الموضوع: الرئيس محمد البرادعي مع يسري فودة.. الآن

المشاركة الأصلية كتبت بواسطة otefa

تصدق بالله ماسك نفسي بالعافية عن المشاركة في مواضيع البرادعي مابيجيش من وراها خير أبدا بس أهو الواحد رجله أتسحبت والأمر لله من قبل ومن بعد .......فيديو صغير كده فيه شوية شبهات مش بطالين أبدا وفيه مفاجأة كمان عن حمزاوي
وأيمن نور طبعا معروف تاريخه
طالما مؤيدين البرادعي مش عارفين يعددو مميزاته وبالعكس الغموض يحيط به.......شوفو الفيديو ده من باب الحذر والحرص على أن لاتخطف منا الثورة في أتجاه مضاد لمصالح مصرنا

youtube - ‪the great deception 2011 - ط§ظ„ط®ط¯ط§ط¹ ط§ظ„ط£ظƒط¨ط± (hd)‬‏

معلش باشمهندس محمد , انا مش بحب البرادعى وعندى اعتراضات عليه كتير بس الفيديو ده قريب جدا من هلاوس احمد زبايدر و توفيق عكاشه بس معمول بصوره احترافيه وخلط واضح للاوراق .

المشاركة الأصلية كتبت بواسطة hobiko

حضرتك جبت منن إن الدكتور البرادعي ...... هو إلي كان ورا محاولة تكوين مجلس رئاسي ؟؟؟؟


هو عندك في التيار الديني ...... مفيش تحريم للتفتيش في ضماير الناس و اتهامهم بالباطل ؟؟؟؟؟


حضرتك كنت في الميدان إنهردة و شفت الكلام دة بعنيك ؟؟؟؟



و متقليش أنا ماقلتش إنه البرادعي ...... الغرض من ورا مشاركتك واضح




الغريب إن مهاجمين البرادعي ينقسموا لنصفين اساسيين ...... أتباع التيار الديني و خصوصاً السلفي ....... و كارهي الثورة على مختلف تنويعاتهم


تفتكروا ليه ؟؟؟؟







بجد مش قادر أمسك نفسي من الضحك ........


:pointiy2[2]::pointiy2[2]::pointiy2[2]::c_laugh[1]::c_laugh[1]::c_laugh[1]:

معلش حضرتك بتتهمه انه فى التيار الدينى اللى هو تبعه ( على اساس ان احنا كلنا مش تبع التيار الدينى اسلامى او مسيحى ) مفيش تحريم للتفتيش فى الضمائر واتهاهم بالباطل , وبعد كده انت فتشت جوه نيته واتهمته بانه يقصد البرادعى مش شايف تناقض فى مواقفك شويه , حب البرادعى زى ماانت عايز بس ماتحولوش لاله .

المشاركة الأصلية كتبت بواسطة otefa

ياباشا أنا ماشفتش زبايدر على ما أفتكر خالص يعني قصدي مش مأثر على تفكيري
وعموما في موضوع حرص ولا تخون ممكن تشوفه جايز يقنعك أو العكس دي حريتك الشخصية
تقبل تحياتي

على فكره ياهندسه انا مش بتهم حضرتك بالتأثر باحمد زبايدر انا بقولك وجهه نظرى فى الفيديو وماقدرش احجر على راى حضرتك سواء بالرفض او القبول [color=blue]وفى الاول وفى الاخر احنا فلول زى بعض [/color]

المشاركة الأصلية كتبت بواسطة korkor

معلش حضرتك بتتهمه انه فى التيار الدينى اللى هو تبعه ( على اساس ان احنا كلنا مش تبع التيار الدينى اسلامى او مسيحى ) مفيش تحريم للتفتيش فى الضمائر واتهاهم بالباطل , وبعد كده انت فتشت جوه نيته واتهمته بانه يقصد البرادعى مش شايف تناقض فى مواقفك شويه , حب البرادعى زى ماانت عايز بس ماتحولوش لاله .

أول حاجة ياريت ترجع تشوف عنوان الموضوع


الرئيس محمد البرادعي مع يسري فودة.. الآن

تاني حاجة دي أول مشاركة للعضو dojuar في نفس الموضوع إلي عنوانه فوق

المشاركة الأصلية كتبت بواسطة Dojuar

منذ لحظات مع وائل الابراشي الشيخ صفوت حجازي يصرح انه تمت احباط محاولة لتكوبن مجلس رئاسي مدني اليوم في الميدان

لكنه رفض سرد التفاصيل

معلش طلعت اوت المرادي

أخر حاجة لو العضو dojuar مش قصده في قرارة نفسه لما كتب المشاركة دي ...... الدكتور البرادعي من قريب أو من بعيد


فأنا حعتذرله

المشاركة الأصلية كتبت بواسطة otefa

ده تصور وربط بين علاقات وأحداث.....مش مهم رئي أنت عارفه من زمان
أنت رئيك أيه ده الأهم؟

لأ ازاي ؟؟؟؟ متسبنيش كدة


ياريت بعد إذنك من فضلك جاوبني ...... حضرتك مقتنع بالي في الفيديو ؟؟؟؟؟


عشان بس أعرف أعلق عليه صح ...... و أقول رأي

المشاركة الأصلية كتبت بواسطة otefa

هههههه تمام ياباشا هو ده ألي وصلني يافلول
ده رابط الموضوع جايز يعجبك جايز لأ
الهدف هو في الأول والأخر مصلحة مصر
http://www.nilemotors.net/nile/231112-6.html

انا قريت الموضوع ومتابعه بس مش قادر استسيغ ان امريكا هتخطط لثوره فى الدول العربيه واولهم مصر , ليه هتستفيد ايه ليه تخسر عميل ممتاز زى مبارك وتجيب حد تانى يمكن لما يتمكن من الحكم يقلب عليهم ويبوظ مخططاتهم , النظام الفاسد السابق كان اكبر عميل للامريكان وكان اكبر مساعده لاسرائيل مافيش واحد بيفكر تفكير منطقى انه يبقى عنده عميل رائع زى مبارك ونظامه الفاسد واتأمر عليه علشان امشيه واجيب حد تانى مكانه , بالنسبه للشبهات حوالين 6 ابريل فهى مذكوره ومسموعه من مده لكن حتى لو كانوا اتدربوا وخدوا فلوس فالثوره مش 6 ابريل والثوره ممكن تكون اهم حدث فى مصر من خمسين سنه فاتت ولخمسين سنه قادمه وكل اللى بيشككوا فى الثوره وبيقولوا ده بتخطيط لوزعى حلزونى كهربائى يبقى لامؤاخذه دماغه بايظه وعاوز يكشف على مستوى الكهرباء فى المخ ده اذا كان عنده