اجيب بيتل حلوة ازاى؟

**dr_haitham79** · 08-07-2011 06:11 AM

السلام عليكم يارجالة البيتلز الكرام

من زمان وانا عارف البيتلز ومقدرها كويس
لكن لأنى من كفر الشيخ
ولعدم وجود ميكانيكية كويسين لها هنا
وعدم وجود قطع غيار
ده خلانى أصرف نظر عنها لفترة
لكن دلوقتى مسيطرة على دماغى فكرة انى لو ربنا وفقنى فى عربية حالتها حلوة مش هحتاج لحد متخصص قوى جنب البيت زى ماكنت متخيل

الفكرة هنا..
ايه احسن طريقة اشترى بيها بيتل بحالة كويسة فعلا
وماتخلينيش أشوف العفريت بتاعها اللى تقريبا بيطلع للى بيجيبها من غير مايعدى على نايل موتورز الأول!!
منين
واخد معايا مين
واركز قوى على ايه
واعمل حسابى اغير فيها ايه أول ما أجيبها
وطبعا لو لحضراتكم اراء او نصايح تانية هكون شاكر ليكو أكتر وأكتر.

**beetleMOSH** · 10-07-2011 03:05 AM

لازم تاخد معاك مبكانيكى متخصص فى البيتل و يكون عنده ضمير
عشان يقولك على حالتها بالظبط
مش اى ميكانيكى و خلاص
لانه مش هايفهم فيها حاجه :)

طبعا لازم تشوف حاله الموتور
و حاله العربيه ك صاج و بارومه
و تبص كويس على حاجه اسمها (رقبه )
و دى زى شاسيه العربيه كده
و لازم تبقى سليمه 100 %

برضه تركز مع الفتيس
بيعض ف غيارات
بيعمل صوت
النقلات تقيله

تعمل حسابك بقى فى تغيير زيت و بوجيهات
و ظبط تاكيهات
و تشوف لو العربيه فيها مصاريف طبعا دى حاجه تانيه

كان فى عربيه هنا فى المنتدى فى قسم البيع و الشراء
للبيع و صاحبها لسه شاددها
و على كلامه كانت مرفوعه 20 سنه
ممكن تشوفها

و ربنا يكرمك بعربيه كويسه ان شاء الله