ازيكم يا شباب
اخباركم ايه؟
يارب جميعا تكونوا بخير
قررت اني اغير اللمد بتاعة العربية
وكانت الاراء بالاجماع على الفليبس رالي ومن بعدها الاوزرام نايت بريكر بما اني مش عايز اركب كتاوت او العب في الكهربا بتاعة العربية
اتصلت بشركة الطيب وكيل اوزرام وسألته قلي هتلاقيها في شارع دمشق عند المدينة او عالم البدجات او دنيا البدجات مش فاكر ومحل تاني اسمه حاجة امين
قلتله طيب التوفيقية؟!
قلي مش هتلاقيها متوفرة في التوفيقية
قلتله طيب سعرها كام المفروض؟!
قلي انا موزع جملة ومعرفش هما بيبيعوها بكام ومش بتدخل في سعرهم
قلتله شكرا جدااااااااااااااااااااااا اا
قلت انزل التوفيقية الاول واجرب يمكن اعرف الاقيها
المهم بعد بحث ومفيش عناء ملفيتش اكتر من 5 دقايق
وصلت لمحل اسمه الإبياري
دخلت عندك يا عم اوزرام
قلي عايز مين فيهم؟
قلتله اوزرام نايت بريكر
قلي موجودة
العربية ايه؟
فيرنا
قام مديني H4
طبعا انا بصيت على الفوانيس عندي ولقيت مكتوب عليها H4 وكنت مستني اتأكد منه
واداهوملي
بكام يا حج
قلي ب 130
قلت استعبط عليه :D
قلتله هما غليوا واللا ايه
قلي ليه انت اخر مرة سألت كانوا بكام؟
قلتله ب 110 في شارع دمشق
قلي مش في التوفيقية فرق المكان والسعر وبتاع
قلتله لو فرق المكان والسعر يبقا هنا ارخص المفروض
قلي لا 130
المهم بعد محاولات عديدة خدتهم على 125
ودي صورتهم يا شباب :-








معذرة الصور مش واضحة اوي عشان مصورها في الجراج بكاميرة الموبايل وتقريبا مكانش فيه اضاءة