حد مركب usb لل 307

**shark_3li** · 08-09-2011 07:02 PM

أنا كنت ببص على اسعار البيجو في contactcars لقيت واحد عارض عربيته وقايل إن فيها وصلة ipod اتصلت بيه وقلتله ينفع اشتريها منك فوافق اخدتها منه بـ 400 هي كويسة وكل حاجة بس بعد مااشتريتها حسيت إني محتاج حاجة تشغل usb
فلو إنت ناوي تشتري حاول تدور على حاجة بتشغل ipod و usb وهي موجودة كنت لقيتها على أكتر من موقع

**Mohab.Nabil** · 08-09-2011 07:27 PM

سؤال يا جماعة

هو ايه الفرق بين الوصلة اللى بتتكلموا عليها فى اللينك ديه و بين اى وصلة عادية 3.5 mm ?

اصل انا اعتقد ان كاسيت البيجو 307 هو نفس كاسيت الـ c4 مش عارف هل الكلام دا صح ولا ايه ؟

**A.Lotfy** · 09-09-2011 03:37 AM

المشاركة الأصلية كتبت بواسطة shark_3li

أنا كنت ببص على اسعار البيجو في contactcars لقيت واحد عارض عربيته وقايل إن فيها وصلة ipod اتصلت بيه وقلتله ينفع اشتريها منك فوافق اخدتها منه بـ 400 هي كويسة وكل حاجة بس بعد مااشتريتها حسيت إني محتاج حاجة تشغل usb
فلو إنت ناوي تشتري حاول تدور على حاجة بتشغل ipod و usb وهي موجودة كنت لقيتها على أكتر من موقع

والله حركة جامدة جدا منك دي
طيب هيا الوصلة دي زي اللي موجودة في اللينك اللي انا حطتها في المشاركة السابقة ولا aux
وهل بتقدر تتحكم في الPlaylist فعلا من الطارو؟؟؟
ولو انت مش محتاجها انا ممكن اشتريها منك

**A.Lotfy** · 09-09-2011 03:48 AM

المشاركة الأصلية كتبت بواسطة rs12

سؤال يا جماعة

هو ايه الفرق بين الوصلة اللى بتتكلموا عليها فى اللينك ديه و بين اى وصلة عادية 3.5 mm ?

اصل انا اعتقد ان كاسيت البيجو 307 هو نفس كاسيت الـ c4 مش عارف هل الكلام دا صح ولا ايه ؟

هو حسب اللي لقيته في النت تقريبا ال307 وc4 نفس الكاسيت rd4
بس انا جربت أعمل كابل ال aux ووصلته فعلا في الpins اللي ورا وركبته aux1 وaux2 بس ما اشتغلش ورحت التوكيل علشان يعملي enable للبورت على الكمبيوتر بس ما لاقيناش حاجة كده

اوحتى لو عملت وصلة aux بتطلعلك جاك صوت بس لازم تتحكم في الأغاني من ال ipod وتوصله بشاحن

الوصلة اللي عايز اشتريها دي جهاز بيركب مكان فيشة الcd changer وفيه منها نوعين واحد ييطلع وصلة ipod زي ال usb كده بتوصلها بال ipod يشحنه ويقرا الملفات اللي عليها وتقدر تقلب من الكاسيت نفسه او من الmulti fucntion بالإضافة لمخرج aux
النوع التاني بيديلك مدخل usb ومدخل sd card وaux وبرضه بيتقدر تقلب الفولدرز والتراكات على الفلاشة من الكاسيت

**shark_3li** · 09-09-2011 07:32 PM

المشاركة الأصلية كتبت بواسطة A.Lotfy

والله حركة جامدة جدا منك دي
طيب هيا الوصلة دي زي اللي موجودة في اللينك اللي انا حطتها في المشاركة السابقة ولا aux
وهل بتقدر تتحكم في الPlaylist فعلا من الطارو؟؟؟
ولو انت مش محتاجها انا ممكن اشتريها منك

لا الوصلة زي اللي كان amadjoo حاطط اللينك بتاعها في اول رد علي الموضوع دة. هي بتشغل اي فون وايبود بس مش بتشحن غير الايبود القديم اللي هو 12 فولت لكن الجديد مش بتشحنه ولا بتشحن الايفون بس في انواع تانية بتشحنة
هي فعلا بتقدر تتحكم في البلاي ليست عن طريق البكرة اللي في دراع التحكم و يا باشا هي متغلاش عليك طبعا لو فكرت ابيعها او جبت بديل ليها و انت لسة مجبتش انت اول واحد هقولو عليها.

**ahmed_zamalek7** · 26-11-2012 06:50 PM

يا جماعه الجاب الجهاز وجربه ياريت يقلى جابه منين ولما ركبه بدل الجانجر منظر الكابلوه ايه نظامه بس اهم حاجه تكون بتقلب من المالتى وبتقرا الفولدرات من التسجيل