لخبراء البيتلز

**krash2020** · 05-07-2011 06:02 PM

جبت بيتلز موديل 62 والحمد لله العربيه تمام اساسيات سليمه وكانت مركونه بقالها سنين وصاحبها كان مسافر ورجع من السفر وشدها وبعها وانا ختها منه على 7500 الف جنيه يعنى على قدها العربيه تمام مافهاش حاجه
انا بحب البيتلز ودى اول عربيه اجبه بس مش عارف لما تيجى فى سرعة 80 فى سحبها ضعيف بتجيب معايا 120 بعد عذاب لما بقرص على البنزين دى عادى ولا فى حاجه فى متور مثلا مع العلم انى معرفش فى المكانيكه والفتيس سعات بيعلق معايا وبيعمل صوت مش دايما لما بطلع على الاول بيعلق شويه والتالت نفس الكلام كونت عاوز اروح لمكانيكى يكشفلى عليها انا اولا من الهرم لو فى مكانيكى قريب منى تنصحونى بيه وعاوز اشدها ابدأ بأيه الاول

أسف على الاطاله واتمنى المشاركه بخبراتكم يا احلى منتدى شكرا ليكم

**krash2020** · 05-07-2011 07:10 PM

محدش قال وجهة نظره اتمنى المشاركه

**smsmxxxxxx** · 06-07-2011 01:14 AM

الف مبروك على العربية واهلا بيك بين محبي البيتل
بالنسبة لموضوع السحب بعد التمانين فده ممكن يكون انك لسة مخدتش على العربية
او العربية تكون محتاجة صيانة علشان تديك اقصي ما عندها
الصيانة بتبقي
تغيير زيت موتور حتى لو صاحبها حلفلك انه لسة مغيره
تغيير بوجيهات
الكشف على الابلتين والكوندنسر
والكشف على سلوك البوجيهات
ومهم جدا تظبط التاكيهات والكاربراتير تنضفه وتظبطه وتظبط توقيت الاشعال
وترجلش الفرامل

اما الفتيس فزود زيت الفتيس في البنزينة وان شاء الله الغيارات مش هتعمل صوت معاك

وكمان شحم الدنجل

بالنسبة للاماكن اللى تعمل فيها الكلام ده

تغيير زيت الموتور وتزويد زيت الفتيس وتشحيم الدنجل دول فى اى بنزينة بس انا بفضل بنزينة التعاون اللى فى المطبعة فيصل

والباقي دول تعملهم عند ميكانيكي كويس
زى عاطف امام جراج اثر النبي
او محمد على فى جسر السويس
اوكمان اسأل صاحب العربية كان بيوديها فين جرب اتعامل معاه

----------------
محمد سالم

**semam** · 06-07-2011 03:05 PM

المشاركة الأصلية كتبت بواسطة smsmxxxxxx

الف مبروك على العربية واهلا بيك بين محبي البيتل
بالنسبة لموضوع السحب بعد التمانين فده ممكن يكون انك لسة مخدتش على العربية
او العربية تكون محتاجة صيانة علشان تديك اقصي ما عندها
الصيانة بتبقي
تغيير زيت موتور حتى لو صاحبها حلفلك انه لسة مغيره
تغيير بوجيهات
الكشف على الابلتين والكوندنسر
والكشف على سلوك البوجيهات
ومهم جدا تظبط التاكيهات والكاربراتير تنضفه وتظبطه وتظبط توقيت الاشعال
وترجلش الفرامل

اما الفتيس فزود زيت الفتيس في البنزينة وان شاء الله الغيارات مش هتعمل صوت معاك

وكمان شحم الدنجل

بالنسبة للاماكن اللى تعمل فيها الكلام ده

تغيير زيت الموتور وتزويد زيت الفتيس وتشحيم الدنجل دول فى اى بنزينة بس انا بفضل بنزينة التعاون اللى فى المطبعة فيصل

والباقي دول تعملهم عند ميكانيكي كويس
زى عاطف امام جراج اثر النبي
او محمد على فى جسر السويس
اوكمان اسأل صاحب العربية كان بيوديها فين جرب اتعامل معاه

----------------
محمد سالم

بالظبط زى ما قال اخونا محمدسالم

ولو محتاج اى مساعدة احنا تحت امرك وعلى فكرة انا ساكن فى فيصل يعنى جنبك لو احتجت اى حاجة

ومبروك على العربية ويارب يباركلك فيها ويكفيك شرها

**krash2020** · 08-07-2011 03:24 AM

شكرا ليكم ياجماعه معلش اتأخرت على الرد لانى كونت مشغول فى العربيه انا ودتها المكانيكى فى الطلبيه لقى المتور بنقض زيت خفيف فقالى الصح اننا ننزل المتور ويتنضف انا حسيت من الاول انه ممكن عاوز يعمل شغل بس قولت ينزل المتور وينضفه ويشوف لو ناقصه حاجه يعملها وانا سمعت عنه انه راجل تمام فعلا نزل الماتور وفكه حتا حتا ونضفه بلبنزين وقعد فى التنضيف بتاع 5 سعات تقريبا وغير البوجيهات وغير فيها حجات وغيرت والحمد لله الماتور فاق وبقى احسن من الاول بلمنسبه اسمى محمود واتمنى اكون صديق فى وسطيكم واخ شكرا ليك يامحمد انت وسمس منين من فيصل ياسمسم

**krash2020** · 08-07-2011 03:25 AM

معلش سؤال تانى مافيش حد قريب منى بيبيع قطع غيار ليها واكسسوارتها

**smsmxxxxxx** · 08-07-2011 05:30 AM

اغلب بتوع قطع الغيار في المساكن عند شارع العشرين

وكنت عايز اعرف منك
الميكانيكي اسمه ايه وفين مكانه بالظبط
واخد مصنعية كام
واسعار قطع الغيار اللى جبتها ومنين جبتها

يعنى عايزين نستفاد من تجربتك مع العطل ده

على فكرة انا ساكن في المطبعة فيصل

واهلا بيك مرة تانية

-------------------
محمد سالم

**krash2020** · 09-07-2011 02:06 AM

المكانيكى اسمه عبد الرحمن
الحجات الى جبتها 260جنيه وهوه خد مصنعيه 140

هوا غير طقم جوانات و طبت زيد و واربع مواسير وسيلك دبرياج و قول سيه ماتور وكلامالا

انا عارف غلاوى بس يلا اول مره بقى بس بصراحه كفايه انه فك الماتور حته حته ونظفه وقعد سعات ينضف فيه بصراحه دى لوحده مقرفه ومجهود

فى واحد صحبى قالى ان فى واحد صحبه برده مكانيكى فلكس متخصص وبشكرنى فيه جدا

**smsmxxxxxx** · 09-07-2011 02:28 AM

الف شكر يا باشا على ردك

وربنا يبارك لك في العربية

---------------
محمد سالم

**krash2020** · 09-07-2011 08:15 PM

على ايه يامحمد انا الى متشكر ليكم

لو حد يعرف محل قريب من الهرب عنده جميع واكسسوارات البيتل

الموضوع: لخبراء البيتلز

LinkBack

أدوات الموضوع

عرض

-

-

-

المواضيع المتشابهه

للخبراء فى البيتلز( تعديل البيتلز)

استشارة عاجلة لخبراء البيتلز

يا رجالة البيتلز هى البيتلز ادفع فيها 20 الف جنية

حد شاف البيتلز دي قبل كدة

استشارة لخبراء البيتلز

الكلمات الدلالية لهذا الموضوع

المفضلات

المفضلات

ضوابط المشاركة