سيارتي اللوجان بقت كوم قش فهل من ناصح ؟

**hebishy** · 10-07-2011 11:24 PM

يا اما فيه مشكله في مركز التحميل يا اما الصور كبيره مع انها 400ك و حي بي حي
هل من حل

**hebishy** · 11-07-2011 01:12 AM

محاولة اخرى

**engahmedsamy** · 11-07-2011 01:58 AM

لا طبعا تتباع و حمد لله علي سلامتك

**neemmohamed** · 11-07-2011 02:15 AM

الف سلامة عليك .... قدر الله و ما شاء فعل
إنا لله و إنا اليه راجعون ... ربنا يوفقك لما فيه خير لان حالتها صعبة جدا
لا اله الا انت سبحانك انى كنت من الظالمين

**MOUSTAFA_SAAD** · 11-07-2011 07:43 AM

انت كنت مامن ولا لا
وكان الله فى عونك انا رايى تبيعها وبرده شوف ممكن تتصلح بكام واحسبها ايه المناسب لظروفك
وربنا يعوض عليك والحمد لله انك سليم وبتكلمنا دلوقتى
فى حوادث زى دية الناس بتطلع منها جثث او بعاهه مستديمه مدى الحياه

**farselkon** · 11-07-2011 08:09 AM

على فكرة العربية كويسه ومفيش غير الجنب الشمال اللى متبهدل سمكرى كويس ويضبطها إن شاء الله إصرف نظر عن البيع طالما الحوض مخدش خبطه خلاص وعلى العموم شوف أخر سعر ليها لو حبيت تبيع وعرفنى وممكن أشوف لك حد ياخدهابسعر جيد 0119498449

**engahmedamin** · 11-07-2011 11:45 AM

لا حول ولا قوة الا بالله العلى العظيم ...
والله يا اخى الحمد لله انك انتا بخير ..
قدر الله وما شاء فعل ..
منظر العربية فعلا متدمرة تماما ..
نصيحة من اخ بجد اخلص منها تماما و انهارده قبل بكرة ..
سكة الاصلاح و التجديد دى سكة طوييييلة جدا و مكلفه جدا جدا جدا
و الصنايعية عندنا فى مصر اما جاهل و بيفتى وهيبوظلك العربية زيادة .. او كويس بس حرامى و هياخد منك فلوس بالهبل و يركنك جمبه بالشهور على ما يصلحلك العربية
ده غير ان العربية عمرها ما هترجع تانى زى ما كانت حتى لو صلحتها فى التوكيل نفسه
اتوكل على الله و شوفلها بيعة و ربنا يعوض عليك فيها ان شاء الله و يرزقك بالافضل منها ..
و انتا لو حسبتها صح هتلاقى انك لو حطيت التمن اللى هتبيعها بيه + الفلوس اللى كانت هتاخدها عشان تتصلح = تمن عربية مستعملة و حالتها كويسه تمشى بيها نفسك لحد ما ربنا يرزقك بالجديد

**hebishy** · 12-07-2011 04:59 PM

الحمد لله بعتها وريحت دماغي واخد بنصيحة اخوانا في المنتدى واخواتي وجيراني واهلي وخاصة انني لا اصلح للتعامل مع الصنايعية وكنت بعت السويفت واشتريت زيرو عشان الصنايعيه فالحمد لله
وجزاكم الله خيرا