وليه الغش يعني فيها ايه لما الواحد يتقي ربنا
اكيد ربنا هيرزقه ويوفقه
بسم الله الرحمن الرحيم
ومن يتق الله يجعل له مخرجا ويرزقه من حيث لا يحتسب
صدق الله العظيم
عرض للطباعة
وليه الغش يعني فيها ايه لما الواحد يتقي ربنا
اكيد ربنا هيرزقه ويوفقه
بسم الله الرحمن الرحيم
ومن يتق الله يجعل له مخرجا ويرزقه من حيث لا يحتسب
صدق الله العظيم
وعلى فكرة فى ناس برضوا بتشترى تحرق الدم تتفنن فى بخس العربية حقها لازم نقول الحق ويقعد يفاصل فى ربع (250) لحد باب الشهر العقارى
للاسف الشرف والامانة و الصدق صفات لايتحلى بها البائعون الان الا القليل ممن رحم ربى ليس من قبل التجار فقط وانما من قبل افراد واشخاص تناسوا حديث رسولنا الكريم من غشنا فليس منا لصاحب التمر و قصة بائعة اللبن مقابل زيادة فى ثمن سياراتهم قلت او كثرت لن تغنيهم
نفس الموضوع حصل معايا ليا واحد معرفة حبيبى بيشتغل فى العربيات كنت قايلة على 128 المهم كلمنى قالى عربية موديل 1989 يعنى 1300 سىسى ماشى كلام جميل جنوط سبور يا سلام ايوه كده طقم صوت, فبريقة جوه يا حبيب قلبى:8_8_13: قالى لقطة وصاحبها عايز يبيع علطول هات معاك 500 جنيه وانت جى ربط كلام علشان لو كده تخلص بكره او بعده بالكتير يعنى العربية حلوة قالى دى زى الفل عروسة شمعة منوره:M_yes[1]:
اقل من نص ساعة كنت عنده وشوفت العربية وتبتدى الاشتغالات العربية اولا 1987 يعنى 1100 سىسى مش 1300 سىسى ولا يهمك مش حتفرق كتير كده كده مش حتجرى المهم الحالة ابص على الجنوط الاسبور الاقى ايه؟:B4_556: طقم الجنوط بتاع 132 الى هوه فضى فى اسود على شكل ورده ماشى يا سيدى نشوف بقيت العربية العربية فبريكة جوه فعلا ودى الحاجة الوحيده الى طلعت صح نشوف بقيت العربية
-بالنسبة للفرش انا مش متاكد ازا كان العربية كان فيها كراسى اصلا ولا لاء
-التابلوه كان عايز تابلوه بمعنى الكلمة
-الكاوتش كان ممسوح كله غالبا علشان احتكاكه على الارض يكون قليل فيقلل من استهلاك البنزين:M_yes[1]:
-فتحت الشنطه كلها بارومه لدرجة انى كنت شايف حتت كبيره من الشارع:B4_556: وبعدين الراجل شال الفرش بتاع ارضية الشنطة علشان اشوفها وانا مش مسامحة على الحركة ديه لانى حاولت انبه بس مالحقتش طلعت ريحة رهيبة غالبا عرسة ماتت فى المصنع وهما بيقفلو العربية وفضلت موجوده من ساعتها
-طبعا الراجل هوه الى كان بيفرجنى على الحاجة دى لانى كنت قرفان امسك العربية بايدى
-طقم الصوت طلع ايه كاسيت ابو بكرتين بتاع زمان ده وغالبا بايظ ومفيش سمعات بس حاسب مخروملها مكان على الخشبة الى وره:camera:
طبعا نظرا لقوانين المنتدى مقدرش اقول انا عملت ايه او قولت اية علشان متوقفش وبعد هذا الموقف قطعت علاقتى بالراجل ده نهائى وقولت خلاص مش حستعجل على الشراء وقعدت 6 شهور ادور لحد ما ربنا كرمنى بالحاله الى بدور عليها الحمد لله معلش طولت عليكم بس الى عايز اقولة بلاش تجار ومعارض والكلام ده لان معظمهم ما بيراعيش ربنا فى تعاملاته
ههه فكرتى مره بواحد ... معجزه مش هيتكرر كنت بدور على عربيه هوندا اكورد موديل 1982 و شفت اعلان على كونتاكت و طبعا مكتوب فيه فابريكه بره و جوه فكلمته و طلبت منه انى اشوف العربيه و اتفقنا على ميعاد بس طلبت كمان صور للعربيه على الميل عندى و بعتلى فعلا الصور 5 صور للعربيه بسم الله ماشاء الله تحفه بمعنى الكلمه .. فشجعتنى زياده انى اشوفها و خلاص ركبت انى اشتريها ... المهم رحت و اخدت معايا والدى و خالى علشان نشوفها .. المهم وصلنا و قعدنا ندور على العربيه قبل منكلم الراجل ملقينهاش .. فكلمناه و نزل سلمنا و بتاع و نزلنا الجراج نتفرج على العربيه .. كانت متغطيه و رفع الغطاء و هووووب العربيه التحفه ( سيئه لاسوا الحدود ) بدانا نبص لبعض ... و انا بقى هى دى العربيه ؟
اه ... يا عم لا مش دى اللى انتا وريتهاللى .. يا فندم هيا و هنا خالى بدا يتكلم العربيه دى رشه يا فندم و وشها مش عدل .... ازااااى دى فابريكه و مفيش مسمار لمسها ... طيب افتح الكبووت ... فتحه و ياريته م فتحه
العربيه اتضح انها عملت حادثه جامده و مغيره نص قداام كامل (موتور و ردياتير و كارتيرات و و و ) و صاج و كبوت و كمان السمكرى عايز الحرق مش ظابطها صح و العربيه وشها مجنب و رشه بالكامل بره و الحوض جوه و النجم كان باعتلى صور العربيه قبل متعمل الحادثه و فاكرنى زبوون :))
بس الصراحه العربيه قبل الحادثه كانت تحفه
مفيش امانة عند حد
"ولا تحسبن الله غافلا عما يعمل الظالمون "