بخصوص البايونير deh 3950

**mageeed** · 04-05-2008 01:34 AM

الاول السلام عليكم ورحمة الله وبركاته
ازيكوا ياجماعة عاملين ايه يارب كلكوا تبقوا بخير دلوقتي انا عندي موضوع وعاوز رايكم في حاجة وخصوصا استاذنا الكبير احمد عطية
دلوقتي انا اشتريت كاسيت 3950 وعدتي مكونة من الاتي( 4 سماعات كينوود اتنين 450 وات اندونيسي واتنين 400 وات ماليزي وجي ام سيمفوني 400 وات وصاب بايونير 1200 وات دبل كويل وزيرو باور كلاريون) والكاسيت جيبته من 8 شهور تقريبا وكان زي الفل مفيهوش غلطة تقريبا كل حاجة فيه عجباني وهو اصلا مريحني بس فجاة كده حصل اللي مكنش يخطر علي بالي الكاسيت فجاة لقيته بيقطع يعني اشغل اسطوانة الاقيها بتقطع وبياخد وقت كبير جدا في قرائة الاسطوانة ولما اجي اطلع الاسطوانة ممكن تطلع وممكن ادوس علي الزرار اكتر من مرة قولت اكيد الاسطوانات باظت رميتهم كلهم وعملت اسطوانة جديدة لانج وعملتها من نوع(hp) قولت مش مهم اهه حاجة نضيفة اما نشوف اعملها عالجهاز ومجرد ماانزل اشغلها الاقيها بتقطع برضة والموضوع ده جنني ياجماعة وحرام انا مش عارف اسمع اغاني(مع العلم اني مش مهم عندي العربية اد مامهم الساوند سيستم يبقي مظبوط) مممكن اعرف المشكلة دي تبقي من ايه اه هو الكاسيت فيه ضمان اولاد المبيض بس انا خايف اروح هناك يضحكوا عليا ويقولولي اللينسس باظت او الكلام ده كله وانا عاوز اما اروح ابقي فاهم عشان ميتضحكش عليا وياريت ياجماعة تفيدوني افادكم الله وفي انتظار ردود الجميع انشاء الله وربنا يحافظ علي اجهزتكم امممممممممينننننننننننننن

**ahmedateya** · 04-05-2008 01:40 AM

للأسف فيه شكاوي كتير من الموديل ده و كان المفروض تجيب 5950 على الاقل و تايلاندي و ممتاز

عموما طول ما هوة في الضمان يبقى تروح تلبسهلهم في دماغهم

**mageeed** · 04-05-2008 01:43 AM

ياباشا انا مع حضرتك ان 5950 لا يعلي عليه بس حضرتك اكيد عارف فرق الفلوس برضة ولا ايه يعني ده انا كنت جايبه ب750 والتاني كان عامل كام ساعتها؟ وحضرتك طيب مش تعرف ده يبقي ايه مثلا؟ او ايه المشكلة عشان مقعش فيها تاني لا انا ولا اي حد من الاخوة الاعضاء؟؟؟؟؟؟؟؟

**mageeed** · 04-05-2008 01:44 AM

وانا اسف جد ياباشا اني بتقال علي حضرتك لان حضرة بسم الله ماشاء الله الله يزيدك يارب خبير في الحاجات دي ونفسي ابقي زي حضرتك وبخصوص موضوعنا ياريت ترد عليا فيه

**ahmedateya** · 04-05-2008 03:23 AM

المشاركة الأصلية كتبت بواسطة mageeed

ياباشا انا مع حضرتك ان 5950 لا يعلي عليه بس حضرتك اكيد عارف فرق الفلوس برضة ولا ايه يعني ده انا كنت جايبه ب750 والتاني كان عامل كام ساعتها؟ وحضرتك طيب مش تعرف ده يبقي ايه مثلا؟ او ايه المشكلة عشان مقعش فيها تاني لا انا ولا اي حد من الاخوة الاعضاء؟؟؟؟؟؟؟؟

المشاركة الأصلية كتبت بواسطة mageeed

وانا اسف جد ياباشا اني بتقال علي حضرتك لان حضرة بسم الله ماشاء الله الله يزيدك يارب خبير في الحاجات دي ونفسي ابقي زي حضرتك وبخصوص موضوعنا ياريت ترد عليا فيه

غالي و يعمر ولا رخيص و يزمر؟؟ اكيد الغالي تمنه فيه
و اتقل براحتك و تحت امرك و انا متابع معاك هناك

**mageeed** · 05-05-2008 05:37 PM

لا ياباشا اكيد انت علي حقك غالي ويعمر اكيد المهم ياصاحبي هو عامل كام دلوقتي (علي فكرة انا وديت البايونير التوكيل وخدوه وقالولي تراب ونضفوه وهستلمه بكرة إن شاء الله) وكنت عاوز لو اودام حضرتك ال5950 عامل كام ولو ينفع ادخل ده في ده هدفع كام ولو حبيت ال3950 عشان عاوز اجيب ياما 4950 او 5950 ابيعه بكام وشكرا لمتابعة حضرتك