السلام عليكم جميعا
انا بفكر في خطة التعديل دي من زمن
و كنت محتار - هل اصلح الموتور ( بيطلع دخنة سودة لكن مش لاقي حد بيفهم فيها )
واللا اسقط موتور؟

العربية جيو تراكر Geo tracker موديل 1991 موتور 1600 سي سي 8 صباب هاف انجكشن بقوة 82 حصان

خيارات التسقيط امامي اني اسقط الموتور الاحدث 16 صباب 1600 سي سي قوة 96 حصان فل انجكشن بالفتيس بالضفيرة عامل بتاع 8 الاف جنيه

و في طبعا الخيار التاني الموتور ال 2000 سي سي 6 سلندر بقوة 135 حصان
لكن مركز الصيانة ( سوزوكي بركات ) حسيت انه عمره ما عملها انه نزل المتور ال 6 سلندر على عربية 2 باب قبل كده
دا غير ان الموتور عندة معدي ال 10 الاف جنيه!!! حوالي 12 الف

اسعار المواتير المرتفعة عنده خلتني افكر في بدائل تانية
دخلت على النت لقيتهم برة غالبا بيسقطوا مواتير الشيفروليه البليزر ال 4300 سي سي بقوة 185 حصان لكن عزم مهول طبعا - 6 سلندر
و في ناس بتسقط موتور الكورفيت ال 8 سلندر بقوة 320 حصان

انا العربية مرخصة عندي شيفرولية فمعنديش مشكلة في المرور بل على العكس ممكن يبقى في مشكله في الموتور الفيتارا

و اخيرا عندي اختيار موتور الشيفروليه الفرونتيرا ال 3200 سي سي ال 6 سلندر بقوة 190 حصان- لكن ده مش عارف يركب واللا لأ لانهم مش بيستخدموه برا بس ميزته انه قطع غياره متوفرة نسبيا
اسمع ان سعره ب 14 - 16 الف

الاسعار عالية و انا محتار

للعلم موتور البليزر في حدود ال 8 الاف 4300 سي سي يعني زيه زي الموتور ال 1600 16 صباب

العربية حاليا استهلاكها للبنزين من ساعة ما اشتريتها من سنه و نص تقريبا 140 كيلو للصفيحة يعني انا متعود على استهلاك وقود عالي اصلا لكن لازم يبقى في اداء مقابل الكلام ده

دا فيديو للعربية ستوك





, و دي فيديوهات بعد التعديل





طبعا افضل اسقط موتور 4*4 علشان العربية 4*4 و انا عايزها تفضل كده

يا ريت لو حد يعرف اي مكان بيبيع قطع غيار امريكاني او بيشتغل في الامريكاني يفيدني

________________________________________

و المرحلة الجاية ان شاء الله بعد ما يبقى في فلوس تانية هي تركيب توين تيربو كيت شامل ( سعره لو سنجل 6 الاف لو توين اعتقد 8 الاف )