+1111111111111111
هو ده بالظبط اللي انا اقصده, و بما اني مش مهندس كهرباء, ماكُنتش عارف اشرحه
بالشكل المفصل و المنظم ده... شكرااا جزيلاً لحضرتك يا فندم على الشرح و التوضيح...
عرض للطباعة
بعد اذن صاحب الموضوع... التكييف ال 6 حصان ينفع يشتغل مع عداد سنجل فاز 40 امبير او حتى 80 ولا لازم ال 3 فاز ......؟ طبعا مع باقى الاجهزة
انا سمعت فعلا ان ال3 فاز بيركب للمصانع و الورش وانة عشان يركب لشقة لازم معاينة عشان يتأكدو من عدم امكانية تحويلها لورشة... مش عارف الكلام ده صح ولا غلط ...
استفسار اخير: هيحتاج سلك كام مللى ؟
التلاتة فاز بيركب للوحدات السكنية عادي يا يوكو, ممكن الي اتقالك يكون اجراء جديد او رخامة موظفين.
حتلاقي استيكر ملزوق على الجهاز موضحلك التيار الي بيسحبه الجهاز في حالة التشغيل المتواصل و حالة البداية (وحدته A او Amp). بحسبه سريعة كده ممكن يكون 30 امبير (الرقم ده مش دقيق), ف40 امبير حيكون صغير شوية.
فيه نقطة مهمة جدا لازم تعرفها, مفيش تكيفات 3 فاز في السوق, بمعنى انه كده كده بتركب على فازه من التلاته لو عندك 3 فاز.
شكرا لرد حضرتك .. بس ازاى مفبش فى مصر 3 فاز ... طب و المكيفات ذات القدرة الكبيرة 6 او 7.5 حصان سواء كانت كاسيت او مينى سنترال او فرى ستاند كلها سنجل فاز؟ ... طيب و اية الحل لو عايز تركب اكتر من تكييف من القدرات الكبيرة دية و يشتغلو مع بعض عادى ... يعنى اية هو العداد المناسب و المتاح فى مصر.. ؟
باشمهندس وائل... هتركب التكييف على فازه واحده بالفعل من الـ 3, بس الفكره ان اكيد عندك تكييفات غيره
و اجهزه غيره... تمام... يبقى انت كده كده بتوزع الاحمال على الـ3 فاز في كل الاحوال...
اظن هتحتاج عداد 80 امبير و احتمال تحتاج اكتر لو عندك اجهزه كهربائيه زيادة, او تكيفات تانيه...
رأي انه لازم يكون عندك 3 فاز... ليه؟ علشن التكيف الـ 6 حصان لواحده هياخد فازه كاملة و معاه
ممكن حاجات بسيطه من الاجهزه الخفيفه, و هتوزع باقي الاحمال على الـ2 فاز التانيين...
لو وزعت على 2 فاز فقط هيكون الحمل كبيير جداا على كل فازة, و المفروض ان ده ماينفعش (المفروض)...
لازم 3 فاز... و ركب ميني سينترال او كاسيت او غيره مافيش مشكلة طالما موزع احمال صح و العداد يشيل...
و انا اول مره اسمع ان العداد اللي يركب على الـ3 فاز ده عداد مصانع !!!!! و مستغرب جداااا من الموضوع ده !!!!
تحيــاتي...
والله ما فيه حاجة إسمها ٢ فاز في أحمال البيت ده فازة وأرضي وكل جهاز بياخد السلكيناقتباس:
لو وزعت على 2 فاز فقط هيكون الحمل كبيير جداا على كل فازة, و المفروض ان ده ماينفعش (المفروض)...
واحدة واحدة يا هندسة... و من الأول, لان 100% في سوء تفاهم...
افترض ان انت عندك في بيتك 10 اجهزه كهربائيه من تكيفات و سخان و ثلاجه و غيره + اضائة
الاجهزه دي ليها احمال طبعاً... لو افترضنا مثلاً ان الاحمال دي كانت 50 امبير
اللي بيحصل كالآتي... انت بتحسب الاحمال, و بعدين بتحاول توازن بينهم و تقسمهم على 3
و 3 ده اللي هو عدد الفازات, و بعدين تعمل توصيلاتهم داخل الشقة, و توزع على
اللوحة الداخلية (لوحة الكهرباء) و منها للفازات الـ3 الخارجيه, و منها للعداد......
كده كده انت بتاخد من العمومي فازة واحده فعلاً Single Phase و ده العادي اكيد,
و العداد نفسه بيكون بردو Single Phase, بس انا مش قصدي العداد هو اللي 3 فاز,
انا قصدي على الـ3 فازات اللي فوق العداد و دول اللي بيتوزع عليهم احمال الكهرباء
و منهم للعداد (الواحد فاز), و ده اللي انا قلتهولك في المشاركه اللي فاتت و قلتلك
اني بتكلم على الـ3 خراطيش اللي فوق العداد, مش العداد نفسه, و احنا بنقول 3 فاز
بشكل عام مجازاً.
العداد نفسه 1 فاز و بيكون 4 سلك. 3 كهرباء + 1 ارضي (Neutral), و كل فاز بتاخد
سلكين بالفعل, و منهم للبيت اللي كل جهاز زي ما بتقول بياخد سلكين بنفس الشكل...
انا مش عارف هو فين سوء التفاهم, بس يمكن انا اللي مش عارف اوصل المعلومة
او يمكن انا و انت بنتكلم في نفس الموضوع و نفس الكلام بس بطريقة مختلفة و مش فاهمين,
و يمكن اللي لخبطك انت اني بتكلم بمصطلحات السوق بشكل عام على اعتبار انها معروفه !!!
عموماً انا حاولت اشرحلك قصدي و يا رب تكون فهمتني, و انت كلامك مش غلط و اعتقد اني فهمت قصدك :))
مهندس محمد غازى شكرا على رد حضرتك... تمام كدة الفكرة وصلت, اعتقد العمارة عندى داخلها 3 فاز بس للاسانسير و السلم بس الى داخل الشقق 1 فاز 40 امبير...الفكرة انو عادى احول ل 3 فاز بسهولة ولا لأ ؟ ...