11111111111111111111+
عرض للطباعة
طيب ممكن اعرف طقم الدبرياج ده عباره عن ايه ويتكلف كام ؟
وكنت عايز اعرف ياباشمهندس ايهاب الصح انقل السرعه عند رقم كام فى الـ rpm فى المشى العادى ولو حرقت شويه ما زودش عن كام وبتختلف مع تشغيل التكييف ولا كله واحد
وشكرا ليكوا يا جماعه بجد انا بستفاد هنا اكتر من اى مكان تانى حتى الصنايعيه مش فاهمين زيكم ربنا يبارك فيكم
ده طقم الدبرياج و مكوناته ( ديسك + اسطوانه + بلية الدبرياج )
http://img193.imageshack.us/img193/3757/826362.jpg
Uploaded with ImageShack.us
أنواعه ( ساكس - لوك - فاليو - ...)
سعر الطقم بيختلف حسب نوعه و صناعته و يتراوح من 550 الي 800 جنيه
موضوع الحرق و تنقل علي كام ده ملهوش مقياس ولكن من التجربة العملية أفضل شيء للمحرك هو النقل بين3000 الي 3500 و ده بالتكييف او من غيره ولو حابب تشد شوية مافيش مشكلة انقل علي 4000 ولكن ده هيزيد شوية من استهلاك البنزين
وبالتوفيق ان شاء الله
حضرتك المشي العادي بالعربية بيكون علي 2 وبالكتير علي 2.5 rpm
ولو بتحب الحرق يبقي 3 و 3.5 rpm
انا معاك ان العربية بتجيب اكتر وانا شخصيا احيانا كنت احرق علي 4.5 و 5 rpm بس بصراحة كان بيبقي افتري جامد علي المكنة
انا شخصيا الأول بغيره علي 2
والثاني علي 2 او 2.5
والثالث والرابع علي 3
بحس ان العربية مرتاحة اكتر، بس لو لقيت واحد بيتنطط جمبي وعايز يتأدب بلبس الوش التاني وبقرص شوية وبسم الله ماشاء الله بلاقي العربية ركبها عفريت وبقت زي النحلة الله أكبر
حضرتك طقم الدبرياج معناه (أسطوانة دبرياج + الديسك + البلية)
والتكلفة زي ما الباشمهندس قال من 550 لحد 850 علي حسب الماركة وبلد الصنع
وبالنسبة للتكييف مش بيفرق كتير اوي في الغيارات عن بدونه هو كل ماهو نالك ان بدل ما كانت بتجيب ال 3 rpm في خلال مثلا 5 ثواني هتجيبهم بعد 8 ثواني مثلا يعني، طبعا مش بالظبط
وفي انتظار الردود، لو في سكيما scheme افضل لنقل الغيارات
والله المستعان
،،
وعموما دي صور للطقم بالكامل بالأسطوانة والديسك والبلية
http://www7.0zz0.com/2011/07/17/06/959180967.jpg
http://www7.0zz0.com/2011/07/17/07/671634207.jpg
بس بصراحة الصوباع الي موجود دة انا مش عارف بتاع ايه بس اكيد حاجة بتركب معاهم بس انا عمري ما غيرته
والله المستعان
،
،
زي ما الباشمهندس ايهاب بيقول دة تقريبا احسن خيارات للنقل
انا والله كنت بكتب المشاركة لما الباشمهندس ايهاب بعت
بس يبدو ان الأسلوب في القيادة متقارب جدا
انا فعلا استغربت من وجود جزء بلاستيك جوة الفتيس وسط الطحن الي بيحصل جوا
ولما غيرت اسطوانات قبل كدة عمري ما اشتريته بس قولت يمكن الأبيزا وضعها مختلف وبيركبلها حاجة من برة الفتيس بلاستيك بتظبط توقيت او حاجة زي كدة
الله ينور عليك ويخليك لينا
انت بجد اخ كبير لينا هنا في المنتدي
والله المستعان
،
،
الف شكر على المعلومات القيمه من احلى ناس فى المنتدى
بس انا بحرق شويه فى الغيار بنقل على حوالى 3.5 عشان انا بسمع صوت تكتكه فى الموتور تقريبا صوت كهربه الموتور ولما روحت للميكانيكى عشان يظبطها قالى انت عندك الاسبراتير الكترونى وهو بيتظبط لوحده
وانا مش عارف كلامه ده صح ولا غلط