الموضوع: تيوتا يارس ام ميجان؟؟

المشاركة الأصلية كتبت بواسطة japrulez

على فكرة ال yaris تطلع من megane مستريح هى و عربيات تانية كتييير 1600

أولاً متدخلشي في مقارنه بين الياريس والميجان لأن دي فئه ودي فئه تانيه خالص
ثانياً الياريس عربيه خفيفه جداً علي الطريق فمش معني إني ممكن أجري وأسبق بيها عربيه تانيه تبقي دي عربيه هايله ولو ده المنطق أركب فرنا موتور جبار وعربيه ريشه وهطير بيها (بس علي رأي اللي بيقول مش عارف أوجفها)
أهم حاجه تبقي السرعه والأمان اللي يقدر يخليك تشد وقلبك جامد مش خايف من أنك مش تعرف توقفها أو عربيه نقل تيجي جنبك تلاقي العربيه بقدرة قادر أتنقلت الحاره التانيه غصب عنك
يا باشا مفيش وجه مقارنه أصلاً
وأنا لما سألت الزميل علشان أعرف أسبابه لقيت معاه حق وخاصةً إنها مش معاه من الزيرو لإني بصراحه من مؤيدي الزيرو بشده
بمعني لو عربيتي معايا من الزيرو مغيرشي وأركب عربيه تانيه مستعمله
ثانياً إستخير ربنا الأول ولو لقيت حاجه نضيفه إنت الكسبان ومتنساش تكشف في التوكيل مش مهم 500 جنيه في مقابل راحة بالك

أهلا بيك أولا فى المنتدي :). بس أنا كنت حابب أنبهك مينفعش تعمل موضوعين بنفس الأسم و كده ممكن ينحذف موضوع منهم - هتلاقى لينك فوق اسمها (قوانين المنتدي) فيها قوانين المنتدي - قاعدة رقم 1

المشاركة الأصلية كتبت بواسطة rompo10

انا عملت زيك ياباشا وكنت عايز اغير الاوكتافيا بميجان مفيش واحد من الاخوه وافق وقالولي ابعد عن الميجاااااااااااااان نهائي

على فكرة انا نفس حالة حضرتك وكان معايا اوكتافيا a4 2003 وكنت مظبطها جدا مكنش فيها الهوا وقعدت معايا سنتين
واشتريت ميجان بانوراما ماشاء الله على كميه الوبشنز الى فيها وعربيه ناعمه جدا على الطريق وثابته

بفتقد الاوكتافيا فى حاجه واحدة بس على سرعات عاليه 180 او 200 كانت وحش على الطريق
لكن بصراحه كل الحاجات التانيه الميجان تكسب ودة عن تجربه فى كل حاجه قطع غيار وصيانه ومشى فى وسط البلد
بس انا مبسوط بالميجان جدا والبرسيج بتاعها ممكن يكون اكتر من الاوكتافيا a4 شويه

المشاركة الأصلية كتبت بواسطة JapRuleZ

على فكرة ال yaris تطلع من megane مستريح هى و عربيات تانية كتييير 1600

يا باشا سيبك من تطلع منها ولا لآ
انا كان معايا بيكانتو كنت بطلع من كل العربيات بس بعد ال 80 او 100 كل العربيات بتطلع منى
المهم العربيه تكون متناسبه فى كل حاجه
اليارس طلعتها حلوة انا مرة كنت على الصحراوى بشد مع واحدة وانا كان معايا اوكتافيا a4 وطلعتها زباله الميجان احسن بكتير
المهم مشينا مع بعض بتاع 100 كيلو والطريق كان فى تصليحات كتير كنا بنقف كتير
اول منتحرك هو بيفرق عنى بتاع 30 او 50 متر بس انا بعديه بعد ال 150 ومش بشوفه خالص بعد ال 170

كل عربيه ليها مميزات وعيوب وفعلا مفيش اى وجهه مقارنه مابين اليارس والميجان ديه فئه وديه فئه