الموضوع: كنت عايز اشتري عربيه واشغلها بعقود سنويه

المشاركة الأصلية كتبت بواسطة m.alaa92

المجال بتاع الايجار مجال قذر ولازم تبقى واعى اوى للعربية وكل اللى بيحصل العربيات بتتلصم و انت عارف اى واحد راكب عربية ايجار بيعاملها ازاى ده اولا .

ثانيا استنى شوية لما الاوضاع تبقى كويسة لان سرقة العربيات من مكاتب الايجار كتيرة

المشاركة الأصلية كتبت بواسطة mohamedbook

نصيحة بلاش الموضوع دة
انا جبتلك من الاخر
هيطلع ميتين العربية ومش هتاخد فلوسك الي حطتها فيها
لو كنت فاكر غير كدة تبقي غلطان

المشاركة الأصلية كتبت بواسطة mazagngi2010

خد بالك من نقطه مهمه جدا
المكتب هيقولك هنشغلها لك فى القريه او فودافون وتلاقيها اشتغلت مع الناس بتوع التركيبات او الصيانه وهيطلع عين ابوها خصوصا لو صنى او لانسر او فيرنا او سيراتو عندنا ناس بتاجر عربياتها (لانسر وجين تو) لمقاول بحجه تشغيلها فى اتصالات وبيتحط عليها المولد الهوندا الاحمر فى الكنبه
ويتهيالى نفس الموضوع مع البترول
وبرضه لو عرفت تطول فى العقد اكتر من سنه يبقى كويس برضه طالما هما اللى هيتصرفوا فيها علشان لو عملت حادثه ولا حاجه يصلحوها وتكمل معاهم
كان معانا النترا مره زيرو استلمناها عامله 5 الاف كيلو وعملنا بيها 30 الف فى شهرين ونص وبعدها حادثه ولصمناها وسلمناها
اخر حاجه
بتوع المكاتب قبل الثوره بيفضلوا ان العربيه تكون ملك واحد مسنود علشان لو فيه مشاكل تطلع بسرعه معرفش الحال ايه دلوقتى
من الاخر لازم مكتب محترم جدا لانه مجال قذر

ياجماعه انا قصدي علي عقد في شركه