الموضوع: رأى حازم صلاح ابو إسماعيل فى ما يحدث وفى المجلس العسكرى

المشاركة الأصلية كتبت بواسطة أحمد كمال

لكل واحد عايز رئيس عسكري


انا كنت في منشأة تعليمية عسكرية تقدم خدماتها للمدنيين من كام يوم

موقف رقم 1:

ممنوع تخش بال ipad لاحسن "ده كمبووطر و ممكن تعمل بيه "هكرز" عالسيرفر"


موقف رقم 2:

دخل ملازم الفصل ياخد الغياب ...... المدرس مدني على فكرة ..... و ملاااااااااازم يعني لا مؤاخذة وقت ما انا اتخرجت و اشتغلت و قبضت مرتب و ركبت عربية كان هو في اولى اعدادي بياخد مصروف من ماما !!!!!!!!! يعني حتى المفروض يحترم فرق السن

لقاني حاطط رجل على رجل (عشان البهوات حاطين كراسي بس من غير مكاتب فحاطط رجل على رجل عشان اسند على ركبتي و اكتب)

قال لي نزل رجلك

قلت له ليه

قال لي التعليمات ..... ممنوع تحط رجل على رجل داخل (.......) "اسم المنشأة"

..........


ثالثة الأثافي كانت لما الحصة خلصت قبل ميعادها بحوالي 40 دقيقة ...... بس عشان التعليمات بممنوع المغادرة قبل نهاية المحاضرة قعدنا محبوسين زي التلامذة لحد ما الميعاد جه و مشينا


و من يوميها و انا حالف ما اطلع جنيه من جيبي و ادفعه لأي منشأة عسكرية خدمية بتخدم المدنيين ان شالله يا رب يكون تمن قطعة جاتوه من حلواني دار الدفاع الجوي !!!!!!!

الاخ الفاضل استاذ احمد كمال
ما دفعني للتعليق علي المشاركة ليس لتأييدي للحاكم العسكري و لكن للتعليق علي المشاهد التي شاهدتها حضرتك في المنشأة التعليمية العسكرية و لي رأي اسمح لي ان اطرحه
حين يتم عمل قانون في اي مكان لكي يتم تطبيقه علي الجميع فهذا ليس عيب و لكن العيب في الذي يشرف علي التنفيذ
فموضوع عدم دخول اي وسيلة تسمح بنقل البيانات موجودة في كل دول العالم مش مصر بس و موجودة في مصر في هيئات غير عسكرية بالمناسبة
اما حكاية انهم منعو جهاز معين او خلافه لعدم ادراك من الشخص المطبق للقانون فهذا لا يضير المكان و لا لوائحة
نفس الامر في الملازم اللي داخل يتمم علي العدد اولا ما ادراك اخي الكريم ان هذا الملازم ملازم عامل و ليس ملازم ( احتياط ) و هذا الارجح يعني شخص عادي مثلنا يا دوب خد 6 شهور في مركز تدريب للانضباط ثانيا ما هي الوسيلة التي سيمنع بها تحايل البعض من اثبات انهم حضرو الكورس مثلا و هم لم يحضرو و زملائهم قد مضو لهم كما يحدث في الكثير من الدورات الخاصة و في الجامعات الحكومية ايضا
و حكاية وضع رجل علي رجل ايضا لم تكن حضرتك المستهدف منها و انما هي وسيلة لمنع بعض المهرجين و المتصابين اللي يوجد البعض منهم في الجامعات حاليا حكومية او خاصة نري بها العجب من طريقة جلوس اشبه بالنوم علي الكرسي و رفع الاقدام في وجه المحاضر و تسقيط البنطلون علي الافخاد و حاجات تانية كتير ليس مجالنا لحصرها
يمكن حضرتك لا تراها انما هم يشاهدوها كل يوم
و لو سلمنا بأن الجيش يعتمد علي بشر منا في التنفيذ و الاشراف علي ما يفرض من لوائح و قوانين فأن العيب اذا في الافراد المطبقين و ليس في المؤسسة
و الموضوع بأختصار (( لو ان الفرد المستقبل لحضرتك علي البوابة قد شرح لك ببساطة انه يوجد احد الاشخاص قد استغل جهازه في نقل بيانات معينة في غفلة من المحاضر ))
و لو (( ان هناك و سيلة الكترونية تستخدم للتأكد من الحضور و الانصراف ))
و لو (( ان الملازم كان قد شرح لحضرتك ان هناك البعض الذين يستغلون الحرية استخدام سئ او انهم وفرو كراسي بمنضدة من الاصل ))
لو ان كل هذا حادث ما كنت حضرتك انتقدتهم و لكن كل ده ستجده في مكان اخر لنفس المؤسسة العسكرية في فرع اخر مثلا او كيان اخر تحت اشرافهم و لكن لان الشخص المعين بهذا المكان في هذه الفتره شخص ليس علي المستوي المطلوب فقد اعطي لحضرتك انطباع سئ عن الكيان
و طبعا هذا ليس جدال او فرض رأي علي رأي انما هو مجرد تعبير مني عن رأيي فيما كتبته حضرتك و شكرا لك

م.حاتم السباعي