انواع واسعار الكاوتش في مصر

**memo_zls** · 06-01-2015 09:57 AM

الحمد الله ربنا كرمنى امبارح وغيرت الطقم كله ، اولا التويو لقيتو عند العسيلى فى ميدان سفير فى مصر الجديده بس كان فى مشكله انو كان عندو ٣ فرد بس فبعد ما روحتلو مشيت تانى ، وابتديت الف تانى على المقاس 225/55/16 فبعد ما لفيت كتير ورحت الحى السادس لقيت معظم المحلات معندهاش من المقاس ده غير فردتين او ثلاثه والى عندو طقم كامل لقيت كومهو اكيستا بس كان فيتنامى كان عامل الفرده 650 , لقيت برده هانكوك على 775 بس انا كنت عايز حاجه يابانى بصراحه فقولت مستعجلش وقولت اسمع نصيحه الرجاله هنا واطلع على السواح رحت عند البطل الرومانى لقيت عنده نكسن عامل 750 ولقيت بريلى كان عامل 1250 روحت على اشرفكو ٢ لقيت عندو ميشلان على 1350 واكسليرا اندونيسى ، المهم كنت همشى بس الراجل هناك قلى طب متخليك فى المقاس الاصلى بتاع العربيه 215/55/16 متوفر اكتر وكمان الاستبن بتاعك نفس المقاس وقلى عندى عجله يابانى هتعجبك جدا وكل الناس بتشكر فيها ، اه ياعم قلى فالكين يابانى على 900 قولتلو طب وريلى العجله كده ، شوفت العجله ارتحت وخصوصا ان كان فى ناس كتير فى المنتدى بتشكر فيها المهم قولتلو انا هاخد اربع فرد وبعد الفصال وصلت انى اخدت الاربع فرد falken ze912 215/55/16 97vانتاج( 2514 ) على 810 شامله التركيب والترصيص والحمد الله ركبت العجل وكلو تمام ان شاء الله هبقى اقولكم على تجربتى معاه ..والف شكر لكل الى ساعدنى...

**carrier** · 06-01-2015 11:54 AM

المشاركة الأصلية كتبت بواسطة memo_zls

الحمد الله ربنا كرمنى امبارح وغيرت الطقم كله ، اولا التويو لقيتو عند العسيلى فى ميدان سفير فى مصر الجديده بس كان فى مشكله انو كان عندو ٣ فرد بس فبعد ما روحتلو مشيت تانى ، وابتديت الف تانى على المقاس 225/55/16 فبعد ما لفيت كتير ورحت الحى السادس لقيت معظم المحلات معندهاش من المقاس ده غير فردتين او ثلاثه والى عندو طقم كامل لقيت كومهو اكيستا بس كان فيتنامى كان عامل الفرده 650 , لقيت برده هانكوك على 775 بس انا كنت عايز حاجه يابانى بصراحه فقولت مستعجلش وقولت اسمع نصيحه الرجاله هنا واطلع على السواح رحت عند البطل الرومانى لقيت عنده نكسن عامل 750 ولقيت بريلى كان عامل 1250 روحت على اشرفكو ٢ لقيت عندو ميشلان على 1350 واكسليرا اندونيسى ، المهم كنت همشى بس الراجل هناك قلى طب متخليك فى المقاس الاصلى بتاع العربيه 215/55/16 متوفر اكتر وكمان الاستبن بتاعك نفس المقاس وقلى عندى عجله يابانى هتعجبك جدا وكل الناس بتشكر فيها ، اه ياعم قلى فالكين يابانى على 900 قولتلو طب وريلى العجله كده ، شوفت العجله ارتحت وخصوصا ان كان فى ناس كتير فى المنتدى بتشكر فيها المهم قولتلو انا هاخد اربع فرد وبعد الفصال وصلت انى اخدت الاربع فرد falken ze912 215/55/16 97vانتاج( 2514 ) على 810 شامله التركيب والترصيص والحمد الله ركبت العجل وكلو تمام ان شاء الله هبقى اقولكم على تجربتى معاه ..والف شكر لكل الى ساعدنى...

مبروك

كاوتش مميز فعلا

وياريت تقرير عن
الانطباع الاول
لتحسن الدريكسيون وللفرامل وللصوت وللنعومة وللثبات والصوت فى الملفات والزحف الرملى ولظاهرة التسريخ عند الوقوف المفاجئ

وشكرا

**aw2100** · 06-01-2015 10:11 PM

1000مبروك مستنيين تقرير بعد 1000 ك

**konouz30** · 07-01-2015 05:44 PM

ناوي اغير الاربع فرده الكاوتش مقاس 205/55/16 اجيب افضل نوع ايه عشان انا دلوقتي احترت وكونت مقتنع بالبردجستون الياباني وحضرتك بتشكر في التويو اوي فا حضرتك لو ممكن تقولي افضل حاجه وايه البديل ونوع النقشه الصح ومكان تواجد النوع ده فين لان دلوقتي صعب تلاقي عند حد الي انتا عاوزه معلش طولت عيلكم .

**pepo2011** · 08-01-2015 08:30 AM

10000 مبروك ياباشا - وربنا يستر طريقك

**jeepers** · 10-01-2015 03:33 AM

السلام عليكم

كنت عايز اعرف رأيكم في كاوتش ماركة صاف حد جربه او سمع عنه؟

**jeepers** · 10-01-2015 03:34 AM

المشاركة الأصلية كتبت بواسطة konouz30

ناوي اغير الاربع فرده الكاوتش مقاس 205/55/16 اجيب افضل نوع ايه عشان انا دلوقتي احترت وكونت مقتنع بالبردجستون الياباني وحضرتك بتشكر في التويو اوي فا حضرتك لو ممكن تقولي افضل حاجه وايه البديل ونوع النقشه الصح ومكان تواجد النوع ده فين لان دلوقتي صعب تلاقي عند حد الي انتا عاوزه معلش طولت عيلكم .

هتلاقى فى احمد سعيد عند سيد شحاتة

**jeepers** · 10-01-2015 03:50 AM

المشاركة الأصلية كتبت بواسطة jeepers

هتلاقى فى احمد سعيد عند سيد شحاتة

و فى انواع على فكرة كتير حلوة غير البريدجستون و التويو زي النكسن ، جوديير ، كونتيننتال ، يوكوهاما ، ميشلان و صافا و ماركة صافا انا مركبها عندى فى الجيب شيروكي هو مقاس كبير و العجلة حلوة قوى و ادائها ممتاز 235/65r17 صافا المانى و جيبتها من سيد شحاتة و كنت عايز اركبها فى عربيتة التانية مقاسها 225/55r16 عشان كدا بسال فى حد جربها فى سيدان. عشان مطولش عليك فى ماركات تانية افضل من بريدجستون فى السعر و قريب فى الجودة .