يابني ارحمنا بقي
واحشني والله يادكتره
ربنا يهدهالك يارب
عرض للطباعة
يابني ارحمنا بقي
واحشني والله يادكتره
ربنا يهدهالك يارب
اقسم بالله انا ما انا عارف الصبر ده جبتو منيييييييين
والله انا لو مكانك كنت كسرتلهم المركز وكسرت عضمهم ( ومش مشكلة اجبسهم تاني بنفسي وببلاش ) ..... وريحت البشرية منهم ومن مشاكلهم ....
ما علهش انا آسف اني قولت كده بس ده من حبي لييك ومن قرفي من اللي عملوه معاااك ...
ربنا يكون في عونك ... ويعوضك خير ....
المركز ده لازم يتقفل فورا .... حرام يجربو في حاجات الناس اللي دافعين فيها دم قلبهم
عايزيني أبيع التيدا حبيبتي .. دا بُعدكم يا جواسيس الصني :)
دا أنا لو لم أكن تيداويا ... لوددت أن أكون تيداويا
لأن كل اللي بيحصل معيا ده مش عيوب في العربية .. ولكن عيوب في اللي بيتعامل مع العربية
وعلى فكرة بقى أنا كل يوم باقتنع بالتيدا أكتر .. وباقتنع بالعين أكتر وأكتر :)
أمييييييين
تسلم يا سونا يا حبيب قلبي
إنت عارف إنك قاعد جوه قلبي ومفرشح كمان :))
والله والله إنت اللي واحشني يا عم خالد
وفعلا ربنا يهديهالي .. بس هي مين بالظبط ؟
التيدا ولا العين ؟؟؟
إهدى كده يا دكترة وصلي عالنبي .. محدش واخد منها حاجة
والحمد لله على كل حال
واتطمن لو ليا حق .. والله والله هاخده
يعني لما قلتلهم "أنا عارف هاخد حقي ازاي" مكنتش فنجري بق ولا غاوي قرننة
لأ أنا فعلا عارف إن حقي هيجيلي تالت ومتلت ..
لو مش في الدنيا يبقى في الآخرة .. وساعتها هاتمنى إن كل الناس كانت ظلمتني ومخدتش حقي في الدنيا
بس أقولك على سر بقى وماتقلهوش للمركز بتاع طنطا:
أنا مسامح .. ومش عايز منهم حاجة في الدنيا ولا في الآخرة .. لا هما ولا أي حد تاني ظلمني أو حتي هيظلمني
عارف ليه .. طمعان في إن ربنا يقولي أنا سامحتك مع إنك غلطان عشان إنت سامحتهم مع إن هما غلطانين
محدش عارف ممكن الواحد يدخل الجنة على أهون سبب
وبعدين يا دكتره إنت بتقول إنك كنت هتكسر عضمهم وبعدين هتجبسه تاني .. أنا مينفعش معايا الحوار ده
لأنهم مش تخصصي :)))
إهدى كده يا دكترة وصلي عالنبي .. محدش واخد منها حاجة
والحمد لله على كل حال
واتطمن لو ليا حق .. والله والله هاخده
يعني لما قلتلهم "أنا عارف هاخد حقي ازاي" مكنتش فنجري بق ولا غاوي قرننة
لأ أنا فعلا عارف إن حقي هيجيلي تالت ومتلت ..
لو مش في الدنيا يبقى في الآخرة .. وساعتها هاتمنى إن كل الناس كانت ظلمتني ومخدتش حقي في الدنيا
بس أقولك على سر بقى وماتقلهوش للمركز بتاع طنطا:
أنا مسامح .. ومش عايز منهم حاجة في الدنيا ولا في الآخرة .. لا هما ولا أي حد تاني ظلمني أو حتي هيظلمني
عارف ليه .. طمعان في إن ربنا يقولي أنا سامحتك مع إنك غلطان عشان إنت سامحتهم مع إن هما غلطانين
محدش عارف ممكن الواحد يدخل الجنة على أهون سبب
وبعدين يا دكتره إنت بتقول إنك كنت هتكسر عضمهم وبعدين هتجبسه تاني .. أنا مينفعش معايا الحوار ده
لأنهم مش تخصصي :)))[/quote]
ربنا يقوي ايمانك يا د ايهاب ويجعله كله في ميزان حسناتك
والله يا دكتور ايهاب الواحد مش عارف يقولك ايه
ربنا يصبرك
وبخصوص الشيلد, انا اعتقد انه عادى انه يبوظ حاجه وحاجه تانيه شغاله
انا مهندس كهرباء وبتعامل كتير مع معدات ودواير الليكترونيه وسوفت وير لاجهزه تحكم
وبشوف من الهسهس دا كتير, تبقى الحاجه شعاله وزى الفل وفجأه تهيس والارمات وقلق
الحل بقى بسيط جدا لو انت متاكد ان معندكش مشكله فى حاجه يبقى تشيل الفيشه كده بالبلدى يعنى تفصل خالص وتعيد التشغيل زى مانت عملت او انك تشيل القطعه اللى مهيسه وتركبها تانى زى ما حصل معاك فى التوكيل
وعلى فكره لو فى دايره مسئوله عن كذا حاجه او يعنى كذا خرج ممكن جزء منها يبوظ والجزء التانى يفضل شغال بمعنى ان مش شرط علشان الشيلد ده يبوظ انه لازم الكلكس يفصل والماتى فانكشن وغيرها ولكن ممكن حاجه واحده بس هى اللى تفصل, بس ده لو كان نظامه كله دايره كهربيه انا بقول على سبيل المثال.
هى دى مشكلة التكنولوجيا العطل يكون سببه بسيط والحل يمون بسيط بس ابقى قابلنى لما تعرف اصلا السبب ايه.
ترقبوا الحلقة الجديدة اللي التيدا بلعت فيها لسانها
وحلفت ماهي مرجعاه
والشرح هيبقى مدعوم بالصور بإذن الله
بس آخد نفَسي وانزلها على طول
انتظرونا ....
والله مش عارف اقولك ايه
العربية دى علمتك وعلمتنا حاجات كتيير بس تقريبا الكهربا بتاعتك عالية شويه مه التيدا ودا اللى مش مخلى فيه انسجام مع انغام
ياسيدى بيعها وهاتلك صنى كده هتظبط الكهربا معاك
الجزء الثالث
الحلقة الثالثة
طلعي لسانك يا تيدا
في يوم من ذات الأيام روحت للبنزينة بتاعة موبيل اللي عندنا في طنطا
عارفين روحت للبنزينة ليه؟؟
تخيلوا كده روحت في اليوم ده بالذات للبنزينة دي بالذات ليييييه؟
يعني رايح عشان اشتري جوافة؟!!!عشان أفوّل بنزين طبعا .. مش عايزة فكاكة يعني
المهم بعد ما فولت جا الراجل يقفل باب التانك .. الباب مرضاش يقفليحاول معاه كذا مره .. بس الباب كان له رأي آخرمش مقفول يعني مش مقفول
[img2]http://img252.imageshack.us/img252/6396/44118082.jpg[/img2]
قلت اصطبحنا واصطبح الملك لله
طلعت بالعربية عجلتين قدام عشان ماعطلش اللي وراياوقلت أحاول
لقيت اللسان اللي بيشبك في الباب داخل لجوه ومش راضي يطلع ..
[img3]http://img213.imageshack.us/img213/9682/96368402.jpg[/img3]
[img2]http://img267.imageshack.us/img267/1406/90771728.jpg[/img2]
قعدت أحاول معاه وأحايل فيه لحد ربنا ما كرمه ونتعه بالسلامةوقفلت الباب وقفل والحمد لله
طبعا زي ما انتوا عارفين .. القصة عمرها ما بتنتهي معايا بالساهل كده
في يوم تاني من ذات الأيام التانية .. روحت بنزينة التعاون
طبعا عارفين أنا روحت في اليوم ده بالذات للبنزينة دي بالذات لييييه؟
بالظبط .. يا سلام عليكم ... عشان اشتري جوافة طبعا هههههه
المهم بعدما اشتريت الجوا...... قصدي بعد ما فولتجا الراجل يقفل باب التانك .. أتاري الباب لسه مصمم على رأيه الأولاني .. ومش راضي يقفلبس المره دي أنا عارف هاعمل إيه .. شديت اللسان لبره وقفلت الباب
نفس الحوار ده اتكرر في يوم تالت من ذات الأيام
بس المره دي كان في فرق جوهري ومحوري عن المرتين اللي فاتوا
كانت في بنزينة شل :)
طبعا الوضع ده ماينفعش .. اللسان هيفضل يعلق كل مره كده
طب أعمل إيه؟؟؟؟
قلت أحط نقطتين زيت على اللسان عشان يسهل المسائل .. ويخلص المشاكلوفي يوم رابع من تلك الأيام روحت البنزينة عشان أفول ..جا الراجل يقفل الباب .. والباب دماغة ناشفة ومصمم على كلمته .. مش قافل يعني مش قافلطلعت اللسان تاني وقفلت الباب
قلت طب أعمل إيه .. يمكن الزيت اللي حطيته يكون لم تراب خلى اللسان يعلق أكترطب جرب تنضفه بشوية جاز يا معلم
خدت شوية جاز في سرنجة وروحت العيادة بتاعتي وعملت فيها جراح وقعدت أنضف اللسان في فترة العيادة كانت خالية فيها من الزباينوأجرب أدخل اللسان عشان يطلع لوحده .. مفيش فايدة لازم أنا اللي أطلعه بإيدي
أنضف تاني وأجرب .. بردو مفيش فايدة
أنضف تالت وأجرب .. أوببببااااااا
العربية بلعت اللسان كله من لغاليغه باللي حواليه
[img2]http://img822.imageshack.us/img822/3676/26485655.jpg[/img2]
أدخل صابعي وراه عشان أجيبه .. ألمسه بس بيتزق لجوه أكتر
قلت مابدهاش جيبت Artery forceps بتاع الجراحة من العيادة وأحاول أجيبه .. يبعد أكتر
[img2]http://img856.imageshack.us/img856/5561/25622091.jpg[/img2]
قلت وبعدين بقى ؟؟؟أعمل إيه دلوقتي؟؟؟كان لازم أعمل فيه ناصح يعني؟؟؟ .. جيت أكحلها عميتها
طيب أروح لمين عشان يطلع اللسان
أروح التوكيل ..... لأااااااااااااااا
توكيل لأ يعني لأ
هو أنا مابحرّمش؟!!!
قررت أني أكمل نصاحة للآخر .. ويا إما أنا يا إما اللسان النهارده
بس أنا مش عارف الحته اللي فيها اللسان دلوقتي دي تبع إيه بالظبط .. وأوصل لها منين
يا ترى تانك البنزين هيحتاج يتفك ولا إيه النظام؟
قلت أفك الفرش بتاع الشنطة كده وأشوف
كانت أول مره أفك الكلبسات اللي مثبته الفرش ومكنتش أعرف بتتفك ازاي
بس الفكاكة بتخلص كل حاجة
[img2]http://img252.imageshack.us/img252/3448/64431653.jpg[/img2]
[img2]http://img263.imageshack.us/img263/5856/50916849.jpg[/img2]
فكيت الكلبسات وزيحت الفرش ودخلت إيدي .. لقيت سلك طويل وفي آخره اللسان
السلك ده هو اللي موصل اللسان بالدراع اللي بنشده عشان نفتح التانك
[img2]http://img600.imageshack.us/img600/4020/73315664.jpg[/img2]
[img2]http://img707.imageshack.us/img707/2778/77428604.jpg[/img2]
شديت السلك وطلعت اللسان من لغاليغه وبقى بين إيديا وجها لوجه
لقيت المسألة كانت مش محتاجة زيت .. ولا جازالمشكلة كانت إن السوستة اللي بتزق اللسان مش راكبة في مكانها كويس
[img2]http://img39.imageshack.us/img39/4118/26739383.jpg[/img2]
[img2]http://img171.imageshack.us/img171/6134/89762763.jpg[/img2]
ركبتها ببساطة .. ورجعت اللسان مكانه ببساطه .. وقفلت الفرش والكلبسات ببساطة .. وقفلت الباب بمنتهى البساطة
وكله بقى تمام
أفتح وأقفل تاني .. زي الفل
خدت نفَس عميق كده وأنا حاسس بنشوة الانتصار
واخدلي بالك إنت
لأني قبلها على طول كنت حاسس بخيبة الأمل عشان كل ما أكحلها تبوظ أكتربس المهم اللي يضحك في الآخر
هع هع هع هع هع
yyyesss
وقفت بقى وأنا مبسوط من نفسي أتخيل إني كنت روحت بيها التوكيل .. كنت هاضيع يوم بحاله ويقولولي هتدفع كشف كذا ومصنعية كذا وضريبة مبيعات كذا واتفضل حضرتك في الاستراحة وبعدين يقولولي القطعة عايزة تتغير ومش موجودة دلوقتي وهنجيبها بعد أسبوع و... "في جاموسة مستنياك يا دكتور" .. قاطعني صوت البنت اللي شغالة في العيادة صحاني من الحلم اللي كنت بحلمه
سيبت العربية ولسانها اللي بقى تماموروحت للجاموسة لقيت عندها حمى قلاعية ولسانها متدمر
قلت اللهم صلي عالنبي .. هو أنا خريج طب بيطري .... ولا ألسن !!!
اللهم لك الحمد