عاوز اعرف لو حد جرب كاسترول للجين 2
العربية عاملة كام الف
واستخدمه قد ايه ولا كانت مرة وخلاص
و انهى نوع فيهم
وهو زيت حلو للبروتون ولا اايه؟
عرض للطباعة
عاوز اعرف لو حد جرب كاسترول للجين 2
العربية عاملة كام الف
واستخدمه قد ايه ولا كانت مرة وخلاص
و انهى نوع فيهم
وهو زيت حلو للبروتون ولا اايه؟
أنا شغال بيه حاليا, كاسترول ايدج.
أنا جربت زيت التوكيل, فيسكو وبعدين كاسترول...هو احسنهم وبفارق كبير.
عشان اقصر عليك الزيت سلس جدا, مابيسخنش بسهولة, بيستحمل الحرق عادي جدا.
وارجع أقول تاني مابيسخنش بسهولة...أنا ممكن أعمل مشوار بسيط فالحر اللي احنا فيه ده والمروحة متشتغلش ولو اشتغلت بتبرد حبة وتطفي...ده ماكانش بيحصل مع أي زيت قبل كده كان لازم يسخن من أقَل مشوار والمروحة تفضل شغال لحد ماتبطل العربية.
أنا حطيته في صيانة ال 20 وهاغيره على ال 30 إن شاء الله.
الله يطمنك يامعلم انا نفسي اجربه بس كنت خايف
ان شاء الله الصيانة الجاية
انهاردة غيرت الزيت و جبت كاسترول ايدج ب 270 هو
و موضوع المروحة تحديدا ده لاحظته فيه انهاردة
و الى الان ممتاز و هيبان قدام اكتر بس هو عموما مضمون ان شاء الله لانه له سمعة جبارة و كمان محمود اهه مغيره بقاله فترة و عجبه جدا
و هو بيتباع فى اى بنزينة طاقة , وللاسف معظمهم بعيد جدا
بس انا جبته من ورا الشغل عندى فى جاردن سيتى فى هناك مكتب تسويق تبع طاقة فى واحد معرفة شغال هناك لو حد عايز اجيبهوله
كاسترول ايدج زيت تخليقي كامل
بيتغير بعد 15000 كم او سنة ايهما اقرب
انا حاطه لعربيتي وماشي بيه دلوقتي 6800 كم وزي الفل مفيش فيه اي اختلاف خالص
وهتشعروا فعلا بفرق كبير معاه
العربيات اللي موتورها كويس ومتجاوزتش ال 100000 كم يحطوا كاسترول ايدج كويس جدا
اللي تجاوزوا المسافة دي بكتير او الموتور فيه تسريبات زيوت وما شابه هينزل لحجات تانية زي ماجنيتيك او جي تي اكس
فين بالظبط في اكتوبر يا ميدو شكلي هاجربة في الـ 15000 بس انا بروح الصيانة كل خمسة فاجيب اية بالظبط
ان شاء الله هاحطه الصيانة اللى جاية
الواحد محتار جدا فى موضوع الزيوت ده
انهى الاحسن الكاسترول ايدج ولا الايدج الرياضى؟
الايدج الرياضي احسن
بس دا هيعد معاك 20000 كم وانا شايف ان 20000 كم على زيت جوا موتور العربية كتير !
انا فى اى زيت من الاتنين هاسيبه 10000 بس
بس هل ها يفرق فى الاداء
منين من أكتوبر يا شاب زيت الكاسترول
وإيه الفرق بينو وبين زيت فيسكو لأن غيرت الفسكو مرتين وعن تجربتي مع زيت الفسكو إنو رائع
أنا استعملت visco 3000 و 5000 وبعدين كاسترول.
وأنا كنت فاكر إن visco رائع برده, لغاية ماتستخدم castrol.
العربية صوتها هدي أكتر , لدرجة إن واحد قال لي أول مرة أشوف جين 2 صوت موتورها واطي.
السحب بقى ممتع جدا وتحس الدنيا سلسة كده وانسيابية, و ساعة الحرق زي الفل.
الزيت مابيسخنش بسهولة زي visco, بيستحمل درجة حرارة أعلى بكتير. والمروحة بتشتغل أقَل.
بس كده.
http://ew5.earlweb.com/recommendatio...1&vehicle=7101
هو ده ولا اية ..
طب انا علشان هاجيبة .. قولي منين يا ميدو في اكتوبر :)
سؤال انا شايف انه ماجنتيك مش ايدج ممكن يكون علشان 2004 ومدتة 15 الف كحد اقصي .. مافيش منة 5000 كيلوا ولا اية ,, لاني بروح الصيانة كل خمسة
او لو جبتة 10000 هاروح الصيانة عادي بس مش هاغيرة ..
لا ده ايدج يا سامح مش ماجناتيك و اه هو ده الزيت
و استعمله كل 10000 سيبك من اللى مكتوب ده
و عادى متنزلوش فى الصيانة
و فعلا زيت ممتاااااااااااااااز
جرب تتصل بالرقم ده
0222973161 متهيألى ده الموزع فى 6 اكتوبر
يا شباب الايدج بيعد في الموتور 15000 كم او سنة مش 10000 كم خالص
زيت ال 10000 كم هو الماجنيتيك !
السلام عليكم ورحمة الله وبركاته
ياجماعه حد يتأكد من حكاية الزيت دي بالزيت لأني بخاف منه جدا انا بحط توتال 10000 ب 260 جنيه
وكويس جدا انا قرأت مواصفات الزيت كاسترول ايدج وعاجبني مواصفاته بس خايف اجرب بصراحه
لأني كنت كلمت اسلام ويجا قبل كده وعرفت انو كان بيحط زيت فيسكو والموتور افش عنده والعربيه
كانت جين 2 2010
:crying2:
انا برده عاوز احطه فى اللوجان ومش عارف بصراحه
التوكيل بيحط توتال
ايه رايكم
اسلام حالة شاذة يا عمور
اسلام خد خبطة فى اكارتيرة بتاعة الزيت و فضل ماشى بيها اسبوع مشروخة و بتخر زيت فاللى حصل عنده طبيعى و الدليل ان كتير حطوا فيسيكوا منهم انا 3 مرات و حطه فى السيراته و عادى برضه
بس عموما كاسترول احسن منه 100 مرة و من توتال طبعا
و طالما توتال عجبك متغيرش
انا عن نفسى جربت شيل الترا و توتال و فيسيكو 3000 و 5000 و كاسترول و اكتر زيت اللى الاان مريح جدا بالنسبالى كاسترول
أستخدمه مع الساجا يعني على ضمانتكم؟
[justify]
[justify]
[justify]
ايوه علشان كده ياطروق بس هو قاللي بسبب الزيت حتي استغربت قولتله ازاي ده حتي لو كان
الزيت رديئ مش هايخلي الماكنه تقفش بس عاماتا الخيره فيما اختاره الله هو اسلام من زمان مش
حابب صوت الكامبرو اصلا ربنا يباركله فيها ويكفيه شرها , لاكن ياطروق زيت كاسترول كويس معاك
ياعني انا هاسأل عليه في السويس عندي لو موجود ومتوفر التغيره اللي جايه هاحطه وربنا ييسر
الحال اصل انا لقيت الناس كلها بتقول انه مش بيسخن بسرعه وده المطلوب في جو السويس
[/justify]
[/justify]
أنا لسة راجع على الصحراوي, يا جدعان الزيت فعلا باسم الله ما شاء الله عاااااااللللللميييي, أنا كنت بجري مع صاحبي, هو معاه سيراتو كوبيه كنت عمال ألعب معاه بالرابع أجري شوية و استناه واجري تاني و اهدي واجري تاني لحد الريد زون والموتور ما شاء الله استجابة ممتازة.
فعلا صدقوا لما قالوا...It's more than just oil, It's Liquid Engineering :)
أنا رايح بكره أعمل صيانة ال 40000 كم وكنت عاوز أجربه بس مش عارف أشتريه منين؟وأكيد عصام وصفا مش هيبقى عنده الزيت ده.أفيدونى بالله عليكم
انا جبته من جاردن سيتى عند كوبرى قصر النيل
دور فاللينك ده عن الاقربلك
كاسترول مصر
:) صيانة موفقة مبروك مقدما
لو حابب اخلينى فى الزيت اللى بيتغير كل 5000 فى الكاسترول ( زيت معدنى مش تخليقى ) بيبقى اسمه و حد جربه ؟ و بكام ؟
الاحسن احط ايدج ولا ايدج الرياضى
علما ان انا فى الحالتين هاسيبه 10000 او 11000 الف بالكتيرر
ايدج
الرياضح احلى مته بس مش هيفيدك ده عايز سى سى عالى عشان تحس بيه
انما ايدج ممتاز لينا
أنا أشتريته إمبارح من بنزينة طاقه اللى على الدائرى عند مسطرد وروحت بيه على عصام وصفا وعملت الصيانه الحمد لله وأشتريت الزيت الإيدج ب 270 جنيه وإحساسى كده إن الموتور بقى صوته أنعم معرفش بقى هلى ده عشان الزيت لسه جديد ولا هو فعلا زيت كويس؟
عموما أنا شاكر جدا على تعبك معايا.