هل ينفع اشغل 2 تكييف فى نفس الوقت واخد 2 وربع وواحد 2 حصان علما بان العداد 10 امبير
عرض للطباعة
هل ينفع اشغل 2 تكييف فى نفس الوقت واخد 2 وربع وواحد 2 حصان علما بان العداد 10 امبير
انا لسه بدرس كهربى بس قولت أرد هما التكيفين مع بعض هيسحبو أكتر حوالي ٢٠ أمبير مع بعض لو الكومبريسورين إشتغلوا مع بعض
ممكن بس مينفعش يشتغلو مع بعض
ما ينفعش يشتغلو مع بعض
ولو في سخان كهرباء او غساله اوتو ماتيك مشكله اكبر
لازم تغير بعداد 40 امبير
ولو هاتغير ياريت تتابع وتقولنا عملت ايه
لااااا... لو هتشغل واحد بس حتى ماينفعش يا باشا, و بعدين عداد 10 امبير, ده معناه ان الشقه عندك على 2 فاز !!؟؟
عموماً رأي الشخصي لااازم تغير العداد, و لو انت فعلاً 2 فاز, و عندك اجهزه كهربائيه, و ده اكيد,
يفضل تطلع لـ 3 فاز و توزع احمال, و ساعتها شغل 3 تكييفات في وقت واحد حتى لو تحب...
تحيــاتي...
اللي اعرفه ان لو هتركب تكييف لازم تغير العداد لعداد 40 عشان يستحمل
وعندي بشغل تكييفين مع بعض وسخان كمان بس العداد 40
تحياتي
شكرا للجميع هروح شركة الكهرباء اقدم على عداد 40
الله ينور عليك جبت المفيد لأن أساسا المفروض انك مينفعش تشغل تكييف واحد حتي مع بقية لاحمال الكهربية للبيت (تليفزيون - ثلاجة - انارة - غسالة - سخان .....) كلهم مثلا او بعض منهم علي عداد كهرباء 10 أمبير لأن أساسا التكييف لواحده في بداية التشغل (initial condition)بيسحب أكثر من 10 أمبير وبعد كده بينزل للوضع الطببعي في سحب الأمبير مع استمرارية التشغيل وممكن يشتغل معاك ولكن الكلام ده خطر و غير أمن
و بالتوفيق
باشا انا بتكلم عن الفاز و ليس الامبير... و مش فاهم معنى ان الـ3 فاز مش بيطلع غير للمصانع !!!
بالنسبة للامبير... انا كنت بقول يغير العداد لواحد 40 امبير, بدل الـ 10 امبير
بالنسبة للفاز... لو عنده 2 فاز, يركب 3 فاز و يعيد توزيع الاحمال تاني عليهم
ازاي مافيش 3 فاز غير للمصانع !!!! انا عندي في الشقة حالياً 3 فاز, و في شقتي انا 3 فاز,
و اي برج او عمارة جديده بتتبني او حتى قديمه في مكان عادي بتكون بردو 3 فاز !!!!!!!
توزيع الاحمال على الفازات و منهم للعداد ده مهم جدااا و خصوصاً لو عندك اجهزه كهربائية كتير...
لو انا فاهمك غلط فهمني يا احمد لاني فعلاً مش فاهم موضوع الـ3 فاز و المصانع ده خالص !!!