ايه اخبار الكليو 1200 سى سى
من حيث صيانتها وقطع غيارها
هل سهل الميكانيكية يفهموا فيها ولا مفيش غير التوكيل
هل قطع غيارها متوفرة ولا ناقصة واسعارها رينجها ايه
واخبار التوكيل هل هو كويس ولا غالى
عرض للطباعة
ايه اخبار الكليو 1200 سى سى
من حيث صيانتها وقطع غيارها
هل سهل الميكانيكية يفهموا فيها ولا مفيش غير التوكيل
هل قطع غيارها متوفرة ولا ناقصة واسعارها رينجها ايه
واخبار التوكيل هل هو كويس ولا غالى
الفوانيس مثلا الفوجات......ماكنه الازاز.....مكنه الباور وده مش موجوده بتيجي بالطلب ......طلمبه البنزين بيبعها علي بعض مع ان اللي بيبوظ بس قلب الطرمبه وديه بتيجي لوحدها من التجار وسعرها ممتاز وهي بالمناسبه بوش اصلي الماني...كل ما يختص بالتكيف...ده من خلال اصحابي اللي معاهم العربيه....انا الحمد لله موجهتش حاجه منهم الي الان.
تكلفه الصيانات الكبيره زي 60 و ال 120 الف ديه برضوه استهبال شويه عشان بيغير حجات كتير زي الكاتينه و بليه الشداد وطقم السيور و طلمبه الميه مع انها بتبقي في حلات كتيره سليمه لكن الكتاب بيقول كده.
لكن الجميل في الموضوع ان بقي في بدائل كتير دلوقتي في السوق وناس كتير جدا بقت بتفهم فيهم وسعرهم رخيص جدا كمان....انا عن نفسي بتعامل مع 2 في اسكندريه وواحد في القاهره في حاله الصيانه (علي حسب انا ببقي فين)....بشتري قطع الغيار من التوكيل وبركبهم عندهم لانهم شغالين في التوكيل.... والكهربائي زيهم ... وبصراحه عربيه ممتازه وعمليه وعاليه وفوق كل ده ثابته علي الارض انا بجيب بيها 140 مرتاح وسعرها كويس جدا...واللي يشوفها ميقولش انها 1200 سي سي (فرنساوي بقي) عيبها الوحيد الحوض ضيق شويه.
لكن في المجمل انا بصراحه شايف انها ممتازه جدا وعمليه لاسره صغيره زي حلاتي
الله ينورا عليك بس انتا بتصلح مع مين في اسكندريه و تكلفت صيانه120 الف
وشكرا
في الخواجه بيجو في الازرايطه بس مش دايما بروحله....وسيد رينو في ميامي راجل فاهم ومحترم وقريب مني
تكلفه الصيانه بتاعت ال 120000 عملتها بحوالي 2000 عشان غيرت كل الفلاتر والبويجهات والتيل والطنابير وسير التقسيمه والكاتينه وبليه الشداد ونظفت دوره التبريد كامله يعني عملت صيانه كامله وربطت العفشه وشحمتها وعملت فل اتشك علي الكوتشات و الجلب والمقصات و المساعدين......يعني يعتبر شديت اساسيات العربيه من اول وجديد...اي حاجه فيها لو حتي 60% كنت بغيرها عشان تبقي جاهزه لاي موقف ولأي ظروف...لان مش كل شويه هفضل احل واربط في العربيهفبقول يبقي كله مره واحده.....كل 60 الف بظبطها تظبيطه السنين زي ما بيقولوا..وهي بصراحه عربيه بيبان عليها المصاريف
100-100 بجد كل قطع الغيار من عند التوكيل ولا بتشتري من اي مكان وبعد 120 الف بتكون حالتها تمام ولا نغير
لا كل ما يخص الميكانيا والعفشه و الماتور من التوكيل او من مركز توزيع قطع غيار معتمد وبصراحه العربيه ممتازه بس عايزه متسهاش عليها في الصيانه يعني طول مانت ماشي علي جدول انت الكسبان والعربيه هتفضل زي الفل... انا تجربتي معاها بصراحه ممتازه.
السلام عليكم،
أنا كان لي إستفسار بسيط، هي صيانة ال- 60 ألف لازم تتعمل لو العربيه عدت ال-6 سنين وموصلتش لها ولا ممكن استنى لما العربية تجيب ال- ٦٠ ألف ؟؟ هي ماشية ٥٧ ألف وبقالها أكتر من ٥ سنين، استنى البائي لما أوصل ll60 ألف ولا اعملها الايام دي ؟؟
والله انا بصراحه مش عارف ...لكن انا ليا راي في الموضوع ده لو العربيه ماشيه تمام.....ومش بتعاني من اي حاجه... يبقي سيبها لكن لو عندم مشكله او تسمع اصوات في العفشه ولا ونه في الماتور ولا حاجه لازم تغيرها...وبالزات سير التقسيمه خلي حد يكشفللك عليه عشان ده لا قدر الله انقطع هتبقي مشكله كبيره ...وانت عارف السيور دي ليها عمر افتراضي..... عشان بتنشف وبتشقق...
سوال كده علي السريع...انت ليه مكشفتش عليها في صيانه ال 55 الف
السلام عليكم،
أصلها مش عربتي، دي عربية والدتي، فهي مش بتنزل كتير وأنا ركبتها بس من كام يوم كدة وكان أخر صيانة لها كانت في ٤٥ ألف. عشان كدة أنا بسأل عشان مش عايزها تتحط في مواقف بايخة أو حاجة .
متشكر ليك علي التوضيح
بجد شكرا علي الرد
وا مين كهربائي كويس في الكليو في اسكندريه ؟
سلام عليكم يا رجالة الرينو...أنا عندي كليو 2004 1200 سي سي , العربية جميلة جدا جداو ثابته على الأرض الصالون بتاعها ضيق شوية بس شنطتها زي النص نقل(بسم الله ماشاء الله) ناعمه على الطريق و موفره جدا جدا جدا..أنا سافرت بيها 145 كيلو متر على سرعة 90 إستهلكت معايا 6 لتر يعني 11 جنيه بنزين 92...العربية عايزه إهتمام زي أي عربية أوروبية بس مش هتندم لو إمتلكت عربية زي دي...انا بصلح السيارة عند سيد جولففي شارع السلطان حسين و الكهربائي بتاعي واحد في سيدي بشر و الثاني في الازاريطة...ممكن يا سرور تقولي فين ورشة يسري الكهربائي اللي في ميامي؟؟؟
انت عايز تعمل ايه عند يسري؟ لان يسري حراق جامد لانه بيعمل بي ام و مرسيدس...عموما هي بعد لما تعدي النفق يتاع سيدي بشر هتفضل ماشي لغايه لما تقابل ميدان تاخه علي طول لغايه متلاقي حد بييعمل مطابخ شهور هناك بس مش فاكر اسمه...تخش من جنبه يمين في اول شمال هتلاقيه في وشك