الموضوع: عيب في الدوكو ولا في الكابينة

اسمح لي حضرتك وضحت نقطة جميلة جداَ
وهى ان الاتنين هيشيلو التكلفة .. والاتنين معترفين بخطاءهم او ع الاقل ناويين يعدوا الموضوع
وهو البوهيجي ومحل الدوكو نفسة

المشكلة اللى عند حضرتك متخيل انها من شخص واحد صح ؟
المشكلة من وجهة نظري كالاتى :

1 - نوع البوية سيئ للغاية وتم خلط اللون بشكل خاطئ وشربت رطوبة بضمير اثناء الخلط
2 - العربية متخدمتش كويس قبل الرش ودة واضح قوي من كلام حضرتك
3 - السخن اصلا مشتغلش عليها .. عايز تتأكد ؟ هات ثـنـر .. او حتى جاز عشان يكون اخف .. وحط منة نقطة واحدة على مكان مش ظاهر
ف العربية .. هتلاقى اللون طلع مكان محطيت الثنر .. دة معناة ان حضرتة مشغلش عليها السخن كويس نظام عبي وارمى

كل واحد فيهم طبعا بيحمل العيب على الاخر .. والعيب اصلا ف الاتنين .. البوهيجي ومحل الدوكو بتاع البويات . خطأ مشترك
علما ان حتى لو البوية وحشة وتعبانة خااااااالص .. لو البوهيجي خـبير ومحترم وايدة حلوة ممكن يلم الموضوع تخيل ؟؟
ومش يبان اصلا غير بعد فترة طويلة جدا لما الشمس تاكل سقف العربية ويبدء يبهت .. المقصود ان لو البوهيجي ايدة حلوة كانت عدت
لكن الاتنين بطيخ

عموما طالما الاتنين هيصلحو الخطأ اللى حصل .. خلاص وربنا يوفقك ويكملها لك على خير بأذن الله

لالالا الحر والشمس ملهمش اي علاقة بالسخن بتاع الكابينة
سخن الكابينة عبارة عن هواء ساخن جداَ بيمر بطريقة معينة ولمدة محسوبة على البوية
انا عاشرت البوهيجية والناس دى فترة لا بأس بها وعربيتى رشتها بنفسى ف كابينة وفنشتها وجهزتها كمان
رغم انى مبرمج لكن قلة النقص اللى شفتها مع بوهيجية كتير خلتنى كملتها بنفسى
اللى بيحصل ان بيكون عندة ضغط وعربيات كتير ودة الطبيعي وهو عايز يخلص منهم طبعا فعندة حالين
اما يشغل السخن شوية وارمي .. نظام عبي وارمي خلينا نخلص
يأما مش بيشغل السخن اصلا عشان يستنفذ الوقت ف عربية غيرها
وممكن الكابينة يكون السخن بتاعها بايظ او ضعيف وطبعا تكاليف اصلاحة مش رخيصة

الشمس والهوا والحـر ملوش اي علاقة ابداَ بسخن الكابينة دة وضع تانى مختلف وهام لتثبيت البوية ع العربية وبيتفاعل مع " المصلب "
اللى بيخلي البوية صلبة ومتماسكة علشان كدة مسمينها مصلب

السخن دة بيكون دافي تقريبا (الجو العام للكابينة)

العيب مش من الكبينه ابدا
عيب الكابينه بيظهر ان يبقي فيه عفار علي الدهان غير كده لأ
وبعدين هيدخلها الكابينه ويبيتك لتاني يوم ومش هيشغل السخن استحاله طبعا
دا كده عيب في الدوكو سواء تجهيز او خامات