كفائة التوكيل بأقل من سعر التوكيل بكتير !!!

**dr_3eshoo** · 11-05-2008 08:22 PM

لا يا باشا تروح قسم الاوبل هناك تلاقي الباش مهندس مودكس هيقولك على مكان الشيخ احمد في الحرافيين
في واحد في شارع المنيل ممكن تسال عليه في قسم الاوبل

**Yarisawy** · 12-05-2008 10:05 AM

يا سومو باشا هو اصلا المهندس فادى ده بتاع اوبل , ومهندس احمد علاوى معاه كورسا ولسه قايلى عليه برضه وانا ناوى اروحله ان شاء الله

**tears** · 13-05-2008 04:42 PM

مساء الفل فخرانى باشا انا لفيت على الوصفه بتاعتك ملقتش حاجه انا ساكن جنب عنوان مهندس فادى ياريت توضح شويه اكتر العنوان

**Ahmad Allawy** · 21-05-2008 07:57 PM

المشاركة الأصلية كتبت بواسطة fakharany

السلام عليكم ورحمة الله أنا كان عندي عربية سكودا فيليشيا وجبت سكودا أوكتافيا موديل 2000 وللأسف سخنت مني وكانت هتجيب وش سيلندر لولا ستر ربنا ووالدي وداها لكام ميكانيكي لكن كتر خيرهم قلولي وديها التوكيل أنا حطيت قيدي على قلبي حاكم أنا عارف أسعار التوكيل لحد ما قريت مشاركة من أحمد علوي الي ساكن جنبي في المقطم عن مهندس شغال في التوكيل وفاتح مركز صيانة في المعادي روحت ضايف أحمد على الماسينجر والراجل بصراحة متأخرش خالص وراح مكلم المهندس ومظبط معاه ورحتلة وطلع صراحة كفائة وزي الفل حسيت فعلا إني بتعامل مع التوكيل وأول مره أحس إني بتكلم مع مهندس فاهم هو بيعمل إيه ومش بيجرب ويلبسني في الحيط وشغال معاه 2 صنايعية شغالين في توكيل أوبل صراحه ناس شغلها نضيف ومش بتفبرك لو خايف على عربيتك وعايز المفيد ومن الأخر عليك بالراجل ده هو ممكن يكون أغلى شويه من الميكانيكية العاديين بس زي ما بيقولو الغالي تمنه فيه :)

احمد باشا..
انا مش عارف اقولك ايه علي الكلام الكبير قوي ده..
يا باشا احنا اخوات وانا معملتش غير الواجب..
و الحمد لله ان المهندس فادي شغله عجبك و العربية بقت تمام..
يا رب دايما ان شاء الله..

**Ahmad Allawy** · 21-05-2008 07:59 PM

المشاركة الأصلية كتبت بواسطة dr_3eshoo

وله في الفولكس يا باشا

والله انا مش عارف.. بس غالبا بيشتغل فيها عادي..
عشان شوفته شغال في جولفات بتاعت اصحابه قبل كده..
بس اللي انا عارف انه بيفهم فيها وهو مغمض الاوبل.. ما شاء الله..
و الحاليا سكودا عشان هو شغال في التوكيل دلوقتي..

لو حبيت ممكن مكالمة تليفون و تسأله وهو اكيد مش هيتأخر عليك..

**Ahmad Allawy** · 21-05-2008 08:00 PM

المشاركة الأصلية كتبت بواسطة SuMo

tb wel-opel nzamha eah

الاوبل اكيد ما شاء الله استاذ و رئيس قسم..
بحكم شغله هناك لفترة تقريبا اكتر من سنتين..

**Ahmad Allawy** · 21-05-2008 08:04 PM

المشاركة الأصلية كتبت بواسطة tears

مساء الفل فخرانى باشا انا لفيت على الوصفه بتاعتك ملقتش حاجه انا ساكن جنب عنوان مهندس فادى ياريت توضح شويه اكتر العنوان

شوف يا باشا..
انت عارف شارع الجزائر طبعا..
هتمشي فيه في الاتجاه اللي رايح ناحية البساتين.. من ميدان الجزاير..
خليك مركز مع الجزيرة اللي في النص..
اول ما تخلص.. علي ناصية شارع السعودية.. او العروبة.. (نفس الشارع علي فكرة..)
تدخل اول يمين بعدها اللي هو اول شارع صغير كده من بعد شارع السعودية..
هو ممكن يكون قبلها او في اخرها.. الجزيرة اللي في النص يعني..
خليك ماشي في الشارع ده هتلاقي معرض عربيات جيب كده.. و جنبه صيدلية.. وهو المحل اللي بعد الصيدلية علي طول..
واخد ناصية كده و عامل مطلع و بيطلع العربيات علي الريف قدامه فوق..

يا رب تكون الامور وضحت شوية..
وبعدين لو حبيت اروح معاك يا باشا.. ابعتلي بس علي الخاص..

**tears** · 22-05-2008 05:09 AM

يا رب تكون الامور وضحت شوية..
وبعدين لو حبيت اروح معاك يا باشا.. متشكرين جدااا على اهتامك هو قريب جدااا من بيتى وانا يشرفنى يا باشا انى اقايل حضرتك انا شغلى فى المقطم فى شارع 9 وانا هرحلوه بس اول الشهر بقى المرتب خلص على البنزين

**Ahmad Allawy** · 22-05-2008 08:58 AM

المشاركة الأصلية كتبت بواسطة tears

يا رب تكون الامور وضحت شوية..
وبعدين لو حبيت اروح معاك يا باشا.. متشكرين جدااا على اهتامك هو قريب جدااا من بيتى وانا يشرفنى يا باشا انى اقايل حضرتك انا شغلى فى المقطم فى شارع 9 وانا هرحلوه بس اول الشهر بقى المرتب خلص على البنزين

وكمان شغلك في المقطم..
ده كده عظيم جدا.. انا ساكن هناك اصلا..
ممكن نتقابل هناك باذن الله.. بس انا بارجع البيت بعد 7 بالليل.
واكيد هتكون انت مشيت م الشغل..
عموما ربنا يسهل و نظبطها..

**dr_3eshoo** · 31-05-2008 01:24 AM

متشكر اوي يا استاذ احمد علاوي على الاهتمام
انا بتعامل مع محمد سمير بس ده في الحرفيين انا فكرت في واحد قريب شويه بدل المشوار

الموضوع: كفائة التوكيل بأقل من سعر التوكيل بكتير !!!

LinkBack

أدوات الموضوع

عرض

-

-

-

-

-

-

-

المواضيع المتشابهه

اسعار قطع غيار Elantra من 2007 الى 2011 داخل التوكيل وخارج التوكيل

مشكلتى مع التوكيل غبور و مهازل التوكيل و التحضير لشكوه اليابان الثانيه

ينفع اغير علبة الشكمان الوسطى بره التوكيل..سعررها فى التوكيل نارر

قررت في cerato خليجي عن التوكيل و شايف إنها أحسن بكتير.

موديلات رينو - التوكيل - مراكز الخدمة - إختبارات الامان - تقييم التوكيل

الكلمات الدلالية لهذا الموضوع

المفضلات

المفضلات

ضوابط المشاركة