الموضوع: انواع واسعار الكاوتش في مصر

المشاركة الأصلية كتبت بواسطة fabia2009

السلام عليكم و رحمة الله و بركاته

مع منتصف شهر مايو الجاري أخدت قرار إني أستبدل بالإطارات القديمة اللي جاية مع العربية من بلدها ماركة Matador إطارات جديدة من ماركة ممتازة بنفس المقاس الأصلي و هو 185/60 R14، و عملت جولة في مدينة نصر و الدقي و شارع شامبليون و شارع أحمد سعيد ، وده كله علشان أعرف كل الماركات اللي في السوق المصري اللي فيها مقاس إطارات عربيتي و اعرف كمان فروق الأسعار من تاجر لآخر.

بصراحة انا استفدت جدا جدا من جولتي على محلات الإطارات في القاهرة و اكتشفت إن المعلومات الكتيرة جدا اللي عرفتها عن الإطارات من الإنترنت من مصادر موثوق فيها ميعرفهاش 95% تقريبا من اللي بيشتغلو في مجال الإطارات.
مش بس كده ، أغلبهم عنده معلومات غلط و عكس الصح تماما.

و كمان عرفت من خلال جولتي إن البلف اللي بيتركب في الإطار الـ Tubeless نوعين:-

النوع الأولاني مصنوع كله من الكاوتش (المطاط) و لونه طبعا أسود وده بيبقى صيني و تمنه 5 جنيه عند غالبية المحلات و اللي بيقول من التجار عندي منه ألماني بيبقى غشاش ، و الكلام ده سمعته من معظم التجار و من الأستاذ كريم شلبي رجل المبيعات المحترم في توكيل هانكوك.
النوع التاني مصنوع من النيكل و ده اللي بيبقى من ألمانيا و تمنه من20 الى 25 جنيه و ده بقى بلف معمر جدا و ممتاز حسب الكلام اللي سمعته من التجار و من الأستاذ كريم شلبي رجل المبيعات في توكيل هانكوك ( لسه متحققتش من صحة اللي سمعته عن طريق البحث في المواقع المتخصصة في الإطارات على الإنترنت ).

و عرفت إن مقاس إطارات 185/60 R14 بيتركب في الآتي:-
· شيفروليه أفيو (مقاس أصلي)
· سكودا فابيا ميني 1.4 (مقاس أصلي)
· فولكس فاجن بولو الجيل قبل الأخير (مقاس أصلي)
· فيات بونتو كلاسيك (مقاس بديل عريض بنفس القطر الإجمالي للإطار الأصلي و مذكور في كتالوج السيارة)
· دايو لانوس I أو II (مقاس بديل عريض بنفس القطر الإجمالي للإطار الأصلي ، بشرط استبدال بالجنط القديم مقاس 13 بوصة جنط جديد مقاس 14 بوصة) ]ملحوظة لغوية هامة: حرف الباء يدخل على الشئ القديم المتروك و ليس على الجديد المأخوذ [
· جايز فيه عربيات تانية معرفش ماركاتها ممكن يركب فيها المقاس ده بدون ضرر عليها.

و ديه كانت نتائج جولات البحث وضعتها في جدول كبير
















أهم شيء إنك تحدد أساس إختيارك لإطار سيارتك.

مجهود خرافى - - -

ليا سؤال - - انا قريب ها اركب Kumho V البياع شكرلى فيه جدا جدا - رأيكم ايه ؟؟؟

برجاء تعديل الموقع لانه يطلب باسوورد

الحمد لله يا جماعة انا اشتريت كاوتش الفرنا امبارح بريدجستون اندونيسى 175-70-13 على 315 بالتركيب و الترصيص

ممكن يا جماعة حد يقولى الفرق بين النفخ الهوا والنيتروجين .؟

وإيه الأفضل ؟

ولو نفخت نيتروجين وعايز أزود العجل ،، أزوده نيتروجين برضو ولا ممكن هوا ؟

ممكن تقرا الموضوع ده فيه معلومات عن الموضوع

http://www.nilemotors.net/Nile/222188-a.html