موعد المقابلة القادمة الجمعة 15يوليو2011 بإذن الله الكل ينورنا

السلام عليكم ورحمة الله وبركاته



السادة الأفاضل



أعتقد آن الأوان للقاء القادم ونتمني الجميع يشرفونا سواء من مالكي الجميلة BYD أو من معجبينها

إن شاء الله اللقاء القادم يكون يوم السبت 10/7/2011 وبمكان تجمعنا المعروف للجميع وهو البارك العلوي لكارفور سيتي سنتر - المعادي وياريت يا جماعة بجد تنورونا كلكم وفيه مفاجآت جميلة :36_1_40[1]: إن شاء الله للسادة الحضور

والمرة دي حنجمع أصوات الناس اللي جايين فقط إن شاء الله وبنأكد اللي جايين فقط علشان المفاجآت حتكون علي قدر العدد المتواجد فقط

لذلك كل من ينوي الحضور يؤكد معانا يا جماعة علشان نرتب نفسنا

وأحب أنبهكم إن المقابلة حيتم فيها الحدث الهام جدا وهو تسليم السيد /باسم ziabassem الجائزة التي فاز بها في موضوع سابق عن جدارة وبهذه المناسبة فعليه تجميع أكبر قدر ممكن من الأعضاء بما لا يقل عن 3458965459.14 عضو علشان يقدر يستلم الهدية اللي فاز بيها :E_braces[1]:

وبخصوص المفاجاة الموجودة في الموضوع اللي كنا أعلنا عنه من قبل:-

http://www.nilemotors.net/Nile/227867-byd.html

سوف يتم الإعلان عنها للحاضرين هذا اللقاء فقط فبادر بحجز مقعدك فالأماكن محدودة




إلي أن ألتقي بكم جميعا إن شاء الله خالص تحياتي للجميع

تم تغير تاريخ المقابلة فى العنوان الرئيسى للموضوع

مشرف7ب
14/7/2011
2.33am

اقتباس:

---

المشاركة الأصلية كتبت بواسطة sv065

السلام عليكم ورحمة الله وبركاته



السادة الأفاضل



وعليكم السلام ورحمة الله وبركاته
أعتقد آن الأوان للقاء القادم ونتمني الجميع يشرفونا سواء من مالكي الجميلة byd أو من معجبينها
نحن لها ان شاء الله:16::16:

إن شاء الله اللقاء القادم يكون يوم السبت 10/7/2011 وبمكان تجمعنا المعروف للجميع وهو البارك العلوي لكارفور سيتي سنتر - المعادي وياريت يا جماعة بجد تنورونا كلكم وفيه مفاجآت جميلة :36_1_40[1]: إن شاء الله للسادة الحضور

باشا يوم السبت هيوافق 9 يوليو واقل من بي واي دي اتوماتيك مش هقبل
فارجو تاكيد التاريخ والساعة
ههههههههههههههههههههه
والمرة دي حنجمع أصوات الناس اللي جايين فقط إن شاء الله وبنأكد اللي جايين فقط علشان المفاجآت حتكون علي قدر العدد المتواجد فقط

ان شاء الله معاكم عشان نفسي اتشرف بمعرفتكم و عشان كمان محتاج رايكم في شوية حاجات في السيارة بتاعتي
لذلك كل من ينوي الحضور يؤكد معانا يا جماعة علشان نرتب نفسنا

وأحب أنبهكم إن المقابلة حيتم فيها الحدث الهام جدا وهو تسليم السيد /باسم ziabassem الجائزة التي فاز بها في موضوع سابق عن جدارة وبهذه المناسبة فعليه تجميع أكبر قدر ممكن من الأعضاء بما لا يقل عن 3458965459.14 عضو علشان يقدر يستلم الهدية اللي فاز بيها :e_braces[1]:

اعتقد انه شرط تعجيزي للتنصل من تسليم الجايزة للاستاذ باسم عشان 3458965459 وفهمناها ومفيهاش مشكلة تضامنا مع استاذ باسم هنجيب الي في كارفور والي علي الدائري ويمكن ندعو لمليونية تسليم الجائزة وان شاء الله يكمل العدد بس ازاي هنجيب 0.14 :36_1_50[1]::oops1:
وبخصوص المفاجاة الموجودة في الموضوع اللي كنا أعلنا عنه من قبل:-

كلنا شوق لهذه المفاجاءة ويارب خير ان شاء الله وتكون علي مقدار التشويق والاثارة الي حضرتك عملها
هههههههههههههههههههههه
http://www.nilemotors.net/nile/227867-byd.html

سوف يتم الإعلان عنها للحاضرين هذا اللقاء فقط فبادر بحجز مقعدك فالأماكن محدودة




ممكن تحجزلي في اول صف تاني كرسي علي يمين المنصة لو سمحت
إلي أن ألتقي بكم جميعا إن شاء الله خالص تحياتي للجميع

---

الي القاء ووعو تروحو في اي حتة :b4_611::16:

أمسك .. وعندك واحد مقابلة مع الناس الجميلة أصحاب الجميلة .. سجل يا زمان .. سجل يا تاريخ .. أخيراً وليد باشا حيسلمني الجايزة بتاعتي (كيس الشيبسي بالجبنة) .

وبعدين مفاجآت أيه بس اللي حتكون على عدد الموجودين .. حتدي كل واحد بالونة ولا أيه النظام ؟!!

وبالنسبة للعدد مش مشكلة خالص عندي .. هو فاكر يا حسام باشا أنه حيعجزني .. ميعرفش أني ممكن ألمله ناس من على الدائري زي ما بتقول .. وهي ديتها حعمل ورق وأوزعه على أول الدائري أن كارفور بيوزع شاي وسكر ورز ببلاش بمناسبة شهر رمضان في الدور التاني من البارك .. وحديهم أسمه ومواصفاته وأقولهم أن هو ده المسئول عن التوزيع .. واستحمل بقى يا عم هههههههههه .

نتكلم جد شوية بقى يا وليد باشا .. أنا حكلم الجرايد والصحف علشان تيجي تصور وأنت بتسلمني الجايزة (مفتاح العربية الأتوماتيك) ويكتبوا تحت الصورة "وقد قام السيد منسق القسم الصيني الأستاذ/ وليد بتسليم الجائزة للفائز" .. وميقولوش أسمي ههههههههههههه

بس أنت محددتش الساعة .. والتاريخ السبت هو 9 / 7 / 2011 .. زي ما قال حسام بيه .

يا باسم ... على فكرة استاذ/ وليد نفسة يعرف المفاجئة هو كمان ... وعلشان كدة مش مركز خالص ... السبت يبقى 9/7 ... وكمان نسى يكتب توقيت المقابلة ... وكمان الرقم اللى هو كاتبة لعدد الناس شرط استلامك الهدية ... ممكن يكون رقم الشغل عندة بس هو مش مركز خالص ..... اعزروة يا جماعة نفسة يعرف المفاجئة ... هههههههههههههه
بس ماتقلقش يا باسم انا هاجبلك رقم الشغل عندى ... قصدى 3676669215 بنى ادم ... يعنى ممكن تستلم جايزتين "" كيسين شيبسى ""

اولا انا معاك يا معلم في اي وقت ثانيا يا عم ايهاب نفسي بعد كل ده في الاخر تيجي:untitled 1:

سجل أنك جاي يا عم أيهاب .. وعارف لو مجتش حــ :beatbrick: .

وبعدين حتبقى مصيبة لو وليد مش عارف المفاجأة .. ويجي يقولنا مفاجأة أيه وهدايا أيه أنا معرفش حاجة وزي زيكم .. ههههههههههههه

واحتمال كمان يبقى فيه ضيف شرف من قسم تاني (مش أنا طبعاً) .. شخصية قمة في الاحترام وأعتقد الكل حيبقى حابب يتعرف عليها .

انتوا مصرين على يوم السبت :d
انا من اشد معجبين العربية دي الحقيقة
طيب هيبقا الساعة كام يا شباب ؟!
ان شاء الله بنسبة كبيرة جدا جاي
حددوا التوقيت وعلى أساسه هقلكم انا جاي ان شاء الله اكيد

إن شاء الله انا جاى المقابلة ... وبسجل اسمى يا باسم اهو ...

اقتباس:

---

المشاركة الأصلية كتبت بواسطة ashraf_ibrahim

انتوا مصرين على يوم السبت :d
انا من اشد معجبين العربية دي الحقيقة
طيب هيبقا الساعة كام يا شباب ؟!
ان شاء الله بنسبة كبيرة جدا جاي
حددوا التوقيت وعلى أساسه هقلكم انا جاي ان شاء الله اكيد

---

حتنورنا يا باشا والله .

اقتباس:

---

المشاركة الأصلية كتبت بواسطة ehabpopo

إن شاء الله انا جاى المقابلة ... وبسجل اسمى يا باسم اهو ...

---

أوك يا باشا .. ويا ريت "تبصم" كمان جنب التوقيع زيادة في التوكيد .. علشان مبقتش أضمنك بصراحة .

السلام عليكم ورحمة الله


أنا سعيد جدا بتفاعلكم الجميل ده

ومعذرة ظروف الشغل عندي الفترة الحالية مش مدياني فرصة أستريح خالص لكن التاريخ المظبوط السبت 9/7/2011 زي ما انتم وضحتم فشكرا لكم جميعا وأتمني تعذروني لإجهادي الشديد الفترة دي



والتوقيت بإذن الله زي كل مرة الساعة 2.00 بالبارك العلوي لكارفور المعادي حنتجمع كلنا لأن التوقيت ده بيكون البارك العلوي شبه فاضي وفي فرصة نتجمع بعربياتنا كلنا غير باقي الأوقات ممكن يكون زحمة


وبخصوص يوم السبت معذرة إذا كان مش مناسب لأحد لكن هو اليوم الغالب فيه إمكانية إن الناس أجازة فرجاء الجميع يشرفونا بالحضور


وطبعا المفاجآت مش حتبقي مفاجآة لو قلنا لكم عليها دلوقت... بس ما تقلقش ياباسم البلونة ... قصدي الجايزة حتعجبك جدا بس ماتنساش العدد المطلوب عشان تاخد البلونة... قصدي الجايزة الكبري


وإيهاب باشا أتمني فعلا أتشرف بلقائك بك منذ فترة فياريت ما تخيبش ظني أنا والزملاء الأعزاء وتنورنا إن شاء الله


شكرا لكل من أكد الحضور إن شاء الله وأرجو ياجماعة باقي الناس تأكد الحضور إذا كانت جاية[/b][/b][/b][/size]

انا هكون في المنوفية
بس ان شاء الله هحاول اجيلكم في المعاد باذن الله
ان شاء الله انا معاكم في اللقاء دا يا شباب

فى البداية انا بوجه شكرى الخاص لباسم حبيبى قلبى .. الراجل المحترم وصاحب الاخلاق العالية على دعوته ليه لحضور المقابلة الجميلة دى ..

اللى انا واثق انها حتكون مقابلة جميلة باذن الله بالصحبة والناس المحترمة اللى فيها

بس المشكلة ان فى اليوم ده عندى شغل وبخلص شغلى اخر النهار .. فمش عارف ظروفى ايه .. فممكن اعرف انتوا قاعدين للساعة كام .. عشان حتى لو حاولت استاذن واجيلكم .. بس المشكلة مش حيكون قبل الساعة 5

فعشان كدا عاوز اعرف بس انتوا قاعدين لامتى .. عشان نفسى اجى واتشرف بيكم

تقبلوا تحياتى

ومتجمعين فى الخير دايما

بعد أذن وليد باشا رغم أني في قمة الاحراج ومش عاوز أعمل بلبلة .. أن شايف أن يوم السبت ممكن ميكونش مناسب لناس كتير .. وأن أفضل يوم هو الجمعة (اليومين مناسبين ليه على فكرة) علشان يبقى فيه أكبر قدر متجمع من الناس .. وأقترح تأجيل المقابلة للجمعة اللي بعديها 15 / 7 / 2011 . علشان ندي أكبر قدر من الناس أنها تيجي وترتب أمورها .

اقتباس:

---

فى البداية انا بوجه شكرى الخاص لباسم حبيبى قلبى .. الراجل المحترم وصاحب الاخلاق العالية على دعوته ليه لحضور المقابلة الجميلة دى ..

اللى انا واثق انها حتكون مقابلة جميلة باذن الله بالصحبة والناس المحترمة اللى فيها

بس المشكلة ان فى اليوم ده عندى شغل وبخلص شغلى اخر النهار .. فمش عارف ظروفى ايه .. فممكن اعرف انتوا قاعدين للساعة كام .. عشان حتى لو حاولت استاذن واجيلكم .. بس المشكلة مش حيكون قبل الساعة 5

فعشان كدا عاوز اعرف بس انتوا قاعدين لامتى .. عشان نفسى اجى واتشرف بيكم

تقبلوا تحياتى

ومتجمعين فى الخير دايما

---

ربنا يخليك يا أحمد باشا على المجاملة الظريفة دي .. وحكون سعيد لو قدرت تيجي سواء في الميعاد الجديد أو الميعاد الحالي ومتأكد أن الناس كلها حتكون عندها نفس الشعور ده .. لأنك فعلاً أنسان فوق الوصف ومفيش كلام يوفي حقك .

[QUOTE=ziabassem;3873638052]بعد أذن وليد باشا رغم أني في قمة الاحراج ومش عاوز أعمل بلبلة .. أن شايف أن يوم السبت ممكن ميكونش مناسب لناس كتير .. وأن أفضل يوم هو الجمعة (اليومين مناسبين ليه على فكرة) علشان يبقى فيه أكبر قدر متجمع من الناس .. وأقترح تأجيل المقابلة للجمعة اللي بعديها 15 / 7 / 2011 . علشان ندي أكبر قدر من الناس أنها تيجي وترتب أمورها .

وانا ايضا مؤيد لهذا الاقتراح من اخونا باسم :oops1::oops1::16:ولو ان الاعلان عن المفاجأ’ هيتأخر بس مافيش مشكلة عشان نشوف اكبر عدد من احبائنا في المنتدي
وبالمرة اكون جبت الخوذة وجددتها ورشتها فرن ورخصتها 3 سنين وضبط التكييف وغيرتيلها زيت بس تفتكرو يتحتلها زيت تخليقي والا معدني وانفخها علي كام :B4_611::36_1_50[1]::bird2:
ههههههههههههههههههههههههه ههههه

الحمد لله أنك من المؤيدين لي :w6266d ومكنتش لا سمح الله من المعارضين :khd:

بالنسبة لسؤالك عن نوعية الزيت إذا كان تخليقي ولا معدني .. ده بيتوقف على دماغك عامله كام كيلو (لسه بتلين ولا خلاص فتحتها) .. وكذلك الحالة العامة للنافوخ والمخيخ .. هههههههههههههه حبيبي والله يا حسام باشا .

عاوزين ناخد الأراء يا جماعة بسرعة .. والرأي في الأول والأخر لوليد باشا صاحب الدعوة في تحديد الميعاد النهائي .

السلام عليكم ورحمة الله



إخواني الأعزاء لا يوجد أي إحراج مطلقا بالعكس ...لقائنا مش مجرد كشف حضور وإنصراف إحنا عاوزين اللقاء يكون فيه كل الحبايب وطالما أن الموعد المناسب لكم الجمعة يبقي مافيش أي مشكلة إختيار موفق بإذن الله وكمان علشان تكون فرصة نتشرف بأحبائنا الأفاضل خاصة العزيز علينا جميعا ahmed.tv وكذلك </B>hossam165 وأيضا </B>Ashraf_Ibrahim وكل السادة الأفاضل اللي دايما بنقرأ كلامهم الجميل ونفسنا نلتقي وجها لوجه معاهم.


ودعوة شرفية خاصة جدا لـ د/ المناهري يارب يلبي ندائنا وينورنا



وكما تفضلون الموعد الجديد

الجمعة التالية 15/7/2011 في نفس المكان إن شاء الله بعد صلاة الجمعة الساعة 2.00




وإلي أن نراكم علي خير تحياتي للجميع

انا سعيد جدا ان الموعد اتأجل ليوم الجمعة القادمة 15/7/2011
بصراحة كنت شايل هم الرجوع من المنوفية في الموعد المحدد لأني اساسا هناك بحضر فرح ابن عمي فبالتالي مكانش هينفع امشي قبل ما نباركله في الصباحية وكدة
ان شاء الله انا معاكم في الموعد الجديد يوم الجمعة ودا بنسبة اكيدة باذن الله
هتشرف بلقاء العديد من الجميلات البي واي دي التي احبها جدا ولكن لم يتسنى لي الاقتراب منها وجها لوجه لأني دايما بقابلها تاكسي وصعب ان الواحد يقرب من تاكسي فيهم والا السواق هيقطعه اساسا
هههههههههههههههههههههه
والاهم من ذلك اني اتشرف بالأعضاء المحترمين اللي الواحد فعلا يتشرف انه يتعرف عليهم

اقتباس:

---

المشاركة الأصلية كتبت بواسطة Ashraf_Ibrahim

انا سعيد جدا ان الموعد اتأجل ليوم الجمعة القادمة 15/7/2011
بصراحة كنت شايل هم الرجوع من المنوفية في الموعد المحدد لأني اساسا هناك بحضر فرح ابن عمي فبالتالي مكانش هينفع امشي قبل ما نباركله في الصباحية وكدة
ان شاء الله انا معاكم في الموعد الجديد يوم الجمعة ودا بنسبة اكيدة باذن الله
هتشرف بلقاء العديد من الجميلات البي واي دي التي احبها جدا ولكن لم يتسنى لي الاقتراب منها وجها لوجه لأني دايما بقابلها تاكسي وصعب ان الواحد يقرب من تاكسي فيهم والا السواق هيقطعه اساسا
هههههههههههههههههههههه
والاهم من ذلك اني اتشرف بالأعضاء المحترمين اللي الواحد فعلا يتشرف انه يتعرف عليهم

---

الف الف مبروك وعقبال كل العزاب

وماتقلقش بإذن الله حتشوف جميلات أشكال والوان بس انت خلي بالك الشرع بقول مش اكتر من 4 :E_braces[1]:

اقتباس:

---

المشاركة الأصلية كتبت بواسطة sv065

السلام عليكم ورحمة الله



إخواني الأعزاء لا يوجد أي إحراج مطلقا بالعكس ...لقائنا مش مجرد كشف حضور وإنصراف إحنا عاوزين اللقاء يكون فيه كل الحبايب وطالما أن الموعد المناسب لكم الجمعة يبقي مافيش أي مشكلة إختيار موفق بإذن الله وكمان علشان تكون فرصة نتشرف بأحبائنا الأفاضل خاصة العزيز علينا جميعا ahmed.tv وكذلك </b>hossam165 وأيضا </b>ashraf_ibrahim وكل السادة الأفاضل اللي دايما بنقرأ كلامهم الجميل ونفسنا نلتقي وجها لوجه معاهم.


ودعوة شرفية خاصة جدا لـ د/ المناهري يارب يلبي ندائنا وينورنا



وكما تفضلون الموعد الجديد

الجمعة التالية 15/7/2011 في نفس المكان إن شاء الله بعد صلاة الجمعة الساعة 2.00




وإلي أن نراكم علي خير تحياتي للجميع

---

شكراً لتفهمك يا وليد باشا .:16:

ويا رب يكون الميعاد مناسب لدكتور / المناهري علشان يقدر يجي ويشرفنا .

اقتباس:

---

المشاركة الأصلية كتبت بواسطة sv065

الف الف مبروك وعقبال كل العزاب

وماتقلقش بإذن الله حتشوف جميلات أشكال والوان بس انت خلي بالك الشرع بقول مش اكتر من 4 :E_braces[1]:

---

الله يبارك فيك يا صديقي
يارب عقبال كل العزاب بس يتمتعوا بالجواز ميكونش شر لابد منه
ههههههههههههههه

اما عن الشرع ففعلا 4 بس انت نسيت وما ملكت أيمانكم ;lol: :grin54:

انا كل الي بطلبه اننا نصلي الجمعه في الجامع الي قبل كارفور ونتقابل هناك علي الساعه 1 عشان نلحق نقعد قبل ما الشمس تشد علينا لام خلو بالكو احنا بدأنا ندخل في التوقيت الطبيعي للصيف حيث ان درجه الحراره النهارده 40 وخصوصا المكان الي احنا رايحينه مفيش بينه وبين الشمس ساتر ربنا يقينا حر يوم القيامه ولكم مني اطيب المني وشكرا

أنا معاكو إن شاء الله

من واحدة لأتنين يا قلبي لا تحزن .. مش حيبقى فيه فرق في حرارة الشمس .. بس حلاوة المقابلة حتقلل الشعور ده إن شاء الله .

اقتباس:

---

المشاركة الأصلية كتبت بواسطة ziabassem

بعد أذن وليد باشا رغم أني في قمة الاحراج ومش عاوز أعمل بلبلة .. أن شايف أن يوم السبت ممكن ميكونش مناسب لناس كتير .. وأن أفضل يوم هو الجمعة (اليومين مناسبين ليه على فكرة) علشان يبقى فيه أكبر قدر متجمع من الناس .. وأقترح تأجيل المقابلة للجمعة اللي بعديها 15 / 7 / 2011 . علشان ندي أكبر قدر من الناس أنها تيجي وترتب أمورها .

ربنا يخليك يا أحمد باشا على المجاملة الظريفة دي .. وحكون سعيد لو قدرت تيجي سواء في الميعاد الجديد أو الميعاد الحالي ومتأكد أن الناس كلها حتكون عندها نفس الشعور ده .. لأنك فعلاً أنسان فوق الوصف ومفيش كلام يوفي حقك .

---

يا باسام .. كدا حزعل منك .. بقا انت تعرف عنى انى من الناس المجاملة ..

وصفى ليك صدقنى ظالمك كمان .. لانك حقيقى من الشخصيات المحترمة جداااا .. ومن الناس اللى الواحد لازم يتعرف عليها ويكسبها فى الحياة .. والواحد سعيد بالمقابلة الجميلة دى .. اللى حيتشرف فيها بمعرفتك وبمعرفة كل الاعضاء المحترمين جدا عندكم

ومستنين يوم الجمعة الجاية بفارغ الصبر باذن الله

تحياتى ليك يا اهلاوى ياغالى

اقتباس:

---

المشاركة الأصلية كتبت بواسطة sv065

السلام عليكم ورحمة الله



إخواني الأعزاء لا يوجد أي إحراج مطلقا بالعكس ...لقائنا مش مجرد كشف حضور وإنصراف إحنا عاوزين اللقاء يكون فيه كل الحبايب وطالما أن الموعد المناسب لكم الجمعة يبقي مافيش أي مشكلة إختيار موفق بإذن الله وكمان علشان تكون فرصة نتشرف بأحبائنا الأفاضل خاصة العزيز علينا جميعا ahmed.tv

---

تسلم يا فندم على تقديرك الغالى وعلى محبتك لكل الناس اللى بتنم عن شخصية حضرتك الطيبة وروحك الجميلة

وفعلا حقيقى الواحد حيكون سعيد جدا بوجوده معاكم باذن الله

وان شاء الله نتشرف بمعرفة حضرتك

وتقبلوا وافر التحية والتقدير للجميع

ازيكوا يا جماعة انا ان شائ الله اكيد معاكو بدام يوم الجمعة علي فكرة انا لسه مستلم عربية بي واي دي اف 3 اتوماتيك و اتمني اني اتعرف بيكوا جميعا ان شاء الله .... و ان شاء اللع اتعرف بالناس الجميلة دي

اقتباس:

---

المشاركة الأصلية كتبت بواسطة ahmed.tv

يا باسم .. كدا حزعل منك .. بقا انت تعرف عنى انى من الناس المجاملة ..

وصفى ليك صدقنى ظالمك كمان .. لانك حقيقى من الشخصيات المحترمة جداااا .. ومن الناس اللى الواحد لازم يتعرف عليها ويكسبها فى الحياة .. والواحد سعيد بالمقابلة الجميلة دى .. اللى حيتشرف فيها بمعرفتك وبمعرفة كل الاعضاء المحترمين جدا عندكم

ومستنين يوم الجمعة الجاية بفارغ الصبر باذن الله

تحياتى ليك يا اهلاوى ياغالى

ربنا يخليك يا أبو حميد ومنحرمش من ذوقك وأخلاقك أبداً .:ask:

وبلاش نكش بقى في موضوع الأهلي ده علشان فيه اتنين ممكن يزعلوا مننا ودايماً كابس على نفسهم والعملية مش حتستحمل اتنين وكفاية أنا عليهم .. وخاصة وأن الجرح جامد قوي .. عاوزك تتخيل أنك جعان وخلاص اللقمة في بقك .. ويجي واحد يعكنن عليك وياخدها منك .. متبقاش قاسي كدة وقلبك أسود . هههههههههههه


تسلم يا فندم على تقديرك الغالى وعلى محبتك لكل الناس اللى بتنم عن شخصية حضرتك الطيبة وروحك الجميلة

وفعلا حقيقى الواحد حيكون سعيد جدا بوجوده معاكم باذن الله

وان شاء الله نتشرف بمعرفة حضرتك

وتقبلوا وافر التحية والتقدير للجميع
أنا متأكد من كدة إن شاء الله .. ووليد من الشخصيات الهادية والجميلة بالإضافة إلى الخبرة في مجال السيارات .

---

اقتباس:

---

المشاركة الأصلية كتبت بواسطة techno

ازيكوا يا جماعة انا ان شائ الله اكيد معاكو بدام يوم الجمعة علي فكرة انا لسه مستلم عربية بي واي دي اف 3 اتوماتيك و اتمني اني اتعرف بيكوا جميعا ان شاء الله .... و ان شاء اللع اتعرف بالناس الجميلة دي

---

ألف مبروك على السيارة وربنا يبارك ليك فيها ويبعد عنك كل شر .. وحيكون لينا الشرف بمعرفة حضرتك .. وإن شاء الله تستمتع بالمقابلة وتستفيد من الخبرات المتبادلة بين الأعضاء .

اقتباس:

---

المشاركة الأصلية كتبت بواسطة ziabassem

من واحدة لأتنين يا قلبي لا تحزن .. مش حيبقى فيه فرق في حرارة الشمس .. بس حلاوة المقابلة حتقلل الشعور ده إن شاء الله .

---

السلام عليكم
يا اخي كفاية بقى حتى الحرارة والتكييف بتعاكس الاستاذ ايمن فيها دي حاجة:crying2::crying2:
انشاء الله احاول ان نتقابل فبي الموعد

ان شاء الله معاكم الجمعة القادمة ...

اقتباس:

---

المشاركة الأصلية كتبت بواسطة ziabassem

الحمد لله أنك من المؤيدين لي :w6266d ومكنتش لا سمح الله من المعارضين :khd:

اللهم لك الحمد يا عم انا عاوز اربي عيالي وافرح بيهم :untitled 1::b4_611::crying2:
خلينا ماشيين جنب الحيط احسن ههههههههههههههههههههههههه هههههههههههههه

بالنسبة لسؤالك عن نوعية الزيت إذا كان تخليقي ولا معدني .. ده بيتوقف على دماغك عامله كام كيلو (لسه بتلين ولا خلاص فتحتها) .. وكذلك الحالة العامة للنافوخ والمخيخ .. هههههههههههههه حبيبي والله يا حسام باشا .

بص هو معايا بقالو 35 سنة والحمد لله لينت وفتحته وقرصت عليه كمان وحملته في بعض الاوقات اكثر من طاقته والحمد والشكر لله لم يخزلني :16::16::glasses12:
اما بالنسبة للحالة العامة هو مش راشش جوه والا بره لسه بالفبريكة
ههههههههههههههههههههههههه هههههههههههه
والله وانت كمان حبيبي

عاوزين ناخد الأراء يا جماعة بسرعة .. والرأي في الأول والأخر لوليد باشا صاحب الدعوة في تحديد الميعاد النهائي .

---

ان شاء الله معاكم في اي موعد يتم تحديده لاني محتاج مشورتكم جدا في بعض الاشياء الخاصة بسيارتي

للرفع والتأكيد النهائي على حضور المقابلة إن شاء الله يوم الجمعة 15 / 7 / 2011 الساعة 2 بعد صلاة الظهر في الدور التاني من بارك كارفور المعادي .

اعتذر عن الحضور يا شباب لضروف قهرية تضطرني للذهاب للمنوفية اليوم
كان نفسي بصراحة احضر المقابلة دي واتشرف بالناس الجميلة دي
فرصة تانية ان شاء الله

تتعوض في المرة اللي بعديها .. ولو كان نفسنا نتعرف عليك يا باشا .. بس للضرورة أحكام .. وتروح وتيجي بالسلامة إن شاء الله .

في إنتطاركم ياشباب بإذن الله تعالي غدا إن شاء الله الجمعة 15/7/2011 الساعة 2 بعد صلاة الجمعة ببارك كارفور العلوي

نلقاكم علي خير