الموضوع: وداعاً لرش العربيات .... مش هترش تاااااااااااني

المشاركة الأصلية كتبت بواسطة ahmed a.maksoud

موجودو منتشر بشدة فى الإمارات و الشمس مش بتعمل مشاكل معاه.

هى القصة فى تغيير لون العربية.....لو هتغيره هتدخل فى مشاكل لو اللون مش مثبت على الرخصة.

بس غير كده هو ممتازو بيحافظ على اللون الأصلى و مش بيتأثر بالشمس.....بالعكس....ده فيه ناس بتقول أن الشمس بتخليه يلزق أكتر.

و طبعاً موضوع التشقيق ده بيعتمد على الخامة بتاعة الأستيكر بالدرجة الأولى.

و ده موقع أحد الشركات اللى بتعمل الموضوع ده فى الإمارات
about us | foila car

تسلم ايدك الموقع ده فى شغل تحفة والله بتوع الخليج دول ناس عسلية معندهمش مانع فى المرور على شكل العربية يعنى لو الرخصة لونين او ثلاث الوان مش مشكله عنده تعملهم ازاى المهم تبقى زى الرخصة فى عدد الالوان انما عندنا لو رخصت لونين يقولك لازم اللونين يكونوا سادة وقطعة على بعضيها يعنى السقف مثلا لون وباقى العربية لونين لكن غير كده يدخلك فى متاهات يارب نبقى زى دول الخليج ويسمحوا لينا بالتجديد فى شكل العربية

طيب بالنسبة للناس اللي قاعده في مصر تعمل ايه ؟؟؟
ياخد العربية يطلع يعملها في الكويت مثلاً و يرجع تاني :))
الحل ايه يا جماعة مش هنعرف نجيب الاستيكر ده في مصر ؟؟؟

فعلا موجود فى الامارات بس سعره ناااااااااااااااار
سئلت عليه من 9 اشهر تقريبا عشان الكورولا قالى جلاد للعربيه كامل 12 الف درهم طبعا جالى احباط وهوا حب يهون عليا قالى ضمان وتركيب و و و و
بس كل اللى قاله ماخففش اثار الصدمه
ههههههههههههههههههه

المشاركة الأصلية كتبت بواسطة Ahmed A.Maksoud

منور يا باشا

تصدق أنا مكنش عندى فكرة عن سعره خالص بس قولت أسأل النهاردة فى الموقع اللى أنا حطيته ده..............و أتصدمت صدمة عمرى.

و برضه كان بيقولى ضمان 5 سنين و ضمان على دهان العربية الأصلى و و و

كنت عاوز أقوله يا عم أنت أهبل...........السعر ده يجيب عربية مستعملة أبهدلها زى ما أنا عاوز و أركن اللى خايف على دهانها دى :)

حاااااااااااااااااااااااا ااجه من اتنين
يا اما الناس دي بتهظر أوي
يا اما احنا اللي مش عايشين و جايين من كوكب تاني
طيب بوصوا يا جماعة هوريكم اختراع انا عملته النهاردة
انا كان نفسي اجيب موبيل اسود و ده طبعاً لحبي الشديد للون الأسود ولكن للأسف اختي شبطت في اللون الاسود واخدت انا اللون الفضي
وده شكل الموبيل بتاعي من ساعتين



وده شكله دلوقتي



عملته بالاستيكر الاسود اللي بيتفيم بيه الفوانيس الخلفية كانت حته ربع متر عندي ملهاش لازمة
بس إيه رأيكم
ودي نفس فكرتي في الاستيكر للعربية بردو ولكن بدون تغيير اللون زي حالة الموبيل
انا عايز الاستيكر للحفاظ علي بوية العربية من البهتان و الخرابيش وطبعاً للمعته الجميلة زي الموبيل كده

ولا بيتاثر بشمس ولا حاجه
زيه زى الفاميه
وزيه زى اللى بيعمل السقف او الكبوت او الشنطه
اسود مط او كاربون
ولا بيشقق ولا بيعمل بلالين ولا اى حاجه
طالما اتشد و اتعمل بنضافه و فن

و بعدين كده كده بيتعمل بجهاز الهوت
زى السشوار كده
عشان يطرى الاستيكر و ياخد كيرفات العربيه و خطوطها مظبوطه بدون مشاكل
و ناس كتير بتعمله
بس بتبالغ فى الاسعار

و ناس كتير كمان من اللى عامله عربياتها اسود مط
بيبقى استيكر مش رش

و انا عن نفسى بفكر فى الموضوع ده
و كان واحد صاحبى سال عليه
و المتر بتتراوح اسعاره من 10 الى 20 جنيه
حسب الخامه المستخدمه
لان الاستيكر ده فى منه انواع و ماركات
و كل حاجه و ليها نضافتها