الموضوع: غيرت الردياتير و لا حول و لا قوة الا بالله

سبحان الله
و الحمد لله
و لا اله الا الله
و الله اكبر
النهارده نزلت من البيت رحت المعادى للعيال قعدت شوية
و بعدين رجعت الجيزة قابلت هلالى
و رحنا القهوه و قعدنا
و رجعنا المحطه
و رايح المكتب
قابلت ايهاب نجيب فى خاتم المرسلين
و انا واقف معاه لقيت العربية سخنه
المية مفييييييييييييييييييييييي ش
الحرارة طالعه و داخله عند الأحمر
بطلت العربية
و دورت المية جاية منين
شرخ فى العلبة عند الترموستات اللى تحت
دورت العربية و حطينا 3 ازايز ميه
وصلت لبتاع الريادتيرات
قاللى العلبة تعيش انت و احمد ربنا انها معملتهاش معاك فى السفر
و طلع الريادتير
جى ام انتاج 8/94
جميل
نجى نفك العلبة
اول كلبس اتكسر
زعقت للرجال قلتله انت قاصد
قاللى فكه انت
الردياتير دايب خالص
الغريبه انه طلع نحاس مش المونيوم
اجى افك تقطم
قطمت حوالى 6 او 7 ريش
قاللى خلاص تعيش انت مينفعشى
طيب الحل
قاللى ريادتير جديد
بكام يا عم عمر
مش هتفرق انا هاشتغل
و هو شغال اتصلت بسرور
هندى 450
صينى كى ام 440
امريكان ستارز
هندى 480
صينى بس 400
صينى كى ام 475
اصلى 1280
قلت على خيرة الله
هى بايظه بايظه
بتاع الريادتيرات اصلاً معرفه
لقيته بيركب الصينى كى ام
قلت شغال
خلص
ركب
اظبط
طلع المية و الهو
تمام و الحمد لله
كام يا عم عمر
قاللى الفاتورة اللى شارى بيها اهه
و تركيب و فك 30
يبقى الحساب كله بالفاتورة اللى شارى بيها 420
قاللى القديم هاخده
قلتله هادفع كام
القديم بيعمل خرده 80 جينه
يبقى ادفع 350
قلتله لأ
من هنا لهنا و مناهده و وجع قلب
300 جنيه
نزلتهم ل 280 و رضيت الصنايعى عشان جبناه و هو ماشى ب 20 جنيه
يبقى كله 300 جنيه
و قدر الله و ما شاء فعل
العين صابتنى و رب العرش نجانى
و هاقلبها ميكروباص
كده كويس و لا اتضحك عليا