الموضوع: كل الشكر والتقدير للأستاذ محمد طناني

بسم الله الرحمن الرحيم
اولا كل سنة وحضراتكم طيبين بمناسبة شهر رمضان الكريم واللي انا متوقع يكون افضل رمضان يمر علينا من 30 سنة
ثانيا ودا الأهم
الأستاذ محمد طناني جازاه الله خير وقف جنبي وعاني على مشكلة كنت وقعت فيها وفضلت العربية في الجراش لمدة اسبوع نايمة في حالة سبات صيفي ودا مابيحصلشي ودا كان بسبب ان الإيموبليزر الخاص بدوارة العربية الحمد لله لما العربية جيت ادورها في يوم البطارية من غير مقدمات نامت وبعدين بعد شحنها بشكل مؤقت لمجرد انها تدور العربية بس الحمد لله برمجة الإيموبليزر راحت وعلطول طلمت الأستاذ محمد الطناني وله كل الشكر والتقدير والإحترام اولا لرده السريع ثانيا للإفادة ودا بيدل على قدرته في حل المشاكل المتعلقة بعربياتنا وهو جدير بكونه مشرف القسم واللي انا باعترف اننا بادخل المنتدى على فترات متباعده بحكم الشغل ولكن بلاقي كل جديد ماشاء الله من الاعضاء جميعا وخصوصا الأستاذ محمد وللعلم تم بحمد لله حل المشكله يوم الخميس ببرمجة الإيموبليزر عند واحد متخصص في طنطا عندي وكمان حطلي فحماية وكل ده كان ب 150 جنيه لكن عذري في عدم كتابة الموضوع وشكر الأستاذ محمد الطناني كان لان ما عنديش نت في البيت وكان وجب شكره خاصة انه اهتم بموضوعي وتابع معايا كمان ايه اللي تم واتحلت المشكله من عدمها .
معلش انا طولت عليكم ولكن كان لازم اوفيه حقه بزيادة على الرغم من تقصيري ولانه جدير بالاحترام والتقدير

اتمنى له كل التوفيق ودايما في نجاح مستمر