تقييم لعام 2011 لأفضل مركز خدمة من مراكز خدمة اللوجان .. ادخل وقيم برأيك

**Abdm** · 05-07-2011 07:16 PM

أية يا شباب دة أنتوا فين هما ملاك اللوجان 14 واحد بس هما اللى قاموا بالآستطلاع

وكمان 6 مشاركات فقط دة أية التشجيع دة لآ لآ أنا مش هقدر على كدة طيب ألحقونى بقة علشان هيغمن عليا

هو ما حدش بيروح التوكيل أو مراكز الخدمة يعمل الصيانات الخاصة والضرورية للعربية ولآ أية

لو بتروحوا أماكن تانية غير مراكز الصيانة دية قولونا على مكانها علشان نروح ونعمل زيكم وأكيد هتكون أوفر وأحسن

وعايزين الجميع يشاركوا علشان نوصل للنتائج المرجوة التى يستفيد منها جميع الآعضاء والثواب والآجر من عند الله

وجزاكم الله خيرا

**mosomodo** · 06-07-2011 11:08 PM

المشاركة الأصلية كتبت بواسطة a7madahly

عملت عندهم ايه؟وكانت لصيانه بكام؟
وهل المعامله كويسه؟؟

انا اسف جدا لانى لم ارى سؤالك غير دلوقتى.

1- انا عملت صيانة ال 20000 ب 732جنيه (30-4-2011).
2- غيرت كالون الشنطة لانه كان بيفوت تبع الضمان ببلاش بعد 21يوم لانهم جابوه من بره.
3- انا شارى السيارة 2009 عمله 20000كيلو و جربتهم عشان اللى اشتريت منه كان متابع معاهم - بس عموما معملتهم كويسه و الميزه ان مفيش حجز تروحلهم على طول.
4- بفكر فى الصيانة الجايه اروح العبور للتجربه و المقارنه.

**best2010** · 07-07-2011 02:39 AM

مع الأسف انا اديت صوتى للمقطم عن طريق الخطأ .. و انا كنت اقصد العبور .. انا ان كان علىّ نفسى اقفل فرع المقطم خالص

**Dr_khaled_84** · 17-04-2012 07:05 PM

بالنسبة للأسكندرية

* افضل مركز من ناحية / حسن المعاملة و الاستقبال : مركز خدمة ...... العامرية
* افضل مركز من ناحية / ادراكه وحله لمشاكل السيارة ومعرفة المشاكل الدقيقة الصعبة : مركزخدمة .... سموحة

* افضل مركز من ناحية / تسليم السيارة بعد اجراء الصيانة فى الميعاد المتفق عليه : مركز خدمة .......العامرية

* افضل مركز من ناحية / الاكسسوارات المتاحة فيه : مركز خدمة بصراحة و لا واحد فيهم

* افضل مركز من ناحية / توافر قطع الغيار به لكى لا تسبب عطلة للعميل فى عدم توافرها : مركز خدمة .....العامرية

* افضل مركز من ناحية / تجهيزه باستراحة تتمتع بخدمات (الانترنت + مشروبات مجانية + استراحة مكيف ) لراحةالعميل : مركز خدمة ..... سموحة

* افضل مركز من ناحية / عمل متابعة مع العميل تليفونيا بعد عمل الصيانة لسيارته : مركز خدمة .............العامرية

**mostafamndy** · 18-04-2012 09:20 PM

تعاملت مع المقطم والقطامية ... والقطامية أفضل بكثييييييير ...

**blackhorse123** · 18-04-2012 11:27 PM

توكيل محافظه اسيوط انا بتعامل معاهم كويسين

**Egyzizo** · 20-04-2012 02:17 PM

كنت باعمل صياناتى فى المقطم .. فى الأول ..
كان خنقة وطوابير وتضييع وقت.

بعد كده كملت فى مركز العدوى على طريق المحلة المنصورة
على قد الصيانات ، ممتاز ، رايق ، مابياخدش وقت ، وخدمة راقية.

**Galilioz** · 20-04-2012 11:33 PM

انا عملت 6 صيانه منهم 4 دوريه وواحد لتصليحه مشكلة وواحد لمان الازاز جاله سرطان وكلهم فى المقطم
وراى فرع تعبان بس المتضطر لانه قريب ومش عايز اخرج بره الضمان

**Galilioz** · 20-04-2012 11:36 PM

بس انا شايف ان فيه 7 ما شاء الله مختارين المقطم افضل فرع يبقى العيب فيها انا

**adel_edrees** · 23-09-2012 02:17 PM

حضرتك بتقول 7 مختارين المقطم كأحسن مركز للصيانة أكيد دول يا أما شغالين هناك يا أما أصلا ما عندهمش رينو انا و عن تجربة شخصية بأول و مستعد لأى كلام أتحمل مسئوليته أن مركز المقطم هو علامة سيئة في تاريخ رينو مع الشعب المصرى و أنا نفسى أقابل الكبير هناك بس ما أعرفش أنا حأكلمه أزاى بس أنا في راى و عن تجربة شخصية أنه أسوء مركز للصيانة في جميع أنواع السيارات بما فيهم شركة النصر ورشة غمرة و أنا أشتكتهم لرينو مصر لبل كده , علشان أنا ما بأحبش أعمل مشاكل و أحرق دمى لكن أنا في رأى أننا كلنا لازم نتحد و ماحدش يروح هناك تانى خالص على الأطلاق و نتضامن مع بعض خصوصا أن كل واحد معرض أنه يحصل له اللى حصل لى