اخر النتائج عن الريسورس

**mhDeeb** · 05-05-2008 08:26 PM

لا تحزن يا اخى واعتبر ان الــ 300 جنية اخذت بيهم 10000 كيلو متر وعوضك على الله وكما افاد سبعاوى الشركة لم تكذب ولكن المعلن هو الى بيذوق السلعة

**chihab18** · 05-05-2008 11:03 PM

هو الريسورس ده فائده ايه بالضبط؟

**SEATLOVER** · 05-05-2008 11:06 PM

مالوش اى فايدة يا شهاب ماهو واضح اهو
بنقول للراجل الله يعوض عليك
دة مخلوط من العرق سوس و منقوع الخروب ..بس درجة نقاوة عالية شوية

**peranha** · 05-05-2008 11:29 PM

المشاركة الأصلية كتبت بواسطة chihab18

هو الريسورس ده فائده ايه بالضبط؟

ده يا سيدي سائل قالوا انه بيملأالفراغات التي تأكلت داخل سليندرات الموتور وبالتالي يبقي بديل للعمره والعربيه متستهلكش زيت لكن طلع كله بكش

**chihab18** · 06-05-2008 09:33 PM

المشاركة الأصلية كتبت بواسطة seatlover

مالوش اى فايدة يا شهاب ماهو واضح اهو
بنقول للراجل الله يعوض عليك
دة مخلوط من العرق سوس و منقوع الخروب ..بس درجة نقاوة عالية شوية

والله انت ظريف ياسيات
وكلامك سكر
لاتقول سورس ولاحاجه دا كلامك السكر ممكن يتعبي في علب ويكتبوا عليه
سوبرسيات سورس لفر

والي اللقاء ومتحرمناش من سورس كلامك

**peranha** · 08-05-2008 07:13 AM

المشاركة الأصلية كتبت بواسطة eng_mkhalaf

يا جماعة فى واحد صاحبى حاطة فى مازدا 323 ومبسوط بية قوى وعامل بية دلوقتى 1000 كيلو وهو أشترى فعلا 3 عبوات من التوكيل إللى فى الهرم وحطهم بالتتابع وبيشكر فى الداء بتاع العربية قوى
وكمان قالى دة فى أنواع كتيرة قوى وهما بيكشفوا على العربية الأول قبل ما يقولك أنت تحط إى واحد - دة قالى أنى فى واحد للفتيس وواحد للعربيات الكسر زيرو وأنواع كتير تانية

شوف العربيات دي بتجيب للواحد احساسات غريبه بالأيحاء ...يعني انا اروح اظبط الكاوتش مثلا يتهيألي ان العربيه بقت ناعمه او اغير زيت ..وغيره وغيره لكن في الحقيقه العربيه زي ما هي وبيروح الاحساس ده بعد شويه

**homme49** · 25-05-2008 02:19 AM

عزيزى بيرانها
هى ليست تهيؤهات أو إيحاءات لكنها حقيقة
ضبط الإطارات يحسن من أداء السيارة فعلا و يقلل من إستهلاك البنزين
كما أن تغيير الزيت يِؤثر فعلا بالإيجاب على إنسياب السيارة و إنخفاض الصوت العالى للموتور

**homme49** · 25-05-2008 02:27 AM

المشاركة الأصلية كتبت بواسطة sab3aawy

على فكرة، انا بجرب الريسوس حاليا فى الريجاتا وعملت 3 آلاف كيلومتر ولحد ديلوقتى معنديش حكم نهائى

لكن فيه ملحوظة هامة جدا وهى انهم كاتبين فى النشرة اللى جوة العلبة ان عمر الخدمة بالنسبة للريسورس هو 15 ألف كيلومتر ، يعنى 15 ألف وهتحتاج تكرره تانى، او على الأقل تديها علبة واحدة

يعنى المصنع مكذبش على المستهلك، لكن اللى كذب على المستهلك هو المعلن

عزيزى سبعاوى
رجاء إفادتنا عن إستعمال زيت الريسورس الآن فى شهر مايو 2008 حيث أننى أفكر فى إستخدامه فى الريجاتا موديل 85 حيث أنها تستهلك زيت و بنزين بدرجة عالية و أستخدم لها زيت ثقيل (موبيل الأزرق)
ربما تكون قد أكملت العشرة آلاف كيلو متر الآن و إتضح حقيقة ما يذكرونه عن هذا الزيت

و قد قمت من باب الفضول بعمل بحث من خلال جوجل محرك البحث الشهير و توصلت لنتائج بأن الشركة المنتجة شركة روسية و قامت بتجربته فى فنلندا كما أنها قامت بعمل شراكة مع شركة نيجيرية لإنتاجه فى نيجيريا
بالإضافة إلى أننى قرات تقرير صحفى عنه فى موقع جريدة الجارديان البريطانية و التى لم تشكر أو تذم فيه و إنما إكتفت بالقول بأن الشركة المنتجة تدعى أنه يغنيك عن عمل عمرة موتور

**mtageldeen** · 26-05-2008 03:45 PM

المشاركة الأصلية كتبت بواسطة homme49

قرات تقرير صحفى عنه فى موقع جريدة الجارديان البريطانية و التى لم تشكر أو تذم فيه و إنما إكتفت بالقول بأن الشركة المنتجة تدعى أنه يغنيك عن عمل عمرة موتور

هيبااااااااان
والله يعوض عليك ياللي جربت

وإن شاء الله ميكونش له مشاكل غير تمنه بس

**galilio_mad** · 27-05-2008 04:29 PM

على فكرة انا لسه مقابل واحد قريبى كان استعمل الريسورس من كام شهر كده
سالته ايه الاخبار ؟ رد انه ما فرقش فى اى حاجه غير ان صوت الموتور وطى حاجة بسيطة
بس استهلاك البنزين زى ما هوه و البخر الخفيف اللى كان عنده برضو زى ما هو
و عربيتة شاريد 90