الفانوس الامامى اتكسر يااهل اسكندريه

**MOUSTAFA_SAAD** · 09-07-2011 10:02 PM

السلام عليكم

اختى دلوقتى لاقيتها بتقومنى من النوم على خبر حلو وبيتقولى انا عملت حادثه
طبعا انا سمعت كلمة حادثه قولت العربيه اتخرشمت
قعدت توصفلى انها مش غلطانه وطلعت كذا وبترجع كذا وانا عاوز اقولها يابنتى خلصى ايه الخساير
فى الاخر اكتشفت ان الموضوع عباره عن كسر فى الفانوس الامامى مش عارف يمين ولا شمال حتى لانى ماشوفتش العربيه والاكصادم اتخبط
الراجل اللى خبطها بيقولها ادفعلك نص تمنه قالتله لا طبعا انا عاوزه اعمل محضر

دلوقتى العربيه متامنه تبع مصر للتامين وان شاء الله حاعملها تبع التامين والظابط عملها المحضر ان عربيه مجهوله خبطتها وهى واقفه وعندى برده الخبطه الشهيره بتاعت اللوجان فى الرفرف الورانى عاوز اعملها كمان
حد يعرف ورشه بتتعامل مع التامين
يعنى بتعمل مقايسه وبتطلع فاتوره فى اسكندريه
انا برده حاسال زمايلها فى الشركه بيعملوا ايه لما عربيتهم بتتخبط وبيصلحوها ازاى
وعاوز نمرة تليفون الوشاحى لقطع الغيار وده موزع معتمد لرينو علشان اساله على الفانوس سعره كام وعنده ولا لا
لانى عاوز اجيب الاصلى علشان مش بيطوس

لو روحت التوكيل حيعملوا فتحه ونصبه ويركنوا العربيه شهر عقبال لما تخصل وشركة التامين حتدفنى جزاء من المقايسه فعاز اعمله فى ورشه خارجيه وخلاص وتبقى نضيفه

مستنى رايكم

**a7madahly** · 09-07-2011 10:21 PM

بالنسبه لموضوعه الخبطه دى موضوعها سهل اوى واى سمكرى يعملهالك بسهوله.اما موضوع الفانوس فا انا مليش خبره فيه .وربنا معاك وزعلان عشانك جدا يا مصطفى.وان شاء الله تصلح اللوجى عشان اكيد هيا دلوقتى زعلانه.

**MOUSTAFA_SAAD** · 09-07-2011 10:30 PM

الحمد لله انها جت على كده
انا زعلان على العربيه علشان هى فعلا زعلانه وهى بعين واحده وعاوز اركبلها عينها التانيه
مش قادر اوصفلك يااحمد اخويا العربيه دية غاليه عندى اد ايه
حاسس انها واحده من العيله

**MOUSTAFA_SAAD** · 09-07-2011 10:35 PM

هو الفانوس ده ليه وش بيتباع

**mosomodo** · 09-07-2011 10:59 PM

ولا يهمك انشاء الله هترجع احسن من الاول.

المشاركة الأصلية كتبت بواسطة moustafa_saad

هو الفانوس ده ليه وش بيتباع

ده منقول من حل المشاكل بس فى القاهرة :

الوش لوحده ممكن يتفصل عند الشركه المصرية اللى فى شارع زكى فى التوفيقيه ، بس هيطلب منك تفك الفانوس كله علشان ياخد مقاساته ، وبعدين يديك معاد بعد يوم أو إتنين لحد ما يبعته المصنع و يرجعله متفصل ، لو سألت فى شارع زكى هتلاقيه على الصف المقابل للمول إللى فيه جمال البدرى (رقم 7 ).

**MOUSTAFA_SAAD** · 09-07-2011 11:03 PM

يبقى موضوع الوش مش حينفع كده
انا عاوز نمرة تليفون الوشاحى بتاع قطع الغيار علشان اشوف الفانوس موجود ولا لا وسعره كام دلوقتى

**ayman1204** · 09-07-2011 11:04 PM

عندنا انا جبت الفانوس يمين ب 300 جنية بالعافية من التوفيقية بعد فصال ساعتين
:d

**MOUSTAFA_SAAD** · 09-07-2011 11:11 PM

كان اصلى ولاايه

**ayman1204** · 09-07-2011 11:32 PM

كان تركى

**albasem** · 10-07-2011 01:04 AM

ألف حمد لله على السلامة ، ومعلهش يا درش يا حبيبى إن شاء الله تكون فدت حاجه أهم ، بالنسبه للفانوس التركى أنا مركبه عندى له فتره طويله من أول اسبوعين تلاته بعد ما أخدت العربيه كانت لادا ريحت عليا فى مزلقان السكه الحديد وكسرت الفانوس الشمال ورحت جبت التركى من عند البدرى وشغال أحسن من الأصلى وعوز أقولك إن قطع الغيار التركى للرينو من أفضل ما يمكن لسبب إن تركيا بتسعى إنها تصنع الرينو وخصوصا اللوجان عندهم وعشان كده بينافسوا رومانيا فى قطع غيار ومستلزمات الرينو واللوجان تحديدا ، أفتكر السعر عند البدرى 275 ، وممكن تتصل بيه ويشحنه ليك على العنوان إللى تختاره فى أى محافظه وبيزود حوالى 10 : 20 جنيه على سعره وبتسدد عند الاستلام .

الموضوع: الفانوس الامامى اتكسر يااهل اسكندريه

LinkBack

أدوات الموضوع

عرض

الفانوس الامامى اتكسر يااهل اسكندريه - انشر الموضوع فى :

-

-

-

-

المواضيع المتشابهه

الفانوس اتكسر

الزجاج الامامى اتكسر

وش الفانوس اتكسر

الزجاج الامامى اتكسر

الفانوس الامامى اتكسر بتاع 205

الكلمات الدلالية لهذا الموضوع

المفضلات

المفضلات

ضوابط المشاركة