه مضيعانا الـ ( أنا ) حب لأخيك كما تحب لنفسك بالقياس على المستوى الفردى والقومى والعربى والإسلامى ..
لسه كتيرررررررر .

بس يا ابو نورا ممكن اكون مش بفهم في السياسه اوي و ممكن اكون ماليش في مساله الحروب برضه بس كونك انك تقول الانتصار الزعوم علي حرب 6 اكتوبر او تشكك فيها باي شكل انا مش معاك.
1. زي ما قولت قبل كده المصريين يوم 6 اكتوبر حققوا معجزه بفضل الله و هزمو الجيش الذي لا يقهر و ما تقولش دي تمثيليه اسرائيل مش عبيطه و لا بالسذاجه انها تضيع معدات و افراد بحجم الخساير دي و كممان تسيب سينا و ماكنش حد يجبرهم انهم يسيبوها زي ما السادات عمل( رجل السلم و الحرب) و هو اللي اجبرهم انهم يقعدوا معاه علي ترابيزه واحده و تتعمل معاهده السلام الراجل دا مكنش بيفكر غلط ابدا و كان واعي هو بيعمل ايه علشان مهما حصل هو مش قد امريكا اللي بتسند اسرائيل
2.شوف الانجازات اللي حصلت في 6 ساعات يوم 6 اكتوبر.عبور القناه اللي كانت فيها مواسير المابالم اللي قلت عليها قبل كده و اللي الضفاجع البشريه قبل الحرب نزلو قفلوها (دا في حد ذاته انجاز)
خط بارليف الذي كان شديد الانحدار علي الضفه الشرقيه لقناه السويس و مكون من 16 حصنا و برضه المصريين فكروا ازاي بالات رفع مياه و خراطيم و قدرو يفتحو فيه منافذ للعبور لسينا ....و الطيران اللي كان مغطي و دخل قذف المواقع المهمه للعدو و حاجات كتير تبين اننا ما كناش في تمثيليه او اللي عملناه دا نصر مزيف لا دا احنا رضينا كرامتنا و اخدنا ارضنا بالقوه و اجبرناهم و انا بقول اجبرناهم علي السلام .لو مثلا مكناش عبرنا كانو ممكن يقعدوا معانا و يعملو معاهده السلام؟؟استحاله طبعا بس علشان كنا الاقوي اجبرناهم علي اللي عاوزينه .

يا شباب

علشان منفضلش نمارس هوايتنا فى تحقير ذواتنا ونفضل نغرق نفسنا فى تعبيرات مهينة نفضل نصف بيها حرب أكتوبر التى مهما كانت نتائجها العسكرية فقد كانت السبب الأساسى ان المصريين ومن ورائهم كل العرب استطاعوا ان يرفعوا رؤسهم عاليا فى أى مكان فى العالم وحتى حقبة قريبة

فأنا لدى اكثر من كتاب الكترونى تحكى بالتفصيل الممل تفاصيل حرب اكتوبر وترينا عظمة الأنسان المصرى الذى استطاع ان يستغل الإمكانيات المتاحة التى اقل ما يقال عنها انها إمكانيات معدومة-بعد ان اضاع عبد الناصر كل ثروات مصر- استطاع ان يستغل هذة الإمكانيات المعدومة فى تحقيق نصر تكتيكى على دولة- الى جانب تفوقها العسكرى المرعب-فقد كانت مدعومة بشكل مباش باكبر قوة عسكرية على وجة الأرض ، كان هذا النصر هو الداعم الأول والاخير فى تحريك الوضع الإستراتيجى واسترداد الأرض لاحقا،

احب ان تشاركونى فى قراءة هذة الكتب بس انا مش عارف ارفعها فين، حد عنده فكرة ممكن ارفع الكتب دى فين للمشاركة؟

للمره الثانيه وبدون اى مقدمات أو تبريرات يقوم اى المشرفين بحذف مداخله لى!!!

والعجيب انها سياسيه وليست دينيه !!!

انا اطلب تبرير واعتذار واضح والا فاسنسحب من المنتدى كله تاركا الجيل الآلكترونى من "الحرن الوطنى" يمارس عقده النفسيه وتحكمه كما يحلو له!

كتب الله الشتات على اليهود، لا راد لقضاء الله

اليهود لايحافظون على العهود

لايوجد دولة اسمها دولة اسرائيل فى التاريخ، هذا عرض زائل رغم ارادة أوربا و أمريكا

أرض فلسطين عربية

هذا صراع أجيال لا مناص من النصر فيه، دينيا و أخلاقيا و سياسيا، مهما طال الزمن (نحن لازلنا فى البداية)

لامانع من التقاط الأنفاس ، و الصبر مطلوب

مصر زعيمة الأمة العربية لمالانهاية له من الأسباب المنطقية

مصر بها خير أجناد الأرض، بمشيئة الله

لاوجه للمقارنة بيننا و بين أعدائنا ، أبسط دليل على قوة شعبنا، انهم بيعملوا لمصر ألف حساب و كل خوفهم و قلقهم منا

كل من كان له أب أو أخ أوعم أو خال او جد ، استشهد أو اتأسر أو فقد أو دفن حيا و لايعلم مكان قبره الا الله، سيعى كلامى، و سيعرف أننا كنا على قدر المسئولية فى 48 و أن 67 كان عارض لضبط الصفوف و أن 73 كان مجد بكل المقاييس .

و من يتقى الله يجعل له مخرجا.

يا جماعه فى الاداره ياريت حد يرد على الاستاذ niel heart سواء هنا او فى الشكاوى والاقتراحات لان بصراحه اكتر حاجه بتتعب وتحرق الدم هو موضوع الحذف .


انا موافق تماما الاستاذ/ حازم صلاح فيما قاله من ان كل مايجرى هو مرحله من الصراع مع العدو الصهيونى فى اطار الصراع التاريخى المستمر معهم . واعتقد ان هذا ما يجب ان نربى اولادنا عليه فاذا كانت الدوله مكبله بما التزمت به من معاهدات فاعتقد اننا جميعا مطالبون بالقيام بهذا الدور الان .
السلطان ابو النجا الاول