حط نيتروجين افتكر عادى على 30 الضغط وان شاء الله الاداء يتحسن
عرض للطباعة
هي مش قصة كومهو او بريدج
حضرتك هتلاقي على قايم باب السائق او على الباب نفسه ورقة ملزوقة مكتوب فيها مقاش الكاوتش المصمم للعربية وهتلاقي الضغط مكتوب عليه كمان متبوعا بكلمة psi وغالبا في معظم العربيات مش بيزيد عن 32
النصيحة المهمة...فيه حاجة من 2 تعملها...يا اما تثبت نفسك عند واحد معين بتاع كاوتش...وطبعا دي صعبه...يا اما تشتري لنفسك مقياس ضغط وترميه فالشنطة مع الاستبن...ليه؟؟...حضرتك مقاس الضغط ده لو شفته وهو مفتوح عبارة عن مكبس صغير جدا بيصد في سوسته وركب عليه مؤشر...والحاجات دي دقيقة جدا...يعني شوية تراب بسيط... وقوع عالارض...عامل زي الساعة كده...وطبعا الحاجات دي عند بتوع الكاوتش بالعبيط...ومحدش فيهم بيهتم بصيانته الا اذا خرب خاااااااااااااااااالص ومعدش بيتحرك ساعتها ممكن يغيره...ومن هنا تأتي المشكلة...ان كل واحد بمقاس...وعشان تصدقني ان الكلام ده عن تجربة...حضرتك ظبط هواك عند واحد....وامشي وعدي على واحد تاني وقيس الهوا ومش هتصدق اللي هتلاقيه
حضرتك بخصوص نفخ النتروجين...انا شخصيا مش مقتنع بيه...لأني مش بازود فالسرعة عن 110 فمش بيعنيني قوي موضوع النتروجين ده...لأنك عشان تستفيد منه عاوز تكون سرعات عالية
مساء الخير يا جماعة متشكر لكل مشركاتكم معايا فى همى
بالنسبة لضبط الكاوتش بضبطه كل شويه على 28 او 30 بالنسبة لرمان البلى لسه مغيره بالنسبة لساعات بحس الخشونة وساعات لا ده بسبب الاسفلت مع الاسفلت الناعم العربية زى الفل ومع الاسفلت الخشن شوية بتبقى فيه نسبة احساس بالخشونة اما الاسفلت الخشن او بتبقى العربية زى الزفت وكانى ماشى على جنوط وليس كاوتش وبعدين اللى محيرنى اكتر انها مكانتش كده على نفس الكاوتش واللى حصا انى رحت مزرعة فى وادى النطرون وانا رايح العربية زى الفل وناعمة او حتى مع اخشن اسفلت احس بيه ضعيف جدا ودخلت المدق بتاع المزرعة ذهابا وعودة وطلعت على الاسفلت بعد كده ولاقيت العربية زى الزفت بعد كده صنيعى قال فتيس بتاع الفتيس قال زى الفل قالوا بلى عجل غيرناه وبوظ سرة عجل واشتريت شمعدان كامل من الوكالة بالسرة والطمبورة وبعد اسبوع من التركيب لاقيته بايظ ورحت اشتريت من الحرفيين شمعدان تانى وكان زى الفل وغيرت القنطرة الطولية لانها كانت مطبقة من تحت و تم ضبط الزوايا وكانت مفتوحة شوية وقالى تعمل خشانة وفعلا استريحت العربية شوية لكن برده مش زى ماكانت الاول ومن كثر زهقى بفكر ابيع مع انها فبريكة والماتور زى الفل لكن الخشونة قرفانى خايف اغير مساعدين وبطاحات وميطلعش السبب منها 0
ايه رايكم
متابع معاكم !!!!!!!!!!!!!!!!!!!!!!!!