الموضوع: شوية اسئلة هامة

اولا الجراج بيحافظ علي الموتوسيكلات مفيش حاجة اسمها اتسرق
وهتدفع 50 جنية بالكتير 100 جنية علي حسب الجراج

وهتركن فين في المشاوير عادي جدا بتلاقي البايك مركون في اي مكان طالما منطقة عادية متقلقش
اما بالنسبة لتعليم السواقة بفلوس ف خدني معاك وادينا بقينا اتنين بندور
اما اماكن تأجير ف انا اعرف واحد في الحلمية اسمة رضا هوندا دة بيأجر بالساعة علي حسب الريس وامكانياتة
يعني من 100 جنية للساعة وانت طالع

بص اولا لاذم يكون مركون فى جراج كويس جراج خاص مش عمومى بيخشة من هب ودب
ثانيا حكايت الركنة بسيطة انت بتوف اى كشك او محل منور كويس وتحطة قدامة وتوصى بتاع الكشك علية وتجيب قفل انزار بيركب فى الطنبورة دة مع اى حركة للموتسكل اى هزة بيعد يزمر وثالثا مبيتحركش من مكانة لازم يتشال او يكسر الكنبورة
ودة قالى تقدر تعملة اما بخصوص التاجير فى كذا حد فى مدينة نصر بس مش عارف بكام اصراحة بس اظن البيك وعلية حد يعلمك بفلوس انت ممكن تشوف خالد قالى هنا بيعلم وبياخد مبلغ قليل

الوحيد قالى ممكن يدلك هو دياب هو زعيم البيكرز فى اسكندرية وعلى طول الساحل الشمالى والبحر المتوسط وتوابعة

اولا حكاية التعليم دي سهلة قوي مش زي منت فاكر هي بس حكاية ممارسة عشان تتمكن و صدقني لما تسوق اول مرة و تحس انكمشيت بيه كويس اول ما تزل من علية هتلاقي نفسك رايح تركبة شوية و تجرب تشد بية و كل ما تعمل حاجة هتشدك لحاجة تاية
انت عاوز نصيحة مني انا جربتها انت اعمل استخارة و توكل علي الله و اشتري بيك و شيل الفيير بتاعة و ابتدي واحدة واحدة صدقني هيبقي ليها احساس تاني خالص و صدقني اول شهر هتلاقي نفسك مش عاوز تنزل من علية ابدا

ثانيا يا سيدي مين قال ان البيك مبيروحش مشاوير بس استحمل انت بس انا بروح بيه الكلية بروح بيةاسكندرية كل حتة بس صدقني مش البيك اللي هيتعب انت اللي هتتعب :D

ثالثا حكاية الركنة شوف اقرب جراج ليك اية يكون خاص زي ما تامر باشا قال و اركة فية و لو عندك مكان في مدخل العمارة اركنة جوة ووصي البواب و بردة اربطةفي اي حاجة

رابعا لو انت في مشوار و حابب تركن اركن في مكان يكون في ناس كتير او حته حيوية بمعني اصح و هاتلة لوك وانزار و كدا مفيش حد هيقدر يقرب منةلانة لو البيك قال بم كله هيتلم علية