بسم الله الرحمن الرحيم
قبل ماحد يضرب او يشتم :beatdeadhorse5: ويقولي حرام عليك شوهت سمعة بروتون والواجا احب اقولكم ان التجربة كانت مبهرة بصراحة
كنت بصلي الفجر في الحسين امبارح وكانت الساعة 4 ونص تقريبا وصلاح سالم طبعا فاضي جدا
المهم كان صحبي معاه جيتز مانوال وانا واجا اوتو وكان معايا 2 في العربية وهو كان معاه واحد وكان معانا صاحبنا معاه ميجان 1 مانوال وكان معاه واحد برده
الطريق كان فاضي جدا ومفيش اي حد وقفنا على جنب احنا ال3 وابتدا السباق
الجيتز طبعا تتفوق في الطلعة وبعديها الميجان وبعديها العبد لله
على سرعة 40 عديت الميجان وكانت الجيتز قدامي والفرق بيزيد لحد ماجبت 80 وكان صديقي ابو ميجان ورا بكتير والجيتز لسة قدامي وبداء اقرب منه
مع سرعة 110 الفرق بيني وبينه بقى عربية ونص وكمان الفرق بيقل
مع ال 140 كنت خلاص جبت الرفرف بتاه الامامي والميجان طبعا ورا ومشفتهاش تاني
150 اتساويت انا وهو وكنا هدينا علشان الكوبري قرب مننا
طبعا انا مش عامل التجربة دي علشان اقول ان الجيتز وحشة لا بالعكس العربية دي مجرمة اوي اوي بس في الطلعة بس بعد ال 80 بتبقى بطيئة شوية في التسارع عكس الواجا او البروتون عمتا بتبقى طلعتها بطيئة بس بعد كدة بتفتح
وبصراحة انا مليش في الشد وكدة بس قولت اجرب بما ان الطريق كان فاضي وبالمرة اجرب عربيتي علشان بقالي كتير مسقتهاش
قبل السباق كنت عارف ومتاكد ان الجيتز هتطلع بسهولة بس كل اللي كان هاممني هو على السرعة العالية والحمد لله العربية مخذلتنيش ولو كان الطريق مفتوح كنت جبته تاني :crying2::crying2: