أرجو إفادتى من كل النواحى مقارنة بين السانديرو والجيز

**hamada211** · 04-07-2011 06:31 PM

انا عاوز اشترى عربية جديدة وهجيبها بالتقسيط من بنك ناصر
أرجو إفادتى من كل النواحى مقارنة بين السانديرو والجيز
انا متردد بين الاتنين جدا
وكل الناس بتقولى ابعد عن الرينو .... مع ان الفرق بين الاتنين حوالى 8 الاف جنيه
انا عاوز اعرف مين افضل

**hamada211** · 05-07-2011 12:09 AM

ارجو اى حد عنده خبره فى السيارات يساعدنى ضرورى عشان انا تعبت

**ahmedmohamed7** · 05-07-2011 01:16 AM

و الله انا تحت امرك فى اى حاجه تخص السانديرو ...بس سامحنى مش هقدر اقارن علشان معرفشى اى حاجة عن الجيتز غير انها فيها موتور عظيم على جسم خفيف شويه بيخليها تطير ما شاء الله :d

**hamada211** · 05-07-2011 01:31 AM

طب بالنسبة للسانديرو ايه رايك فيها
كتوكيل وصيانة وقطع غيار وكل حاجه
انا الناس خوفتنى منها جدا وبصراحه قلقان الواحد مش بيلاقى الفلوس

**ahmedmohamed7** · 05-07-2011 01:47 AM

المشاركة الأصلية كتبت بواسطة hamada211

طب بالنسبة للسانديرو ايه رايك فيها
كتوكيل وصيانة وقطع غيار وكل حاجه
انا الناس خوفتنى منها جدا وبصراحه قلقان الواحد مش بيلاقى الفلوس

مبدايا انا عارف الكلام ده.....جزء منه صحيح و الباقى غير صحيح مثلا قطع الغيار غاليه شويه كلام مظبوط بس مش غليه نار يعنى...اسعار الصيانات هتلاقيها اغلى من غبور شوية بسيطة ....انا عايز اقول ان كل الكلام ده مش هيخلينى ابعد عن عربية معينة انا شيفها كويسة و محترمة و ديه وجهة نظرى

نتكلم عن العربية : انا عامل 8000 كيلو لغاية دلوقتى و الحمد الله العربية زى الفول عندى بس نقطه ان تيل الفرامل بيصفر باستمرار تقريبا

غير كده كلو تمام العربية واسعة و مريحه و شكلها مقبول جدا
التكيف انا مبسوط منو جدا ..اكيد بيسحب و بيضعف من سحب العربية الى حدا ما
العفشة مريحة
الثبات جيد جدا مقارنتا بنفس العربيات الى فى نفس الفئة
الشنطة بـــــــــــــــــــــحر بالنسبة لعربية هاتش
العربية تاخد 5 افراد بالغين مستريحين جدا :)

**ahmedmohamed7** · 05-07-2011 01:48 AM

متاسف مفيش نــــــظام :d

**M.Alaa92** · 05-07-2011 02:42 AM

بص يا باشا السانديرو هى هى اللوجان فى المحرك و العفشة تقريبا بس الاختلاف ف الشكل الخارجى نيجى للجيتز عربية طلقة موتور الانترا 2006 و وزن العربية خفيف عليها فشوف انت محتاج الطلقة ولا محتاج عربية متناسقة عفشة و موتور

**Ghosts** · 05-07-2011 07:15 AM

المشاركة الأصلية كتبت بواسطة hamada211

ارجو اى حد عنده خبره فى السيارات يساعدنى ضرورى عشان انا تعبت

شوف حضرتك ....
مش عيب أن ميكنش عندك خبرة فى العربيات ....
أنا كنت زيك بالظبط ....
دة أنا مكنتش أعرف يعنى أية سى سى ....
بس أنا قريت كتير عن العربيات فى الجرايد ....
وفى المنتدى هنا اللى فعلآ أتعلمت منة حاجات كتير ....

ندخل بقى فى الموضوع ....
الواحد مابيشتريش عربية كل يوم ....
فأنا لو مكانك بصراحة لكنت هشترى دى ولا دى ....
لية بقى ؟
الأتنين صاجهم ضعيف مع موتور قوى و مفيش فيهم عوامل أمان خااااالص ....
وعوامل الأمان دى حاجة مينفعش أن أحنا نتغاضى عنها فى العربية ....
أنا أرشحلك الجين 2 ....
الجيتز المانيوال ب 83000 جنية ....
ليييييييييييييييييييييييي ة ؟؟؟!!!
مش عارف ....

الجين 2 ب 87000 جنية و عربية شيك ....
وأكبر من الجيتز و السانديرو وتناسب أسرة ....
فيها كل عوامل الأمان من فرامل abs & ebd و 2 وسادة هوائية ....
و صاجها ناشف وتقيل ....
أدخل حضرتك على قسم بروتون وشوف أراء أصحاب الجين 2 فى العربية ....
وسع دايرة أختياراتك عشان تختار أنسب حاجة ليك ....
وربنا يوفقك ....

**MOUSTAFA_SAAD** · 05-07-2011 07:45 AM

انا معايا لوجان وهى السانديرو مع اختلاف الشكل
قطع الغيار الاستهلاكيه عاديه جدا ومفيش فرق بينها وبين اى عربيه
زى الفلاتر و السيور والتيل والطنابير و الفوانيس واتنتشرت جامد فى السوق خصوصا للوجان
العربيه واسعه جدا
شنطه كبيره رغم انها هاتش باك وبنفس حجم شنطة اللانوس تقريبا
عاليه عن الارض ومحكتشى منى قبل كده
ثبات ممتاز رغم ان العربيه عاليه
توكيل يعتبر احسن توكيل فى مصر

مقابل كده
دركسيون البارور بتاعه مش ناعم اوى
ممكن تحس ان العربيه مش ناعمه مجملا زى الكورى فى كل حاجه بس يعنى الاحساس ده بيختلف من واحد للتانى بالنسبه ليا مش عامل مشاكل لانى متعود على الفرنساوى

اما الجيتز فمش عارف عنها اى حاجه
وادخل كل قسم واعرف مميزات وعيوب كل عربيه من موةاضيع الاعضاء بنفسك من غير ماتسال فى موضوع جديد لان كل واحد بيشكر فى عربيته وخلاص

**ahmedmohamed7** · 05-07-2011 06:59 PM

المشاركة الأصلية كتبت بواسطة ghosts

شوف حضرتك ....
مش عيب أن ميكنش عندك خبرة فى العربيات ....
أنا كنت زيك بالظبط ....
دة أنا مكنتش أعرف يعنى أية سى سى ....
بس أنا قريت كتير عن العربيات فى الجرايد ....
وفى المنتدى هنا اللى فعلآ أتعلمت منة حاجات كتير ....

ندخل بقى فى الموضوع ....
الواحد مابيشتريش عربية كل يوم ....
فأنا لو مكانك بصراحة لكنت هشترى دى ولا دى ....
لية بقى ؟
الأتنين صاجهم ضعيف مع موتور قوى و مفيش فيهم عوامل أمان خااااالص ....
وعوامل الأمان دى حاجة مينفعش أن أحنا نتغاضى عنها فى العربية ....
أنا أرشحلك الجين 2 ....
الجيتز المانيوال ب 83000 جنية ....
ليييييييييييييييييييييييي ة ؟؟؟!!!
مش عارف ....

الجين 2 ب 87000 جنية و عربية شيك ....
وأكبر من الجيتز و السانديرو وتناسب أسرة ....
فيها كل عوامل الأمان من فرامل abs & ebd و 2 وسادة هوائية ....
و صاجها ناشف وتقيل ....
أدخل حضرتك على قسم بروتون وشوف أراء أصحاب الجين 2 فى العربية ....
وسع دايرة أختياراتك عشان تختار أنسب حاجة ليك ....
وربنا يوفقك ....

كلام حضرتك هايل و متفق معاك تماما :)
عوامل الامان رقم واحد فى اختيارى للعربية :)
بس بالنسبة ليا السانديرو كانت ب 75000 جنية يعنى بعيده عن سعر الجين و الصنى.......بس السانديرو فيها ايرباج لعلم حضرتك مش فاضية قوى يعنى :d

الموضوع: أرجو إفادتى من كل النواحى مقارنة بين السانديرو والجيز

LinkBack

أدوات الموضوع

عرض

-

-

-

-

-

-

المواضيع المتشابهه

أرجو الأفادة فى مقارنة بين اللوجان والأفيو...أرجو مشاركة أكبر عدد

ايهما تفضل (جين 2 - نيو اكسنت) من كل النواحى

إلى كل محبى وعشاق البيجو 505 أرجو إفادتى

أرجو رأى الخبراء مقارنة بين بريميرا-f3-لانوس

أرجو إفادتى فى شراء ميجان 2005 أو 2006

الكلمات الدلالية لهذا الموضوع

المفضلات

المفضلات

ضوابط المشاركة