لو رجع بيك الزمن للوراء ... كنت هتجوز ولا لأ ؟ ولية أة ؟ ولية لأ ؟
سؤال لكل زوج و زوجة ....
عرض للطباعة
لو رجع بيك الزمن للوراء ... كنت هتجوز ولا لأ ؟ ولية أة ؟ ولية لأ ؟
سؤال لكل زوج و زوجة ....
مش كل الناس فى ناس اتجوزت وندمت وناس اتجوزت وعاوزة تتجوز تانى هههههههههههههههههه
الجواز عامل زي الحادثة ياطلعت سليم واتعرفت علي حد جديد وبقت صداقة او الله يرحمك عايش ميت
شوف سيدى الفاضل
هما المتزوجون و غير المتزوجين بيقولو كلمة واحدة
يا ريت
تقبل تحياتى
لازم الاجابه هنا ولا ينفع على الخاص
و الله العظيم لأ
يا دكتور amado ibrahim
ايه الرد الديبلوماسي ده
لأ ..........
لييييييييية الرجاله مش بيحبو الضحكة ؟؟ عشان اولها...................ضحكة ، فإبتسامة
.
.
.
فغمزة ، فحب ، فزواج
.
.
.
فأطفال
.
.
.
فجيب معاك عيش ، فإرمي الزبالة فطريقك
.
.
.
. فجيب دواء ولبن للولاد و فينو عشان سندوتشات المدرسة
فيلا ادخلك جمعية عشان تشترى ل ابنك شقة و تجبلو الحاجات الكهربائية
ففففف
.
.
.
يا ريتني ما ضحكت
ههههههههههههههههههههههههه هههههههه ....
دة حال كل المتجوزين و خصوصآ اللى مستتين مراتتهم و مقعدينهم فى البيت ....
بيبقوا معتمدات على الرجالة أعتماد كلى و جزئى ....
و سبحان اللة معظم الستات عندهم ذاكرة من تيفال ....
مش ممكن تلاقيها بتفتكر كل اللى هى عايزاة مرة واحدة ....
يعنى فجأة تلاقيها بتكلمك عشان تجيب حاجة وأنت جاى ....
بعد دقيقتين تلاقيها أفتكرت حاجة تانية فتكلمك ....
بعد ساعة تكلمك عشان أفتكرت حاجة تالتة وهكذا ....
وش مابينتهيش جوة البيت و برة البيت ....
ماهو زى ما بيقولوا شر ولابد منة ....
اللة يكون فى عونك ....
لو رجع بيا الزمن كنت هتجوز و انا لسه مخلص ثانوية عامة زي ما كان ابويا عايز ...
السبب :
الاستقرار و الهدوء النفسي
عشان الفارق بيني و بين ابني يكون اقل ما يمكن و ده هيخلي افكارنا قريبة شوية من بعض
عشان اتمتع بالاطفال و انا لسه صغير مش اجيبهم و انا عجوز
عشان اجيب اولاد و بنات اكتر
الجواز نهاية العقلية الابتكاريه للرجل و بيحل محلها عقلية تليبة الاحتياجات
بمعنى انسى انك تنجز حاجة بعد الجواز هيبقى اخرك تجيب الطلبات و تلاعب العيال لحد ما الأكل يجهز
طبعا الموضوع بيبقى كده لان اسلوب حياتنا اغلبه غلط و مش بنعرف نستغل وقتنا او ننظمه صح
انا كنت عايز اجوز تاني لكن الحمد لله ربنا هداني---- هو مقرف بكل المقاييس
11111111111
انا بقول نعم طبعا ........ مافيش حاجة احسن من الجواز
كل اللى قالوا لأ ....... نسيوا هما كانوا ازاى قبل الجواز ....... بس المشكلة انهم متدلعين حبتين ........ و بيحبوش المسئولية
بعدين يا باشا يا اللى بتشتكى من انهم كل ما يكلموك يقولولك هات و هات و عايزين
امال انت عايز مين اللى يجيب يعنى ....... مش انت المسئول عن البيت
و الله انا المدام لما تعبت شوية و شلت انا مسئولية البيت و العيال ......... عرفت قد ايه هما بيتعبوا ..... و يشقوا ....
لازم نكون موضوعيين شوية
هوه مافيش حد عاجبه حاله خالص
أنا حاسس ان الناس بتتكلم وهما مقلقين
متخافوش يا جماعه محدش هيفتن
أتكلموا بصراحه أو أعملوا عضويه جديده بأسم مستعار وأطلع باللاب على أى كافيه وأكتب من قلبك
انا لسه فى طريقي .. شكله كده هرجع فى كلامى
مشاركة جميلة جدآ .... :satelite:
ربنا يسعد كل أيامك ....
الرجالة اللى بتشتكى من طلبات الستات مش بيتدلعوا ولا حاجة ....
بس هما زعلانين عشان حاجة من أتنين ....
يا أما راجل زعلان عشان المدام بتطلب بأفترى ومش حاسة هو بيتعب أزاى عشان يقدر يجيب الفلوس ....
أو راجل زعلان عشان المدام مش مركزة أو مش عارفة البيت ناقصة أية فكل شوية تلاقيها بتكلمة ....
ملهاش دعوة بقى هو فى أجتماع مهم أو سايق ....
المهم أنة لازم يرد وخلاص فبالتأكيد الزن دة بيخنق الراجل و بيخلية متعفرت ....
اللى يخنق أكتر بقى أنة لما يروح يلاقى مراتة نسيت تقولة على حاجات تانية كان المفروض يجيبها ....
كل دة وأحنا بنتكلم فى بند وااااااااااااااااحد بس وهو بند الطلبات ....
و زى ما حضرتك عارف الجواز فية بنود تانية كتييييييييييييييييييييييي يييييير ....
ماشى ..... انا معاك فى اللى قلته
بعدين انا كمان بعانى من الكلام ده ......... بس مش عاملى مشكلة خالص
شوف يا باشا ........ الراجل لازم يبرمج النظام بتاع البيت .... عشان يستريح و يريح دماغه
اول ما اتجوزت ..... كل شوية هات كبريت ......... حاضر
هات كبريت ........ حاضر
بعدين لما اتخنقت ........ قلت هو انا اهبل ولا ايه .........؟؟؟؟
بقيت اجيب الكبريت بالقروصة ....... بعدين قلت كبريت ايه و هبل ايه ........ انا ح اجيب ولاعات احسن
لحد ما وصلت لمرحلة انى اجيب ولاعات و اجيب كمان غاز و لاعات ..... و خلصت من البند ده
باقى البنود ......... عملت نظام ....... المطلوب يتقال مرة واحدة ..... لو فى بند نسيوه ....... ماليش فيه ِ........ !!!!!!
بص ..... انا مش برسم انى واد فتك و ناصح ........ بس بصراحة اول سنتين فى الجواز دول اهم سنتين فى حياتك الزوجية كلها ....... يا تبرمج النظام زى ما انت عايز ........... يا تتبرمج انت ......... و انت و شطارتك
اللي اتجوز وعاوز يتجوز تاني زي اللي بيجرب نوع سجاير تاني فاكر انه نيكوتين اقل اهو كله زفت وقطران
واكيد بيتبع مبدأ داوني بالتي كانت هي الداء
مهو عامل زي الحفرة كل متاخد منها بتكبر وتزيد ههههههههههههههههه
هى مش مسألة شطارة بس دة كمان كرم من ربنا ....
يعنى فى واحد تلاقى ربنا بيحبة يقوم كرمة بواحدة تنسجم معاة وتسمع كلامة و تريحة ....
وفى واحد العكس تلاقية أتجوز واحدة مفيش بينة وبينها أى أنسجام و مابتسمعش كلامة خاالص ....
تخيل حضرتك لو متجوز واحدة تيجى تطلب منها أنه ماتعملش حاجة معينة تقوم قايلة لك حاضر ....
وتانى يوم تلاقيها بتعملها متعرفش بقى عن عمد ولا عن غباء حضرتك هتعمل أية ؟
هتطلب تانى وعاشر ومفيش حاجة بتتغير يبقى مفيش غير أنك تبطل تطلب ....
عشان تتجنب صراعات ملهاش أى تلاتين لازمة ....
ودى بتبقى أصعب حاجة ممكن الراجل يواجهه ....
الواحدة اللي مبتسمعش الكلام بتبقي عاملة زي مليونية بلطجية
قبر يلم العفش
طيب لية حضرتك مجبتش اشعال ذاتى من البداية وفرن كهربا + ميكرويف وتبقى ريحت دماغك ؟؟ كدة دى غلطتك :)
-------
ولية ميكونش عليها جزء وعلى حضرتك جزء يكون فية تناسب بين الاتنين ؟ الحياة بالنصف ف كل حاجة .. مش بس ف الاكل :grin54:
موضوع البرمجة ويا الراجل يبرمج مراتة .. يأما هية تبرمجة .. فبصفتى مـبرمج :grin54: لما واحد من الاتنين يبرمج
التانى يبقى بيجي علية وعلى حقة .. والطرف التانى بيسكت اكراماَ وتقديراَ لة .. يعنى لو الراجل جية على مراتة وهي
وافقت دة مش معناة انتصاااااار .. لاء انت كدة ممكن تيجي عليها وهي عشان مقدراك وبتحبك هتسكت .. يبقى من الاولي
ان الحياة تكون منااصفة .. اي بالنصف .. وكلة علية مسؤليات سواء الراجل او المرأة .. وحياتنا ما هي الا تـدرج للمراحـل
لكل مرحلة مسؤليتها ومتطلباتها :) كلامى بشكل عام وغير موجة للاحد بعينة
يا جماعة في حاجتين صغيرين وصا عليهم الشرع ,وفعلا لو ظبطوهم كل حاجة تتظبط
لها عليك النفقة ولك عليها الطاعة
اظبطها كده محدش يصرف على البيت مليم واحد غيرك
ومحدش ليه رأي غيرك , حترتاحوا انتوا الأتنين
الجواز والحياة الاسرية ليها طعم تانى
الاستقرار النفسي والعاطفي مطلوب ومهم
طبعا الجواز مسئولية كبيره جدا جدا جدا ..... زى ما انت بتاخد لازم تدى
لكن للاسف فيه ناس كتيرة تحب تاخد بس وده اكبر غلط
في ناس بتتخنق من المسئوليه ده وبالتالى بيكره الجواز وطول ما هو قاعد عمال يندب فى حظه ، العيال والطلبات ووووو....
لكن لو تحملت المسئوليه وشاركت شويا فى مهام البيت هترتاح وتريح اللى حواليك
على فكره شغل البيت وتربيه الاولاد من اصعب الشغلانات فى الدنيا، بالتالى اللى يفتكر انه مراته قعدة فى البيت مرتاحة وسعيدة يبقى غلطان بالعكس ده بتقوم بالمهمة الصعبة بالنيابة عنك
يعنى انا بجيب طلبات البيت من غير ما مراتى تطلب
ادخل المطبخ افتح التلاجة ومكان التخزين اعرف البيت ناقصه ايه واجيبه
طيب ممكن نضيف للسؤال فقره : اذا كنت هاتتجوز هل كنت هاتتجوز نفس الزوجه ؟
انا ما قلتش حاجه يا جماعه ومش هاجاوب على السؤال ده .
+1111111111111111111111111111111111
أبقى قاعد فى اجتماع مع وزير الكهرباء ....... تلاقى التليفون بيرن ...... أكنسل ...... مافيش فايدة ...... أرد بالعافية ...... عايزن لبن ..... هو ده وقته ...... أقفل ....... كمان ساعة ...... التليفون بيرن ...... أرد ...... هو لسه الأجتماع ما خلصش ...... انتو بتكلموا في ايه كل ده ........ يا ستى و انت مالك ...... أقفل ...... كمان ساعة ...... التليفون بيرن ...... لأ مش ممكن الأجتماع طول أوى ....... أبقى بشد فى شعرى:untitled 1: ....... طيب خلاص الولد عايز كورن فليكس .......
فى النهاية ...... أجى اسيب الأجتماع و أمشى ....... يقولولى طب حنعمل ايه فى ميزانية المشروع ...... ألاقى نفسى بقول الكورن فليكس أهم :crying2:
من أظرف التعليقات اللى سمعتها عن الجواز .. واحد زميلنا كان بيسأل واحد متجوز .. ايه رأيك فى الجواز؟
قاله فاكر لما كنا نروح زمان الاهرامات و فى أوضه فاضيه فوق الهرم و نكون كلنا عاوزيين نطلعها .. و بعدين واحد يطلع و هدومه تتبهدل ويلاقيها أوضه فاضيه مافيهاش حاجه .. و هو نازل يلاقى واحد طالع عاوز يشوف الأوضه فيها ايه .. يقول له يابنى ارجع دى أوضه فاضية مافيهاش حاجه .. هتتبهدل على الفاضى .. انما هو يصر انه يطلع و يشوفها بنفسه و يتبهدل و برضه و هو نازل يلاقى واحد تانى طالع يقول له نفس الكلام و برضه ميسمعش الكلام .. و هكذا .. و هكذا :biggrin24: