الموضوع: اقصى سرعه جبتها كام بالابيزا ال 1000

المشاركة الأصلية كتبت بواسطة ehab_mansour

مش عارف والله يا هندسة لكن طالما العربية مبتقدرش تجيب أقصي سرعه ليها في الكاتالوج وهي 145 كيلومتر بسهولة يبقي مازالت غير مضبوطة او المحرك فيه حاجه
لأن العربية دي كانت طول وماهي مضبوطة تعمل معدلات استهلاك ممتاز و تجري بيها زي متحب و علي فكرة عمرها تحت رجلي ما قلت معايا يكفي اني بايعها و حسبتلها معدل استهلاك طوال الثلاث سنوات و 105 الف كيلو كانت في حدود 320 كيلومتر في ال 20 لتر

وعشان اكون منصف انا كنت بسافر بيها كتييييييييير و عربيتي كانت فاضيه يعني المحرك معليهوش حاجه غير الدينامو فقط ولا باور ولا تكييف وخلي بالك ان الحاجات دي بتاخد من قدرة المحرك ولكن المفروض حتي من غير تكييف و بالباور تجيب أقصي سرعه ليها مرتاحه و هي 145 كيلومتر في الساعه

والله يا باشمهندس انا مش عارف اظبط الموتور ازاي ؟؟؟ او ايه بالظبط الي هيتظبط
انا بقول ان الأستهلاك الزيادة بسبب الباور والتكييف
تخيل حضرتك ان أقل لمسة للدريكسيون عندي بتعلي الموتور (بتحرك عداد ال rpm)
والتكييف نفس الشئ
عشان كدة بقول ان استهلاكها طبيعي
كمان السحب ممكن يكون متهدر بسبب طول السيور عندي وكثرة الطنابير الي بيعدي عليها (التكييف والباور)

حضرتك قولي ايه ممكن اعمله او أظبطه وانا مش هتأخر ، انا نفسي عربيتي تبقي اخف في الجري وأوفر في البنزين

والله المستعان
،
،