الموضوع: نصيحه في شراء لابتوب

أنا كان معايا Asus و بعدين جبت Fujitsu siemens و بعدين جبت Dell enspiron

بصراحة أسوس قعد فترة كويسة معايا حوالى 4 سنين و أكتر و مكنش معايا ساعتها أغير بواحد جديد. فى النهاية أستبدلته بفوجيتسو و كان ساعتها السي دي باظ و البلوتوث و الوايرلس شوية يشتغل و شوية لأ. بس ما شاء الله أستحمل مفيش زرار باظ و لا الشاشة احتاجت حاجة و البطارية مغيرتهاش خالص و متفتحش خالص عشان صيانة.
بعدين فيجيتسو قعد معايا تقريبا 3 سنين و البلوتوث بطل يشتغل. بعدين لسه جايب ديل.
أنا شايف أحسن واحد فيجيتسو. ديل فى حاجات غبية غايظانى. لوحة المفاتيح دونا عن كل لوحات مفاتيح الأجهزة التانية متشفتة شمال خانة. و الفنكشن كيز مقلوبة. يعنى الوظيفة الأضافية اللى بتشتغل بضغط الزرار مع مفتاح فنكشن هى الأصلية و العكس.
محستش بفرق جامد و هو لسه جديد بالمقارنة بفوجيتسو اللى مستخدمه من 3 سنين.
بس برضه فى ملاحظة أكتر جهاز شفته منتشر هو ديل بدرجة ملحوظة و اكيد الناس اللى شارياه فكرت قبل ما تشتريه