الموضوع: سخونة اوبل 95 بتوصل 100 *_*

المشاركة الأصلية كتبت بواسطة cayman69300

بالراحة كدة
السوتشة دى فعلا عالية و فى اقل منها
و هتكون جديدة لان الاستيراد كله عالى فى درحة الحرارة
حرارة غليان المية فى الدورة المكبوسة للاوبل هى 124 درجة
يعنى درجة حرارة 100 اقل من درحة الغليان بـ 24 درجة
يعنى تكافئ درجة 76 فى المية المعرضة للضغط الجوى العادى
بس احنا مش ممكن نتخيل شكل العربية و هى ماشية على 100 او 105 او 110
دور على سوتشة تانية و اتاكد ان ترموستات الكوعة شغالة
و ان شاء الله تبقى تمام التمام

انا مش فاهم حاجه ازى تكون الحراره فى الدوره المضغوطه 124 وكده زى حله الضغط انا مش متاكد من الكلام ده لو حد عنده تعليق يخش يقولنا يعنى الضغط فى الدوره عالى جدا زى حله الضغط والميه فيها بتغلى عند 124 مش 100 درجه:b4_611:

المشاركة الأصلية كتبت بواسطة vampire998

طيب انا عايز اعرف حاجة هو المفروض يكون فى تنفيس مف غطا القربة بتاعت المية

علشان انا لما بقررب من القربة بسمع صوت تنفيس دا عادى ولا لا انا سالت واحد قالى عادى

قالى علشان الضغط ميزدش جوة القربة فالتنفيس دا عادى

فعلا الكلام ده مضبوط ومتقلقش منه علشان الغطاء ده فى حاجه كده زى البلف يسمح بخروج الضغط الزياده

طيب انا زهقتكم معايا

لو فى حاجة بتسرب مية بس قليل قوى ممكن تسخن العربية

يعنى لو خرطوم بيسرب بس بسيييط جدا يعنى او مكان الترموستات بيسرب بس مش الى بينقص القربة قوى

دا يسخن

فى صاجة فوق الفرن دى عندى متشاله دى تسخن العربية ولا مش بتاثر

هلالى باشا عامل ايه ازيك معلش انا متقل عليك شويه علشان انا عندى نقص فى هذه المعلومه
اما موضوع الحساس انا ممكن اسال عليه عندنا بس سعره مش غالى ودرجه الحراره الاى بيفتح عليها مش عاليه (83/88) سرعه اولى (90/95) سرعه تانيه لو احتجتها قةلى وانا اجيبهالك وانا ان شاء الله مسافر الصعيد يوم الجمعه القادم واتمنى ان اشوفك لان الاجازه بتاعتى 6 ايام فقط واول مااصل هتصل بيك ولو احتجت الحساس اتصل بى النهارده