هوا السؤال بتاع الموضوع دا موجه للرجال فقط ؟؟؟؟؟؟
اصلي مش شايفة ولا سيدة ردت يعني ؟؟
و انا بصراحة مش عاوزة ارد
اسكت يا بقىىىىىىىىىىىىىىىىى
عرض للطباعة
هوا السؤال بتاع الموضوع دا موجه للرجال فقط ؟؟؟؟؟؟
اصلي مش شايفة ولا سيدة ردت يعني ؟؟
و انا بصراحة مش عاوزة ارد
اسكت يا بقىىىىىىىىىىىىىىىىى
انا اراهن انا 99% من اللي قالوا لأ
لو رجعوا تاني هيجوزوا
:d :d
شعور جميل إن الواحد يحس إنه مش لوحده , وفيه ناس زيه كتييير
بس مش هاقول أكتر من كده
حراممممممممممم عليكم.....دنا الايام دي دماغي عمال تودي وتجيب ومش عارف أرسى على بر.....ولسه بس من يومين بدأت ادخل الموضوع ده بالعافيه في دماغي
دلوقتي رجعت تاني لنقطة الصفر :"(
طب مفيش حد كده نفع الموضوع ده معاه ....يعني الزواج خلاه ناجح في حياته وداله دافع كده عشان يحقق أحلامه...أي حد؟!
انا فضلت سنه احاول اجيب شهادة الاعفاء من الجيش ومجتبهاش غير قبل الفرح ب 4 ايام
كان معايا مشروع وصاحبه مطلع عيني ومش راضي يديني فلوس واخدتها منه في اسبوع الفرح
اول مامراتي حملت مرتبي ذاد
لما خلفت سافرت كندا
بقي عندي رغبة اني اكبر واطور من نفسي وبقي عندي دافع اكتر من الاول بكتييييييير
بتخيل نفسي لو انا متجوزتش كنت هعمل ايه ؟؟ ولا حاجه كنت هشتري عربيه والف واتفسح ومش هعمل اي حاجه مفيده في حياتي
واحد زميلي في الكليه مره قال ان اول ماهتتجوز حياتك هتقف ومش هتعرف تعمل اي حاجه وانا دلوقتي بقول اني من غير جواز مكنتش هعرف اعمل اي حاجه وهو نفسه كان هيتجوز علي روحه
ياسيدي كفايه ان الواحد بيعف نفسه بدل القرف اللي بقي مالي الشوراع
عاوزين نسمع رأي العضوات الفاضلات لان مفيش واحد بيتجوز واحدة غصب عنها
لما هي بتوافق هو بيكون دخل الفخخخخخخخخخخخخخ
الشراك الخداعيةةةةةةةةة هههههههههههههه
البحر بيبقي طحينة والراجل بيحب الطحينة او الرفيعة ههههههه
تفتكر انك انت اللى هترزقهم ولا ربنا
ربنا اكيد هيبعت لهم رزقهم عن طريقك
وانا الحمد لله اقر واعترف ان رزقى زاد جدا من بعد الجواز وخاصه من يوم ميلاد بنتى مريم
نفس يوم ميلادها مش قبله بيوم ولا بعده بيوم كانت بدايه خير لم ينقطع والحمد لله
وصدقنى الجواز ممكن يكون وحش بس لو فكرت فيها دلوقتى وقلت يا ريتنى كنت لسه عازب او لو ركبت اله الزمن هرجع تانى واغير فكره زواجى
بفتكر ولادى واقول لاء هتجوز برده علشان يبقى عندى مريم ومحمد
اسمحوا لى يا جماعة اقول راْيى باعتبارى انثى .
هاتكلم معاكم بمنتهى الصراحة .
الجواز فى كل حاجة مشاركة .يعنى المسئولية عليك وعليها .
بس هوه فعلا الستات طبعها صعب شوية .اكيد مش كلهم .ما ينفعش نعمم .
يعنى لازم وجود للتفاهم والتراضى بيت الزوجين .
وفى الاول والاخر هوه سوء اختيار او حسن اختيار وتوفيق من عند ربنا .
بس انا مؤمنة جدا ان الواحد يقدر يخلى حياته سعيدة او تعيسة .قادر يعيشها او لا .
والدور ده لازم يقوم بيه الرجل والمراْة .
واْن كنت شايفة ان دور الست اكبر هيه اللى تقدر تحببك فى الدنيا وهيه اللى تقدر تكرهك فى الحياة والبيت وكل حاجة .
بس الدنيا محتاجة صبر شوية علشان اختلاف الطبائع والبيئة والتربية واسلوب المعيشة اساسا .
بس اللى يتجوز يبقى عايز يعيش يعنى مش حرب وما يتعاملوش على انهم اعداء .
المفروض انهم شىْ واحد وحاجة واحدة واللى يسعده هيسعدها والعكس صحيح .اللى هيسعدها اكيد هيسعده .
بس يا جماعة حسن العشرة والمودة والرحمة اللى ربنا اوصانا بيهم .
والمسئولية على الاتنين كل واحد يقوم بواجبه والتزامانه هتبقى الدنيا ان شاء الله حلوة .
جربوا بالتفاهم والحب والمودة هتلاقوا فرق كبير
انا مش باتكلم على الرجال بس .بالعكس انا شايفة ان مسئوليتها اكبر بكتير فى جعل الحياة كويسة علشان تتعاش .
وبمناسبة موضوع الاهرامات اللى قاله الزميل هوه صح جدا .بس انا زمان سمعت مثل صينى وصح جدا بردو .بيقول فيما معناه ان الجواز عامل زى القلعة المحصنة كل اللى جواها نفسهم يخرجوا منه .وكل اللى براها نفسهم يدخلوا ويشوفوها .
يعنى تقريبا نفس قصة الزميل او نفس المعنى .
مفيش حد عاجبه حاله .انا رايى اعمل اللى عليك وتعمل اللى عليها والرضا بما قسمه الله اكيد هتبقى سعيد .ومتهياْلى الجواز مش وحش اوى كده
والله الموفق لنا جميعا
اسفة للاْطالة عليكم