عدد ملاك هيونداى على المنتدى و انواع سيارتهم والاضافات اللى عاملينها فى عربياتهم

**Bubbles** · 04-09-2008 06:32 PM

المشاركة الأصلية كتبت بواسطة Ahmed Anwer

يا باااشاااا

مش تقول و تعمل موضوع و تعمل تقييم

عشان نباركلك

الله يبارك فيك ,,
انا اسف اعذروني للتأخير بس بجد غصب عني
انا اشتريت العربيه و مافيش 10 ايام و سافرت ده الي خلاني مش متواجد معاكم فى المنتدى
بس طبعا الحمد لله نوعا ما استقريت في السعودية
اما بالنسبة للتقيم انا تحت امركم لحد 2000 كيلو دول الي عملتهم بلأكسنت
كل سنه و انتو طيبين

**devil-lid** · 09-09-2008 12:28 PM

السلام عليكم ورحمه الله انا معايا عربيه هيونداى اكسيل 96 اللون اسود
التعديلات
طاره سبورت - جنوط سبور بس 13 عادى بنفس مقاسها العادى فرش جلد رخيص نوعا -غير الرسومات اللى على العربيه من بره

انا كان ليه سؤال انا كنت عاوز من فتره اجيب للاكسيل تابلوه سبور بس فيه ناس قالت انه مفيش وناس تانيه قالت ان التابلوه بيتلون وممكن نغير الليدات بتاعه يا ترى الكلام دا سليم ؟؟؟ وهلى اى حد يعمله ؟؟؟ علما انى مش من القاهره انا من طنطا ولو اتعمل ممكن يبقى خطواته ازاى بحيث انى ممكن اخلى الكهربائى بتاعه يعمله ؟؟؟؟

**devil-lid** · 09-09-2008 12:29 PM

ارجو سرعه الرد بعد اذنكم؟؟

**AHMEDCAR** · 09-09-2008 12:32 PM

هو اللى اعرفه انه مافيش تابلوه اسبورت ليها لكن ممكن تلعب فى التابلوه ده زى ما الناس قالتلك انا عن نفسى معرفش حد بيعمل الحاجات دى غير فى الحرفين ادخل على الورشه و هتلاقى ناس كتير ممكن يفيدوك

**bob12345** · 19-09-2008 06:51 PM

new elantra
sliver

**BonBony** · 09-10-2008 12:17 AM

نوع السيارة:
ماتركس أتوماتيك آخر 2007
اللون فضى ميتالك
من يونيو 2007 حتى الآن عاملة 5200 وحجزت صيانة الـ 5000 عند أبو غالى العبور السبت الجاى
بس ده لأنى مش بستعملها إلا فى المشاوير القريبة بس
يعنى ماسفرتش بيها ولا مرة يادوبك لحد العبور علشان الصيانة فقط لاغير
على فكرة أنا بحبها جداً بس الحقيقة إنى خفت أطلعها سفريات
لأنى بحس إن عزمها ضعيف وبتاخد وقت أطول من اللازم لو بطأت السرعة على ما تشد تانى
وخصوصاً لو على مطلع واضطريت تبطأ سرعتك وطبعاً بلدنا والحمد لله كلها كبارى
يعنى مثلا بفكر 100 مرة لو اضطريت أطلع من أتوبيس أو نقل لو مش واخدة سرعتها
وعلى فكرة ده بالمقارنة بالتيريوس مثلا وهى 1500سىسى

الإضافات: تُعتبر مفيش تقريباً
فرش فاخر بلون فيرانى مصنع خصيصاً للسيارة عملته فى توكيل الديهاتسو لما والدى كان بركيب فرش التيريوس
طبعاً متقن جداً وشيك لدرجة إن كل اللى بيشوفه بيسألنى هم غيره إمتى شكل فرش الماتريكس ومبيصدقش إنه فرش خارجى

تغيير الإنذارلأنه كان بيعلق طول الوقت بطريقة مزعجة وكل شوية أفصله وأرجعه تانى علشان يظبط
يإما شوية يشتغل وشوية ميشتغلش
إضافة جهاز رفع زجاج ده برضه من الأشياء المهمة

سسنسور خلفى فقط للأسف لأنى محستش بأهمية الأمامى إلا بعد التركيب
بفكر جدياً أغيره لأن أغلب البارك بيكون عمودى على الرصيف وخصوصا عند البيت
فإكتشفت أد إيه هو مهم بس للأسف متأخرشوية
وخصوصاً إنى مرضتش أركب لها الديفندرات علشان متقلهاش زيادة وعلشان هى ملهاش مكان أصلا تركب فيه لأنها هاتش باك
ولذلك هى مش حماية للعربية لأنها بتخلى الخبطة تدخل على الشاسيه وتأثر عليه

سى دى ماركة جى فى سى كنت مضطرة لها لأنى محبتش أشيل الكاسيت اللى نازلة بيه لأن شاكله عاجبنى وعندى شرايط بحب أسمعها
طبعا كان طلبى بيونير بس حبيت الاتنين يكونو نفس الماركة وقولت الإضافات هتحل المشكلة
بس الصراحة أدريان ركب السى دى بمنتهى الفن والحرفنة على سماعات العربية
محتجتش حتى لسماعات إضافية لأنه ركبه وظبطه بطريقة تحسسك إن الصوت جاى من كل الاتجاهات قوى وواضح وكأنك جواه

**abouelmaggd** · 09-10-2008 12:41 AM

الموديل : اكسنت 2005
اللون : شامبين
العربية جبتها من شهرين ونص كانت عاملة 14300 كيلو و حاليا 18700
الاضافات :
انذار و سنتر ( 300 جنيه )
فرش جلد جاهز من دمشق (250 جنيه + 40 جنيه تركيب عند السروجى )
طقم دواسات سبور شكل بات مان (80 جنيه )
طقم جنوط 13 مأكسد ( 900 جنيه )
ام بى ثرى بيونير 6950 ( 1220 جنيه )
4 سماعات بيونير 330 وات تايلاندى ( كانوا ف العربية القديمة و كانوا ب 650 جنيه )
العربية لذيذة بوجه عام بس الصاج بيستهبل اوى :)

**red_elantra** · 09-10-2008 01:13 AM

elantra 2008 m\f
nebety
10 dayes
623 :kilo

we ya reet ai 7ad 3ando nafs el model ne3mel contact .plzzz

**love_story_595** · 18-10-2008 01:59 AM

النترا فضى 2008 اوتوماتيك
حوالى 2300 كم وانا استلمتها عاملة 350 كم
فرش جلد + دواسات جلد + ستاير زجاج جانبى خلفى + ستارة زجاج خلفى وطبعا المعطر وبس و الحاجات دى كلها والدى اللى جابهالى هدية
مع انها معايا بقالها حوالى سنة بس انا معايا عربية تانية ( دايو جوليت ) بقضى بيها مشاويرى لان الالنترا كبيرة فى الزحمة ومش من الممكن تلاقى مكان تركنها فيه بسهولة بس بصراحة هى عربية جميلة جدا .
وربنا ما يجعلكم من زباين الاطفال اللى ايديهم فيها مسامير :K15:

**M.Osman** · 01-12-2008 06:02 PM

فيرنا 2007 ذهبي مانيوال هاف اوبشن 1600 سي سي

13700 كم

الإضافات ( تقريبا مفيش ) :

cd kenwood مع usb ....
دواسات
طارة للدركسيون

بس كدا !!

ياااه دا انا مش محافظ عليها خالص بالنسبة للشباب :(

سلام :)