السلام عليكم

ياجماعه انواع الزيوت كتيره جدا ومش عارف احط اى نوع انا عربيتى لوجان عامله 11 الف كيلو ولسه عامل صيانة ال10 الاف فى التوكيل ومغيرين زيت توتال هناك
العربيه بتعمل 10 الاف كيلو كل 5 او 6 شهور تقريبا ومعظمهم سفر
كنت عاوز اعرف اى نوع ملائم للعربيه لانى فكر اخلع من التوكيل علشان المصاريف الكبيره بتاعت الصيانه
انا سمعت معلومات كويسه عن كاسترول ايدج اللى بيقعد 15 الف كيلو سعره تقريبا 270 جنيه
هو صناعته ايه ومتعبى فين
ده غير انه بينصحوا بيه فى العربيات الالمانى
بس دية غالبا اتفاقات تجاريه مش اكتر
وموبيل مش مقتنع بيهم بصراحه وبحس ان اسعارهم مبالغ فيها ده غير انه تعبئه مصرى وما ادراك ما المنتجات المصرى حتى لو تعبئه فقط
وزيت فيسكو كنتم طالعين بيه السما اول لما سجلت فى المنتدى من 7 شهور وفى الاخرطلع مضروب

زيت الماتور اللى كان جاى من المصنع الفابريكه عندى شفته على 10 الاف قبل مااعمل الصيانه فى التوكيل لاقيته مانزلشى مللى واحد عن مقاسه ولونه كان لسه عسلى مش اسود بس مامسكتهوش بايدى علشان مش فاهم اوى فى موضوع اللزوجه بتعاته وقولت حتبقى تلزيق ايدى على الفاضى
مش عارف ده زيت توتال برده اللى بيغيروه فى التوكيل ولا حاجه عاليه
طبعا اللى غيرته فى التوكيل لسه عامل 1000 كيلو فقط فمش حااعرف احكم عليه دلوقتى وانا اصلا مش بفهم فى موضوع اللزوجه ده بس اللون بيبقى واضح واقدر احكم عليه من لونه فقط
انا محتر جدا ومش عارف اغير ايه ونفسى استقرعلى نوع مضمون وكويس علشان كتر تغير نوع الزيت اسمع انه بيعمل مشاكل فى الماتور

ياريت تصوتوا فى الاستطلاع فوق ونستقر على نوع زيت تخليقى كويس ومحترم