الموضوع: الف مليون مبروك للأستاذ محمود اخر المنضمين لمحبي وعشاق الجميله (كروز)..

ده الشرف ليا والله وانا فعلا سعيد بمعرفتى لمجموعة محترمة زى حضراتكم كده بجد
انا عارف ان محمد بييجى كل فترة لما ييجى نبقى نحدد ميعاد للمقابلة ويارب اكون عضو مش تقيل عليكم يارب

المشاركة الأصلية كتبت بواسطة mrrr

السلام عليكم ورحمة الله وبركاته عليكم جميعاً
بصراحة الكلمات عجزت عن وصف مشاعرى لما بدأت اكتب لأول مرة فى المنتدى وبالأخص على الصفحة العزيزة الى قلبى الخاصة بالجروب الجميل شيفروليه وأحب اخص بالذكر شخص عزيز جدا إلى قلبى والله ده مش كلام ياجماعة المهندس محمد السعدنى لأنى دوشته كتييير أوى الفترة اللى فاتت فى أسئلة كتيييير أوى وطبعاً اشكر كل الأخوة الأعزاء اللى كتبه الكلمات الجميلة دى.
وقبل أى حاجة أحب أعرفكم بنفسى أنا أسمى محمود تغيان وانا عارف انى فى ناس دلوقتى هاتقول أيه تغيان دى معلش ده موضوع شرحه يطول ابقى اقول لكم عليه بعدين هههههههههه انا شغال مدير عمليات مشاريع الحاسب المركزى بشركة كبيرة والحمد لله وانا مهندس تصميم شبكات ايضا وكان جزء من طبيعة شغلى انى قبل ما أحط أى تصميم لازم أعمل مقارنات واشوف البدائل وده جربته لما فكرت اشترى عربية معلش ياجماعة انا رغاى شوية بس اعذرونى زى ما محمد باشا سعدنى قال لكم انا كنت بستمتع بالفرجة على مناقشتكم الجميلة فقط دو ن المشاركة المهم مش هاتصدقوا انا ليا حوالى سنتين بدرس وبعمل مقارنات بين فئة السيارات ال 1600 لغاية ماعملت حصر مابين 3 عربيات:
1: شيفروليه كروز (حبيبة قلبى )
2: كيا سيراتو
3: سكودا أوكتافيا
هابدأ بالسيراتو بعد مقارنات سواء من حيث الشكل أو المواصفات قررت استبعده لأنى مش عارف ك\ماكنتش مقتنع بيها تماما (ده من وجهة نظرى أنا)
السكودا عربية كلنا عارفين محترمة واسم لايختلف عليه اتنين ولكن واحد زى حالاتى حديث العهد بالسواقة ده غير السعر قررت استبعده هى كمان
فقررت ان اركز على الكروز واستخرت ربنا والحمد لله جبت اول فئة فى الاوتوماتيك لوم فيرانى لأن اللون ده كان عجبنى جدا ويمكن المهندس محمد السعدنى لما كلمنى وقلتله انى جبتها قالى ايه رأيك ولتله كلمة واحدة بس " عربية ركوبة : بجد والله انا جايب العربية دى وانا عاشقها بكل مافيها سواء كان الموتور زى مابيتقال بتاع نوبيرا ولا لأ أو واخدة شهادة الخمس نجوم فى السلامة ولا لأ بس مش تحيز منى ولا حاجة انا حاسيس انى راكب عربية المانى بجد
المهم العربية ليها حوالى اسبوعين معايا ورخصت 3 سنين الحمد لله ويمكن لما محمد باشا كلمنى كنت بزف فيه بنت اخويا فى خطوبتها معلشى ياجماعة انا طولت كتير بس ده لأنى أول مرة اشارك وان شاء الله ماتكنش الأخيرة ويمكن انا تحركاتى مش كتير بالعربية عشان اقولكم تجرتى معاها لأنى لسه معدتش الألف كيلو بعد الألف هابقى اقولكم تجربتى الكاملة معاها
مع العلم قدر الله وما شاء فعل فى اول يوم خروج بيها اتخبطت من ورا بس والله مش انا السبب اللى كان ورايا بس الحمد لله على اللى يجيبه ربنا
وأخيرا شكرا بجد لأحسن ناس وأحلى مجموعة اللى حسيت بجد انى واحد منكم ده بعد اذنكم طبعا ويارب اقدر افيدكم زى مانتو فيدتونى وافدتم غيرى كتيييييييييييير اوى
الى ان نلتقى
محمود

1000 مبروك
وربنا يديلك خيرها ويكفيك شرها

المشاركة الأصلية كتبت بواسطة mrrr

السلام عليكم ورحمة الله وبركاته عليكم جميعاً
بصراحة الكلمات عجزت عن وصف مشاعرى لما بدأت اكتب لأول مرة فى المنتدى وبالأخص على الصفحة العزيزة الى قلبى الخاصة بالجروب الجميل شيفروليه وأحب اخص بالذكر شخص عزيز جدا إلى قلبى والله ده مش كلام ياجماعة المهندس محمد السعدنى لأنى دوشته كتييير أوى الفترة اللى فاتت فى أسئلة كتيييير أوى وطبعاً اشكر كل الأخوة الأعزاء اللى كتبه الكلمات الجميلة دى.
وقبل أى حاجة أحب أعرفكم بنفسى أنا أسمى محمود تغيان وانا عارف انى فى ناس دلوقتى هاتقول أيه تغيان دى معلش ده موضوع شرحه يطول ابقى اقول لكم عليه بعدين هههههههههه انا شغال مدير عمليات مشاريع الحاسب المركزى بشركة كبيرة والحمد لله وانا مهندس تصميم شبكات ايضا وكان جزء من طبيعة شغلى انى قبل ما أحط أى تصميم لازم أعمل مقارنات واشوف البدائل وده جربته لما فكرت اشترى عربية معلش ياجماعة انا رغاى شوية بس اعذرونى زى ما محمد باشا سعدنى قال لكم انا كنت بستمتع بالفرجة على مناقشتكم الجميلة فقط دو ن المشاركة المهم مش هاتصدقوا انا ليا حوالى سنتين بدرس وبعمل مقارنات بين فئة السيارات ال 1600 لغاية ماعملت حصر مابين 3 عربيات:
1: شيفروليه كروز (حبيبة قلبى )
2: كيا سيراتو
3: سكودا أوكتافيا
هابدأ بالسيراتو بعد مقارنات سواء من حيث الشكل أو المواصفات قررت استبعده لأنى مش عارف ك\ماكنتش مقتنع بيها تماما (ده من وجهة نظرى أنا)
السكودا عربية كلنا عارفين محترمة واسم لايختلف عليه اتنين ولكن واحد زى حالاتى حديث العهد بالسواقة ده غير السعر قررت استبعده هى كمان
فقررت ان اركز على الكروز واستخرت ربنا والحمد لله جبت اول فئة فى الاوتوماتيك لوم فيرانى لأن اللون ده كان عجبنى جدا ويمكن المهندس محمد السعدنى لما كلمنى وقلتله انى جبتها قالى ايه رأيك ولتله كلمة واحدة بس " عربية ركوبة : بجد والله انا جايب العربية دى وانا عاشقها بكل مافيها سواء كان الموتور زى مابيتقال بتاع نوبيرا ولا لأ أو واخدة شهادة الخمس نجوم فى السلامة ولا لأ بس مش تحيز منى ولا حاجة انا حاسيس انى راكب عربية المانى بجد
المهم العربية ليها حوالى اسبوعين معايا ورخصت 3 سنين الحمد لله ويمكن لما محمد باشا كلمنى كنت بزف فيه بنت اخويا فى خطوبتها معلشى ياجماعة انا طولت كتير بس ده لأنى أول مرة اشارك وان شاء الله ماتكنش الأخيرة ويمكن انا تحركاتى مش كتير بالعربية عشان اقولكم تجرتى معاها لأنى لسه معدتش الألف كيلو بعد الألف هابقى اقولكم تجربتى الكاملة معاها
مع العلم قدر الله وما شاء فعل فى اول يوم خروج بيها اتخبطت من ورا بس والله مش انا السبب اللى كان ورايا بس الحمد لله على اللى يجيبه ربنا
وأخيرا شكرا بجد لأحسن ناس وأحلى مجموعة اللى حسيت بجد انى واحد منكم ده بعد اذنكم طبعا ويارب اقدر افيدكم زى مانتو فيدتونى وافدتم غيرى كتيييييييييييير اوى
الى ان نلتقى
محمود

1000 مبروك
وربنا يديلك خيرها ويكفيك شرها

الف مبروك على العربية وربنا يديك خيرها ويكفيك شرها و ان شاء الله تبقى فتحة خير على حضرتك .

ربنا يخليك ياباشمهندس اسامة على كلامك المحترم ده وبالنسبة للفة انت تؤمر انا تحت امرك فى اى وقت :)))

ازيك ياباشمهندس محمد عامل ايه يارب تكون بخير واخيراً حققت للك امنيتك وبقى ليا مشاركة اهو عشان ماتقولش انى بتفرج بس ههههههه المهم ياسيدى ده انا يو المنى لما تصدعنى يبقى حتى جزء من الدوشة اللى انا عملتهالك قبل كده ويارب تيجى بالسلامة ونتقابل على خير ان شاء الله