حد جرب العفشة الكونى فى المازدا 3

**AmRElSiSi** · 09-07-2011 07:41 AM

بسم الله الرحمن الرحيم

دلوقتى انا 50000 كيلو و المساعدين قربوا يجيبوا اخرهم و خصوصاً ان انا مركب جنط 17 و كاوتش 225/45 و مركب طقم سوست كونى

انا سألت على المساعدين الاصلى ب 2000 اللى قدام و 1500 اللى ورا
و الطقم الكونى ب 3800 يعنى مش فارق كتير عن الاصلى
و فى طقم مساعدين تركى ب 2200 قدام و ورا

انا عايز اعرف بقى لو ركبت الكونى العربيه هتبقى فعلاً ناشفة جداً و الواحد ميعرفش يمشى بيها
علشان انا سمعت الكلام ده لما جيت اركب السوست و فى الاخر العربيه نشفت بس فى المعقول مش زى الناس ما كانت مصورالى

يا ريت لو اى حد مجربها او يعرف حد مجربها يقولنا ايه الاخبار

**levelpower** · 09-07-2011 12:39 PM

متابع

**vinosse** · 09-07-2011 01:00 PM

بض ياباشا
انا كنت مركب كونى فى فترة من الفترات طقم كامل سوست ومساعدين فى بى ام
الصراحة جامد جدا ثبات فظيع وكنت باخد الملف على 120 استحالة العربية تيجى يمين او شمال

بس البلد بالكامل مفيهاش مطب واحد فمفيش مشكلة خالص
لو انت الطرق يتاعتك فيها مطبات او طرق مش كويسة يبق الكونى مش حينفع وحتزهقك لانها ناشفة جدا وحتحس بكل زلطة تحت الكوتش وحتبوظ الطقم
اما لو على اسكندرية فقط فيبقى توكل على الله وهاتة

**kisho55555** · 09-07-2011 02:30 PM

هى فعلا محتاجة طريق مفتوح .... لكن لو انت مشيت بيها على الكبارى هتحس ان الفواصل عبارة عن جبال وانت عمال تنط من عليها ... فهتضطر تهدى جاد وهتضايق اللى وراك ...

شوف طريقك الاول وبعد كدا قرر ...

بالنسبة للسوس الى انت ركبتها ... هتلاقى العفشة هتنشف اكتر بمرتين او تلات مرات .. لان االدور الكبير علىالمساعد مش السوستة .... يعنى بمجرد ما انت تحمل العربية هتلاقى تاثير السوستة قل شوية ... انما المساعد هو الدور الكبيير ..

فكر كويس قبل ماتركبها ... لانك هتحس انك راكب عربية نطاطة على المطبات ,,,, لكن على الطرق المفتوحة ثبات رائع فوق الوصف ...

**AmRElSiSi** · 09-07-2011 05:18 PM

يعنى اتوكل على الله و اجيبها و افتكر اسكندريه شوراعها نظيفه فالعربيه مش هضايقنى

بس انا كنت سمعت كلام ان انا ممكن اتحكم فى درجة النشوفيه!!!

**vinosse** · 10-07-2011 04:18 AM

اللى اعرفة انك ممكن تتحكم فى ارتفاع السيارة توطيها او تعليها زى مانت عايز

**Mik_t4** · 10-07-2011 05:34 AM

اية دااااااااا
امال الناس عمالة تشكر في الكوني يعني لية طالما متنفعش لشوارعنا
دا انا كنت ناوي اما اجيب العربية انشاء اللة ارزعلها عفشة كاملة جديدة عشان اظبطها
بس كدا انتو لخبطو الدنيا معايا خالص
طيب لو معايا بي ام e30 مثلا ومش عايز احس باي مطباط او تكسير في الطريق وطبعا ثبات جامد اجيب اية؟؟؟؟؟؟؟؟

**pioneerahmed** · 10-07-2011 12:24 PM

لو جبتهم يبقى اقدر اقولك هتغير صوابع ميزان ورا و قدام كل يومين بلا ادنى مبالغة

اعرف واحد غير المساعدين بمونرو و العربية بقت ناشفة بشكل لا يطاق و هو بالجنوط الاصلية ال 15 -- امال لو كونى الى هى انشف من المونرو و جنط 17 و كاوتش عريض !!!

بص فى مساعدين كى واى بى اسبانى لسة مركبهم اول امبارح -- العربية انعم بكتير من الاول (بس مش عشان المساعدين بتوعها كانو بايظين -- نزلو منها سلام و الله )

ال نوع دة اصلا يابانى فى الهوندا و اللانسر و النيسان بيركبوة بس المازدا بالذات معمول اسبانى

**AmRElSiSi** · 10-07-2011 07:59 PM

يا جماعه انتوا قلقتونى منها
مع ان كان زمان فى ناس كتير بتشكر فيها و خصوصأ انها نفس التمن

**mando_07** · 11-07-2011 11:03 PM

المشاركة الأصلية كتبت بواسطة pioneerahmed

لو جبتهم يبقى اقدر اقولك هتغير صوابع ميزان ورا و قدام كل يومين بلا ادنى مبالغة

اعرف واحد غير المساعدين بمونرو و العربية بقت ناشفة بشكل لا يطاق و هو بالجنوط الاصلية ال 15 -- امال لو كونى الى هى انشف من المونرو و جنط 17 و كاوتش عريض !!!

بص فى مساعدين كى واى بى اسبانى لسة مركبهم اول امبارح -- العربية انعم بكتير من الاول (بس مش عشان المساعدين بتوعها كانو بايظين -- نزلو منها سلام و الله )

ال نوع دة اصلا يابانى فى الهوندا و اللانسر و النيسان بيركبوة بس المازدا بالذات معمول اسبانى

و ال-stability بتاعتهم زي الاصلي و لا أقل ؟

الموضوع: حد جرب العفشة الكونى فى المازدا 3

LinkBack

أدوات الموضوع

عرض

-

-

-

-

-

-

المواضيع المتشابهه

هل العفشة الكونى تركب على جولف 1

استفسار بخصوص العفشه الكونى

سؤال عن العفشة الكونى

ألمساعدين المنرو &الكونى

العفشة عبارة عن إيه و ما الفرق بين العفشة العادية و العفشة الرياضية ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة